做A仔家長真係好多煩惱

Vivianb

我個仔現在兩歲，講好少野，行得吾好﹐眼神接觸少，有臨床心理學家評為自閉。現在係領思上緊密集課程，協康有語言治療，睇緊林XX醫生做另類療法。
所有野做了一個月，成效一般，打算做埋針炙。

現在每個月洗多成兩萬蚊，太太有要日日帶佢去TRAINING，大人細路都好辛苦，A仔家庭真係好多煩惱，


有以下問題想請教大家:
(1) 佢行得吾好，成日亂衝亂撞，使吾使物理治療師 ?
(2) 排緊E位，仲使吾使去CAC ? 因為CAC 排到十一二月先有得睇。
(3) 針炙，我BOOK 左張雅X醫師同浸會大學，想問邊間好些 ? 我想選一個。

5941

回覆 jjcow 的帖子

非常同意，進步不會一夜間發生。况且2歲負荷唔到咁頻繁生活，sen小孩都好需要愉快生活。

monkeidance

你誤會了, 我從不覺得這是"容易"的~ 不過若你見過感統訓練的用具, 其實很多跟我小時候到公園玩的是差不多的~

當然按個別小朋友情況, 不過因為之前也聽過一些媽媽說做運動對平衡及協調有幫助~

另也介紹你看這個台灣爸爸的經歷, 可能有一些啟發~
https://zh-cn.facebook.com/tsaijey

做家長從來都不是"容易"的, 細個我也是阿媽打大的, 不過後來阿媽上了親子班, 才沒有再用"沒效果"的方法~ 知道很多家庭為訓練而花了不少錢, 所以想說也有這樣自行訓練而成功的例子, 可供家長參考~

無論如何, 也恭喜仔仔開始願意到公園沙灘玩, 父母繼續加油~

LeeCC

monkeidance 發表於 15-4-8 15:36
您好，

2及3我沒有太多認知，不過關於1的手腳協調及平衡，絕對可以落公園玩、學踩單車、游水等平衡和協調 ...

如果孩子在公園肯落地踏軟當然可以自行去公園啦，但有些小朋友連這一步都做不到，不去訓練可以點做？我個仔去了感統訓練幾個月才可以去公園沙灘落地，不尖叫
真的你所講得那麼容易嗎？

monkeidance

您好，

2及3我沒有太多認知，不過關於1的手腳協調及平衡，絕對可以落公園玩、學踩單車、游水等平衡和協調運動改善，不用花過多金錢去做感統訓練。

不過若果真的沒時間帶小朋友到公園玩或做運動，那家長也可自行考慮坊間訓練，但我不太贊成。

不是家長的MO

(利申：我沒有自閉症的孩子，也不是家長，只是一名教學助理)

bbqiu

回覆 zhfl729 的帖子

我仔針了她有改善，可能有dA仔真系夾佢，我識得有A媽真系好多謝佢，so各位A媽自己判斷。最多睇一個療程，48次無野睇，甚或20次冇野好走，太影響小朋友情緒也要考慮。

funghon

原帖由 armoimama 於 14-08-26 發表
大家好！我個仔三歲剛被評估為自閉症群譜marginal case, 黎緊會返k1上午班, 今日剛開始了協康第一堂語言治 ...

密集係包括職業治療、言語治療、幼兒導師訓練，還有自理訓練，平時都係一班小朋友一齊上堂，當然好d啦

clingy

基督教心橋計劃。其實好多機構提供密集训练，去實地睇下，同負責人傾下，計算下路程，差唔多心中就有答案了。

armoimama

大家好！我個仔三歲剛被評估為自閉症群譜marginal case, 黎緊會返k1上午班, 今日剛開始了協康第一堂語言治療, 亦有同佢排緊其他機構既職業治療, 但聽大家講好似密集比較有成效, 係咪呢? 同埋Vichang 介紹基督教家庭服務處都有密集訓練, 但我上佢地網頁搵唔到, 請問係邊個分部門呢? 謝謝!

Vichang

原帖由 DJ924 於 14-08-13 發表
我個囝27個月大，返緊全日N班，返學前後都有同過學校傾佢可能係自閉，學校都認同。年初去CAC登記，終於等到 ...

同意另外Jm 講應該立刻排付費密集課程。協康、耀能、基督教家庭服務處、循道衞理都有。大包圍，其實未証實係咪A字都已經可以排。

Vichang

原帖由 DJ924 於 14-08-13 發表
我個囝27個月大，返緊全日N班，返學前後都有同過學校傾佢可能係自閉，學校都認同。年初去CAC登記，終於等到 ...

同意另外Jm 講應該立刻排付費密集課程。協康、耀能、基督教家庭服務處、循道衞理都有。大包圍，其實未証實係咪A字都已經可以排。

funghon

見兒科醫生係即時評估，同埋見埋社工幫你排期E/S/I位。到時如果社工見議你排S位，我覺得你應該即時找私人S位，好過讀N班。

DJ924

我個囝27個月大，返緊全日N班，返學前後都有同過學校傾佢可能係自閉，學校都認同。年初去CAC登記，終於等到今個月尾見兒科醫生。佢少眼神接觸，未好認講野，返學時坐唔定。好想預先知道個流程，等月尾去CAC有所準備:

1. 係咪見完醫生會即時作出評估?還是要等，等幾耐?
2. 如果要排E I S位，係咪當日申請埋?
3. 除咗E I S位，其他訓練係咪排好耐?除咗政府，有邊啲社福機構(港島)有? 如果淨係週末先上，而平日繼續返全日N班，會ok嗎？

Alam123

原帖由 jjcow 於 14-08-07 發表
評估後排 E + S，但到差唔多派位時我見仔進步不少，係學校又無咩大問題，於是同社工講只排 E 位。
至於 N  ...

未評估前已報了半曰國際幼兒園交晒錢，現剛評估完，上緊密集，所以都唔知好唔好試下N班，唔得再返去密集，但怕佢又要再重新適應過。

jjcow

Destination121 發表於 14-8-6 23:25
請問那兒買鵝卵石行？

唔駛買，屋邨公園啲婆婆伯伯做運動個度多數有。維園有個好大的石春池添，仔成日想去玩。
不過以前返密集，見過姑娘成日攞張石春墊出嚟俾佢地行，但其實我唔知係邊度買

jjcow

Alam123 發表於 14-8-6 20:10
現正上私人密集，未識講嘢，煩緊9月都唔知好唔好上N班。你仔評估後有冇排S位？



  ...

評估後排 E + S，但到差唔多派位時我見仔進步不少，係學校又無咩大問題，於是同社工講只排 E 位。
至於 N 班，我當時都係諗住試下咋，唔得咪讀番私人密集囉，得嘅咪可以慳下荷包。

你可以問下返開密集啲姑娘的意見。

佢返咗 N 班，我精神壓力無咁大，又可以休息下，準備下佢放學回家做嘅訓練。

不過你係全日定半日班？半日我又覺得作用不大，寧願繼續返私人密集。全日班對我地啲仔係最好的，當時 CAC 的醫生都係咁講。

Destination121

原帖由 jjcow 於 14-08-06 發表
同意，行草地都唔錯，仲有鵝卵石，唔知係咪腳板多神經反射，佢每次行完呢啲野，我都覺得佢醒咗唔同咗...
呢 ...

請問那兒買鵝卵石行？

Alam123

原帖由 jjcow 於 14-08-06 發表
上咗五個月，跟住返 N 班（歲半時考的，真好彩，當時老師只當佢 BB，收咗），然後一直每星期上一次私人個別 ...

現正上私人密集，未識講嘢，煩緊9月都唔知好唔好上N班。你仔評估後有冇排S位？

jjcow

Alam123 發表於 14-8-6 15:14
我case 同你差唔多，阿仔剛開始上密集，我想看他進度再考慮其它療法。請問你仔仔密集讀了多久，有冇上N 班? ...

上咗五個月，跟住返 N 班（歲半時考的，真好彩，當時老師只當佢 BB，收咗），然後一直每星期上一次私人個別 PST，同埋上醫院 OT。就咁樣，一直捱到 K1 有 E 位。