請問真道幾多人一班

fille

如題

MayBride

多謝分享，明哂

littlefaith

MayBride 發表於 14-8-15 00:32
ozoz / little faith
我囝是不主動舉手答問的類型，通常老師問問題，他不會是常舉手答問題那個。他自己舉手 …

放心，正如ozoz所述，真道老師授課好著重互動，如果有睇公開課，你會發現老師會堅持與每一個學生互動，而唔似好多傳統學校，尤其名校，老師只會向成績好或有良好反應學生提問。此外普遍課堂亦會由有趣故事、一個問題、或一幅有趣相片等等開始，有效引發學生學習動機及興趣。你亦會發現老師及學生已習慣隨時分組討論及出來做匯報，就算怕醜嘅學生，响呢種學習環境培養下，大都會有改變。

ozoz

原帖由 MayBride 於 14-08-15 發表
ozoz / little faith
我囝是不主動舉手答問的類型，通常老師問問題，他不會是常舉手答問題那個。他自己舉手 ...

重有，小朋友答錯，我見到老師唔會話你答錯呀呢類說話，會話問多個同學etc, 我見到d小朋友答錯唔會難受，咪下次再答過囉，一堂咁多機會答，只係好平常嘅一件事。

ozoz

原帖由 MayBride 於 14-08-15 發表
ozoz / little faith
我囝是不主動舉手答問的類型，通常老師問問題，他不會是常舉手答問題那個。他自己舉手 ...

我眼見幾次由不同老師上課，都用一d技巧引小朋友舉手答，同時又會鼓勵文靜同學答，例如：會輪住每組抽人答問題，今次第一組第三個，下次第二組第五個，同時亦鼓勵同學合作提水，一定會答到。另外，雖然無直接講，但老師會教佢地輸得起，輸咗下堂贏返又得啫。而且d小朋友都好易投入為自己組𠹭一堂取勝，幾靜都好難抗拒，會有衝動舉手。我見到有d比較文靜小朋友都忍唔住舉手答。

MayBride

ozoz / little faith
我囝是不主動舉手答問的類型，通常老師問問題，他不會是常舉手答問題那個。他自己舉手問問題反而多d。對真道要主動學習的模式，你們覺得他ok嗎？我是怕他在一組人裏，有人做或講，他就不做了。謝謝

fille

ozoz 發表於 14-8-14 11:53
我係準家長，根據現在家長同學校家長講座中得知，真道其實小二已經開始有類似補底。會將小朋友能力分班，小 ...

Thx so much..

ozoz

原帖由 fille 於 14-08-13 發表
咁大出入??

我係準家長，根據現在家長同學校家長講座中得知，真道其實小二已經開始有類似補底。會將小朋友能力分班，小人d嘅班，老師可以幫助多d,而學校亦避免標籤學生，每年多人小人班都唔同一個班別。通常經過多d照顧嘅同學，一年後已經進步好多。至於上課時，我觀課所見，係有大班一齊講下資訊，之後有分組'比賽'輪流答問題加深理解，有分組討論，分組出去講結論，最後甚至有工作紙練習，老師行幾圈已經知有冇小朋友未掌握到，未得嘅就快手教到識。我亦有聽過老師會利用小息午飯等時間玩小老師遊戲，我朋友小朋友數學唔太ok,參與咗一排小老師之後，每日只係計多幾條數，日子有功，之後好咗好多，有信心咗好多。

fille

littlefaith 發表於 14-8-13 18:42
2X至3X人，6班人數不一樣。

咁大出入??

littlefaith

2X至3X人，6班人數不一樣。