收到cac電話

chu_dan

原帖由 methy 於 14-07-10 發表
我仔主要問題係大小肌肉發展慢，E位幫助係有，但每樣治療每個月都係得一節，間中兩節，唔夠力。

S位返9-4 ...

May i know which S center your son is attending?

methy

我仔係大小肌問題，半歲已經觀察到他同其他同齡BB發展不同，其他個個已經坐得好好，我仔仲似舊棉花，軟林林，手仔唔郁唔拎玩具玩，到9個月又係咁，11個月其他小朋友已經會企起身，仲有d已經想行，我仔仍然未坐到，動作仍然似個2、3個BB.覺得唔對路，就聯絡健康院要求轉介.知道政府起碼要等多半年先做評估，就去私人發展中心，比幾千蚊做評估，間私人中心第二日就幫我轉介政府排E+S位，個時阿仔剛剛滿1歲。

zhfl729

原帖由 methy 於 14-07-09 發表
我仔係排E+S位，1歲排，2歲8個月有E位，3歲7個月有S位。

哗，你甘快就知个仔有事？why？

銘豬媽

仔仔嘅小肌有幾無力？拿唔起東西？

銘豬媽

我case同你一樣，19個月都未識行，今年要報N班，出年入學！我都打算照報，同時排緊E位

methy

我仔3歲半開始無比佢用BB車，係完全無再比佢坐，要佢行，不過大人好辛苦，要間中抱，不過抱下鼓勵下，又會繼續自己行，咁樣下肢肌力進步快好多。
之前用普通士的車，吉之島買的，好輕身。

我只知我仔呢間有安排水療，馬術班，屯門區另外一間好似無安排。

maggie814

原帖由 methy 於 14-07-10 發表
我仔主要問題係大小肌肉發展慢，E位幫助係有，但每樣治療每個月都係得一節，間中兩節，唔夠力。

S位返9-4 ...

我仔都係大小肌有問題，想問你小朋友之前有冇用bb車？邊款會比較適合？同埋係咪間間s位都有水療課程架？

西瓜貓

對政府期望千祈唔好過大，我B有物理同職業治療，去完都係要出去私人做，時間又少，人手又唔夠，態度又求其⋯

raff

回覆 goldiegoldie 的帖子

幼稚園暨幼兒中心兼收計劃康復服務, 即是I位
http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

methy

唔好放棄，照報，最好搵d本身有I位既幼兒園，報佢地既N班，至少有一個老師有讀過小小特殊教學，或見過教過有特殊需要既學生。
或者一年後進步到已經識行識走呢。

methy

歲半未識行都照報哂區內N班，2歲半都未能完全放手行，己拒絕幾個offer,只有一間N班都照比阿仔in,最後都收佢，2歲8個月讀N班。
間學校多位老師都有讀過書，可教I位，入學頭幾個月，老師好幫手，安排阿仔坐身旁，去廁所都扶佢去，好盡力幫阿仔，下個期就收到信派到E位，上午返N班；下午返E位一小時（一星期），到差不多讀左N班E位10個月（3歲7個月），就派到S位，當時可放手行平路，但唔穩、手部肌肉都係無力，跟唔到同班細佢半年既同學，就決定插班入讀S位到現在4歲半。

methy

我仔主要問題係大小肌肉發展慢，E位幫助係有，但每樣治療每個月都係得一節，間中兩節，唔夠力。

S位返9-4，每日物理治療師拉筋，一班7個人，老師全面照顧，配合各治療師既建議，將治療原素融入課堂上，阿仔進步好快，上下學期各有10堂水療堂，又有趣又達到肌肉訓練效果。

methy

我仔係排E+S位，1歲排，2歲8個月有E位，3歲7個月有S位。