徐立之﹕學生挑戰權威 要多做功課

elbar

文憑試剛放榜，港大前校長徐立之接受馬會刊物《駿步人生》訪問時話，學生對前途、就業問題唔使太心急，搵唔到心儀工作時，騎牛搵馬未必係壞事，可能會從中搵到理想。

【明報專訊】香港社會議題鬧得熱哄哄，唔少年輕人都上街表達意見，今年3月底卸任港大校長徐立之，之前接受馬會刊物訪問時話，年輕人一向會挑戰權威，只係家表達不滿渠道多，由以前返學放學、巴士傾，演變到可以幾百萬人一齊傾，所以反對、不滿聲音都多。徐立之提醒學生，挑戰其他人同時，唔好人云亦云，或者只係大聲叫口號，應該要「多做功課」深入了解事件。

叫後生仔唔好只睇表面

徐立之話，資訊發達令學生容易「information overload（資訊氾濫）」，無法消化信息，容易覺得迷惘，又呼籲年輕人凡事唔好淨係睇表面。

忙住湊孫 聞做官擰頭

政府成立科技局，徐立之對於局長一職耍手擰頭，話自己唔適合做官，因為施政要做好多配合工作，所以時間同能力都唔勝任喎，原來最近榮升爺爺徐立之，要忙住去加拿大湊孫。徐立之訪問會刊於《駿步人生》，刊物今日隨銅鑼灣、灣仔、中環、跑馬地、金鐘、尖沙嘴及沙田區《明報》附送。