從前我希望/要求仔女點樣,依家仔女咁樣!唉!要接受好大落差

小時了了

呢排無聊, 突發奇想數算小女呢 9年來的成長經過, 數算之下, 發覺作為父母的我所籌謀計劃的, 因著種種原因, 最後有好多事情並不是我當初的想法. 過兩年小女要考呈分試及升中選校, 阿女人生漫漫長路, 作為母親的我仲有好多事情要接受現實, 好多事情唔係作為父母可以控制的, 大家一起學習.


阿女年幼時我希望/要求
1.音樂: i)學鋼琴 (有嘗試過半年) ii) 學口琴 (無嘗試過); iii)報演藝學院課外音樂課程; iv) 教會事奉做司琴

2.運動: i)學體操 (有嘗試過一年, 當初學的目是為了考小學, 提高收小女機會), ii)棒球 (有嘗試過一個暑假, 當年還幻想可以入港隊, 因為這運動女仔算冷門,好易入港隊, 諗住用這運動來考中學), iii)游水 (目的係求生技能)

3.畫畫:已學了6年, 仍在繼續 (目的是訓練她專注及安靜)

4.小學選校: 原本一直以來想報及讀A小學

5. 在家愉快學習: 在家只親子, 不談學校學習, 只溫習中英文默書

6.學科校外課程報讀: 無

7.制服團體: 基督少年軍 (仍未發生, 好想訓練紀律及服從)

女自小希望/要求
學足球

依家9歲的女咁樣的:
1.音樂: 全無興趣

2.運動: i)游水, ii)乒乓球 iii)田徑

3.畫畫: 仍在繼續

4.小學選校: 最後報及入B小學

5.在家愉快學習: 無了, 為了學習事宜時常嘈, 令母女關係緊張. 除了溫中英文默書外, 又要聽及睇英文書, 又要英文作文.

6. 學科校外課程報讀: 之前跟外籍老師學英文拼音及劍橋英文, 依家跟外籍老師學英文作文及朗誦, 同一日要走幾場呢! 唉!!!!!

7. 制服團體: 基督少年軍 (仍未發生, 好想發生, 但阿女好唔想, 因為佢唔想好嚴, 反而佢想參加交通安全隊, 佢話制服好靚及唔嚴)

steppenwolf

我個仔仲好細,不過已同預期有落差。。。
我希望佢高,佢會主動樂觀,愛笑有禮貌好動
希望他大個能成高富帥

實實上：
矮 （遺傳自我和和老公）
難適應新環境,極度膽小怕生
為食（只有對食物會主動。。。）
禮貌（一時時睇心情）
懶,好逸惡勞~（似我。。。）
現在對佢既愿望係。。。大個會要佢學下廚,
學下煮食,話哂一技之長兼唔憂無野做

steppenwolf

原帖由 小時了了 於 14-08-15 發表
本帖最後由 小時了了 於 14-8-15 11:02 編輯

你就好啦,我個仔成日叫我肥媽媽
不過好彩。。。佢叫爸爸做五花腩爸爸~~
條氣順哂~^^

little_yolky

小時了了 發表於 14-9-3 11:29
我暑假期間, 決心立定志向要好好修補與小女因為過去一年累積學習事宜而令到大家親子關係緊張, 她與我的情緒 ...

係咪升小四? 如果唔打算考直資, 都仲可以鬆多一年, 等囡囡自己醒覺要緊張囉, 唉, 有咩辦法, 始終人生係佢既, 小五小六呈分好似打仗咁, 關係差咗, 升更好既中學都補唔番。你囡囡升中果年學童人數暴增未?
努力呀, 好彩我有B2聯繫中學。今年只要努力將阿妹搞埋入去就得。

annie40

已经有大进步呢!

十二岁前孩子很想讨父母欢心, 老怕做错了事, 说错了话, 让妈妈不开心.(妈妈不开心的反应是黑脸)

十二岁后是父母很想讨孩子欢心,老怕做错了事, 说错了话, 让孩子不开心.(孩子不开心的反应也是黑脸).

今天我们少点黑面, 明天孩子会少点做黑面.  为了减低彼此之间循环的黑脸现象,.亲子关系比甚么紧急措施和学习也来得重要.

小時了了

我暑假期間, 決心立定志向要好好修補與小女因為過去一年累積學習事宜而令到大家親子關係緊張, 她與我的情緒都好暴躁, 她的品格行為亦於過去一年內大大變差. 經修補後, 我與小女真的過了一個好甜蜜及溫馨的暑假

唉! 只不過開學2日, 差啲令我同阿女係暑假辛辛苦苦, 好努力及刻意修補的親子關係一 Q 清袋. 呢兩晚又係為咗每晚要小女溫習事宜而令大家關係又再開始緊張, 大家對話又再有少少對抗及面容黑面!

"因為立志為善由得我，只是行出來由不得我。故此，我所願意的善，我反不做；我所不願意的惡，我倒去做。"

我要努力為自己加油, 今晚只是開學第三日, 仍有改善機會, 唔好再傷害親子之間的關係. 坦白講, 我好唔開心及唔想阿女之間, 只不過為咗溫習而傷害大家, 我心傷的. 點解我又係咁架!!!!

MASAYA

awah112 發表於 14-8-29 10:10
只生一個,兩個,好難兒孫滿堂.

而家香港地方唔大好易滿架咋，又唔係以前四合院個d

YanKanMom

回覆 awah112 的帖子

現代人只好說有子有孫吧!

MASAYA

YanKanMom 發表於 14-8-28 10:01
數年前上過一些在職親子課程, 導師問在座家長對孩子有什麼期望. 其中一位媽媽答希望孩子兒孫滿堂. 當時聽到 ...

以前有一句說話，我唔記得係睇返黎定聽返黎，但個意思我印象好深，有個老人家講過：屋唔駛太大，但人一定要夠多。意思即係兒孫滿堂，個陣開始我覺得生兒育女唔止為自己，仲係孝順老人家既其中一種方法
後來我同我媽講返，佢話我都痴線，點會屋唔駛大，人多逼唔落盞搞，我話佢只係未到0個個年齡，遲d就唔係咁諗。而家我地屋企唔算大，夠住，但見到兩個孫就已經好開心

iloveliushing

回覆 MariaTsui 的帖子

叻

YanKanMom

數年前上過一些在職親子課程, 導師問在座家長對孩子有什麼期望. 其中一位媽媽答希望孩子兒孫滿堂. 當時聽到覺得搞笑, 但經過這些年的生活體會, 發覺這個希望包含智慧. 孩子能兒孫滿堂, 其實也不是必然的事, 起碼他們要具備以下條件：(1)
性傾向符合自身性別(2)
願意及有能力組織和維繫家庭(3)
願意及有能力養育下一代(4)
下一代好好成長後再繁衍下一代(5)
身體狀況可以至能見到自己的下一代當然上述媽媽提及的兒孫滿堂是指遁正常婚姻而來的後代.

YanKanMom

回覆 little_yolky 的帖子

認同音樂是一種普世語言, 縱使我五音不全, 聽到動人的音樂或歌曲仍會受感動的. 故在女兒4歲時讓她學鋼琴, 學了數年, 一級也沒有考過, 也由得她, 反正只希望她能自娛. 現亦已停學鋼琴幾年了, 但在學校的音樂課學了兩三年木童笛, 課外活動學了一年長笛, 有時她也會用這些樂器彈彈吹吹教會的詩歌, 與弟弟胡唱一輪, 在我看來, 這已足夠. 至於兒子, 天性散漫, 曾問他想學鋼琴否, 他說不願便算了. 但在學校去年的課外活動揀了中樂葫蘆絲來學(他首選的活動是魔術, 太多人抽不到), 加上音樂課的木童笛, 總算是試過接觸樂器. 說不上他很喜歡音樂, 但偶然也會興之所至, 吹一會葫蘆絲的. 就如昨晚電視提到Auld Lang Syne是一首蘇格蘭名曲時, 他便吹起這首曲來了.

little_yolky

rean_chau 發表於 14-8-26 13:55
點解覺得培養音樂係一生既禮物?  除非佢好有天份同興趣, 如果單靠聰明其實係唔會成為興趣, 只會當一個學科 ...

係「培養音樂」係一生既禮物, 唔需要迫佢學習「樂器」。有無天份都好, 每一個人天生都應該喜歡音樂的, 他們會找到自己的音樂。如果小朋友無天份, 我哋就唔好迫佢哋做李雲迪同郎朗, 只需要「欣賞」音樂, 音樂除咗係升中呈分要X2既學科之外, 仲係一種減壓的好方法。

好似我囡囡, 學校一定要學一種樂器, 咁我咪俾佢學琴囉, 依家升小二, 都仲係一級程度, 樂器只係俾佢學校考試交差既嘢, 佢自己本身好鐘意唱歌, 所以就參加詩歌班同學粵曲。所以「培養音樂」就係教佢學識欣賞音樂, 同你既觀點無出入的。

marble2004

回覆 小時了了 的帖子

千金難買少年窮 - agreed!  Thinking back of the good old days, we were so poor but then we trained to be tough - be able to face all the difficulties and challenges.  I bet the kids, teenages or even those 20's or early 30's won't be able to handle.

kerkermui

rean_chau 發表於 14-8-26 13:55
點解覺得培養音樂係一生既禮物?  除非佢好有天份同興趣, 如果單靠聰明其實係唔會成為興趣, 只會當一個學科 ...

我先生細個係被迫學音樂嘅，但最近佢又攞起佢個小提琴，又再跟老師學佢一路都好鍾意音樂，只係唔鍾意被迫

我地明白，有時作為家長，點都要俾d壓力先會去練習，而練習本身未必會好有趣
但到成功之後，就會變得有趣

我地希望從學習樂器當中，佢學懂音樂，從而懂得欣賞音樂

rean_chau

kerkermui 發表於 14-8-20 13:37
我覺得我對兩個小朋友嘅期望不停咁改變緊 (微調中)因為生佢兩個時，我身體一路都有問題，所以，佢地平安已 ...

點解覺得培養音樂係一生既禮物?  除非佢好有天份同興趣, 如果單靠聰明其實係唔會成為興趣, 只會當一個學科向你交差.
其實唔需要一定要佢學彈學唱學吹先叫做興趣 其實教佢學識欣賞音樂都唔錯丫.

小時了了

http://hk.apple.nextmedia.com/su ... 23/18841144?top=12h

千金難買少年窮 - 陳惜姿

房祖名現年三十二歲，廿八歲時獲父親成龍送一個北京豪宅「Naga上院」單位作生日禮物。這個單位，正是他今天和朋友吸毒的地方。


成龍廿八歲時又在做什麼？

他已拍了《新精武門》、《蛇形刁手》和《醉拳》，成為當時得令的武打明星。

若成龍從小有個富爸爸照顧，凡事不勞而獲，飯來張口，生日時獲豪宅作禮物，他還會有後來的成就嗎？富爸爸捨得讓他為拍戲弄得遍體鱗傷嗎？他還會是名滿中外的成龍嗎？

有個富爸爸，是福還是禍？做名人之後不容易，做中國名人之後更難。外國富豪會把財富捐出來，不為子女留一個仙，中國人不會。中國人喜歡為下一代籌謀，以為把最好的留給子女，最後是害了他們。子女從小要風得風，要雨得雨，這些白白得到的財富和享受，對年輕人是一種蠶食，一種毒害。

千金難買少年窮，是我們經歷過的道理。今天的一切，都憑自己雙手賺來，是我們引以為傲的成績。不為子女留什麼，我認為是應當的。


我常提醒自己，不要令子女過得太好，因不知他們將來家境如何。年少時享受慣了，將來未必會有這種生活。有一個年輕同事跟我說過一句話，令我印象深刻，她說：「我這一代的痛苦，是從小被培養出一種品味和要求，是我憑現在的收入負擔不起的。」

轉載自蘋果日報

Mat_Dad

從前我老婆十月懷胎時, 我兩夫婦希望BB出世有手有腳健健康康.
依家阿仔有手有腳健健康康, 感謝主!