急!請問大家有冇兒童輔導心理學家/治療師可介紹

waicute

我囡囡係8月開始返n班，開頭返學都只係喊一陣，放學都冇事，點知依家將近返左1個月情況越黎越壞!

返學近2個禮拜時，一同佢換校服就同我講媽咪我肚痛唔舒服，帶佢返學時冇喊過，但感覺到佢係唔想返!（返到學校佢都冇喊，但老師只話佢喊左一陣）
到返學3-4個禮拜時，佢見到校服時已經眼紅紅咁話媽咪唔好，媽咪唔好，帶到學校門口就開始喊了，仲有幾次喊到嘔，
到依家9月喇，佢啲情緒就越黎越差，一瞓醒就喊，喊足3-4個鐘（以前從未試過咁）喊到自己累又瞓著左，起身又喊過，最嚴重係佢唔肯食野，全日只係食左5安奶，就算食左飯都嘔哂出黎，我見到佢咁我真係好心痛，我唔知可以做啲咩幫到佢，連我自己都好大壓力，晚晚都諗佢點解會咁，瞓唔到仲成日喊!依家我連街都唔敢出，一出街就係咁扭計同大喊，搞到全家人既生活作息亂哂!
我好驚再係咁佢有抑鬱，我都唔知仲應唔應該帶佢返學，
所以想問下大家有冇醫生可以介紹，麻煩大家幫幫忙!

gina_JR

若有需要，可pm我，我有朋友係心理學家。

Siusammama

http://www.kidsmind.org.hk/site/kids/home/index.html
聖基道兒童院健苗軒資料

Siusammama

要加油。睇到都好心痛。
俾著我，首先停止返學，同學校了解。你情況咁大件事，唔需要等一個老師覆你學校都要做嘢，班主任固然要話你知你小孩上學情況，但也可向其他高級啲或校長或校務處了解吓有無遇到其他學生有同樣問題，佢哋建議你地去邊啲機構尋求協助。
我見過聖基道兒童院都有提供兒童綜合服務，不過最細3歲。唔知你可唔可以打去問吓，什麼情緒問題，專注力問題，遊戲治療等。

steppenwolf

如果個老師咁耐都唔覆,好似都無乜責任感喎。。。

Annbaat

先主動向學校請長假或退學，睇下校方有咩反應？我覺得有機會係老師經驗不足，無法處理小朋友心理所致。
另外，可報一啲小班playground，等小朋友先再適應一下。

ja616

我知道路德會有評估做及提供遊戲治療，你可先上網頁看看資料，有需要可pm我

lochdalec

其實我都面對緊相同的問題，就是女女都是讀N班，番學初期都願意著校服，但照樣都是番到學校就喊，要老師要佢冷靜一輪就唔喊。但只要班主任離開佢視線範圍又喊過，到而家連校服都唔肯著，日日番學都要佢搏鬥一輪。自從番左學更加癡身左。我都好矛盾，又想佢自己可以克服到，但另一方面，日日甘喊，都好心痛。

sunsunboy

waicute 發表於 14-9-10 16:02
我已經打左返學但係佢班主任仲未覆我電話，所以未了解到佢返學情況

如果學校咁耐都未覆到或唔清楚亞囡的問題, 咁老師對學生的了解實在太淺, 相信日後亦幫唔到小朋友, 真係盡快退學罷了。

我囝做過遊戲治療, 如有興趣可PM我, 介紹給你.

picture

原帖由 Charlie妹 於 14-09-11 發表
如果影響全家的作息，還去到可能有抑鬱的地步，會否先退學較好? 之後再找其他學校插班或報K1吧, 遲一年，小 ...

退學或轉校

Charlie妹

如果影響全家的作息，還去到可能有抑鬱的地步，會否先退學較好? 之後再找其他學校插班或報K1吧, 遲一年，小朋友容易適應！如果現在夾硬繼續返學，只會帶來更大的心理創傷，將來不喜歡返學問題更大。我囡嗰班暫時只有8人，有3個老師 (有些細b遲啲先開學)，所以老師較容易handle, 我囡喊老師更會抱她，更有一日老師抱抱下瞓著咗! 所以我囡現在適應很好，很喜歡老師，有些出名學校太大班，適合性格較強的小朋友，樓主可考慮轉細校，看看情況是否有改善

doggy2013

原帖由 waicute 於 14-09-10 發表
本帖最後由 waicute 於 14-9-10 03:25 編輯

我囡囡係8月開始返n班，開頭返學都只係喊一陣，放學都冇事， ...

你仲帶佢返學?

chucimama

佢似乎好需要安全感，可能先退學，多陪伴佢建立返安全感，琴日睇過篇文章係一位幼兒教育家寫既，佢唔建議家長太早要小朋友分離返學，三歲以下幼兒很需要安全感，會對成長有影響

sunsunboy

我仔都有類似經驗，最後從多方了解，推測到原因。考慮到學校及老師都無能力幫到我仔，最後選擇退學。當時無做治療，反而一年後做了，一年後做直接針對當時的問題作用不太，不過都幫到佢。
樓主要細心了解及分析，但問小朋友作用不大。

picture

原帖由 waicute 於 14-09-10 發表
本帖最後由 waicute 於 14-9-10 03:25 編輯

我囡囡係8月開始返n班，開頭返學都只係喊一陣，放學都冇事， ...

Therapist 都幾貴。揾着個冇料的仲要洗$sigh 時間

Jchau

聽到都心痛,可能小朋友仲未ready 返學,又或者不喜歡學校or 老師(可能是没原因的,只是佢的直覺), 不如等K1先讀啦,小孩大一年有很大分別

Jchau

聽到都心痛,可能小朋友仲未ready 返學,又或者不喜歡學校or 老師(可能是没原因的,只是佢的直覺), 不如等K1先讀啦,小孩大一年有很大分別

adalyho

我囡囡也剛剛返N班兩星期、以加早上見到我都叫唔返學校、氹到佢著校服、上車途中都無喊、但車停到學校門口就狂喊因為知道要同媽媽分開(separation anxiety)! 但好彩放學接佢就好開心、問佢鍾唔鍾意返學佢話鍾意、只係分離個下唔習慣。一定要同老師溝通、了解小朋友上堂情況先可以幫到佢！加油媽媽！