小女快升小學，但發覺行為有點反常！好擔心唔識點教！

samima

小女今年升小學啦！但發覺佢行為越來越差，都嚟知點解叫親佢做咩都好都好唔合作，高班上學期都好好地幾聽大人話。新年後大了一歲就開始唔聽唔係講一句就去與我同爸爸合作！要激到啲大人起哂火！好似今日叫極佢都唔瞓瞓之前都同佢講到明睇多半過鐘電視就好瞓啦！咁之前講明哂之後佢半個鐘後一叫就自己入房瞓，依家就唔得，出出入入唔係整過樣就另一樣死都唔瞓直至要人發火喊哂口先去瞓。做功課又係之前好緊張自己功課依家就是是彈彈就做完。變哂第二個人咁。都唔知點解？各位家長你地仔仔女女去到六歲時係咪開始變？去到小學會唔會越來越激心！好擔心佢升到小學會變壞！真係唔知點教！！

samima

唉…！依家啲小朋友好難搞！

Jane1983

回覆 P-boy 的帖子

咁好好呀，佢錫細佬妹，更加要鼓勵佢做個好榜樣。小朋友大大吓，識諗會乖d，難的時候捱吓就過去，加油！

P-boy

原帖由 Jane1983 於 14-05-21 發表
回覆 P-boy 的帖子

咩原因？亦可能因為有細佬妹嚟緊，會有d不安。吾好咁閉翳，同小朋友慢慢傾吓。 ...

佢好期待做哥哥，成日hug 我個肚。我有朋友啲仔又係好勞氣，升上小二會好左。我覺得佢開始大，有自己思想，會在你的道理找錯處，挑戰大人。唯有自己個腦轉快啲，解釋比佢知。我比較firm, 所以佢知道我會罰佢，daddy 同工人得把口，佢完全ignore 他們

hohoho36

我仔6歲K3又係咁, 越來越令人苦腦, 呢排成日同我鬧交, 發脾氣, 駁咀, 我話一句佢頂我十句, 我直頭激到快爆血管, 個心不停跳, 好勞氣, 日日都好唔想返屋企!

GenevieveTNL

原帖由 samima 於 14-05-19 發表
我個女六歲啦！因為個女大開始唔太聽話，所以我今年開始發覺爸爸嘅EQ 好差，之前我都唔太覺呀！所以個女一 ...

很明白妳的感受，我也經歷中....
往好處看，小朋友不肯早睡有時是想和家長多點時間相處。看著他們吵架，看到孩子有 point 地辯駁，開始有主見。只是我們已經經過整曰的辛勞，耐性差不多消耗盡了。

tws2010

回覆 tws2010 的帖子

To Jane1983, I love your answer.

Jane1983

回覆 P-boy 的帖子

咩原因？亦可能因為有細佬妹嚟緊，會有d不安。吾好咁閉翳，同小朋友慢慢傾吓。

samima

原帖由 P-boy 於 14-05-20 發表
亞仔升小一後又係變左第二個，唔聽指示，駁嘴，蝦工人，每日嘅routine 拖長做，講大話，唔聽daddy 話，因為 ...

唉…！快啲去解決佢問題！遲啲個B仲煩呀！

P-boy

亞仔升小一後又係變左第二個，唔聽指示，駁嘴，蝦工人，每日嘅routine 拖長做，講大話，唔聽daddy 話，因為daddy 唔捨得罰，得把口鬧。我又大住肚，不能動氣，好煩惱

tws2010

回覆 Jane1983 的帖子

  無  錯,   點  激 都  好, bedtime,   都  要  息  干  戈

Jane1983

回覆 samima 的帖子

如果爸爸太好火，咁你捱義氣教多d，心平氣和同女女講道理，好多佢兩個火星撞地球。
最有效係臨訓同佢傾計，掃吓背脊，講吓父母幾錫佢，佢點做啱d，有什麼要改進。這種潛移默化洗腦好有用，你試吓吖！

samima

原帖由 Jane1983 於 14-05-19 發表
我女又係K3，佢5歲前好曳，食飯、沖涼、訓覺樣樣都係講極吾聽，但到咗5歲左右，開始好d，講得通道理，明白 ...

我個女六歲啦！因為個女大開始唔太聽話，所以我今年開始發覺爸爸嘅EQ 好差，之前我都唔太覺呀！所以個女一唔聽就搞到佢要鬧發火，我話算慢慢同個女講，教小朋友唔係咁！佢又話我好種佢，所以整到自己好都好唔開心！如果繼續落去唔得囉！講真個女越鬧越唔聽！我知道囉！細個可能怕爸爸威嚴所以唔敢曳！依家大咗就唔同！
唉…！我依家身心都好累啦！對住兩父女！

Jane1983

我女又係K3，佢5歲前好曳，食飯、沖涼、訓覺樣樣都係講極吾聽，但到咗5歲左右，開始好d，講得通道理，明白「點都係要做，何必反晒面先去」。

大家加油，多d講吓道理，小朋友這個年紀係好想取悅父母的，激嬲大人佢都吾好過，搵個雙贏位，大家開開心心過日子。

little_yolky

Charis_mummy 發表於 14-5-19 12:29
Little_yolky的情況簡直同我個女一模一樣, 我女依家已P.3了, 由P.1開始就越來越激心,不只駁咀,擦牙, 唔肯早 ...

有陣時真係激到血壓颷升, 心跳加速。

Rachelmummy2008

我囡囡是K3，同你情況相同，好似聽唔到你講嘢，唔會咁易聽話。
不是你女兒變壞，是小朋友成長階段，請看看育兒書，想發怒時記得離開冷靜一下，再想辦法。

dontaskme

Same here.....  教育小朋友真是超勞累，不停的在消耗你的體力、耐性、精神，有時真的超羨慕有乖巧小孩的父母！:;pppp:

Charis_mummy

Little_yolky的情況簡直同我個女一模一樣, 我女依家已P.3了, 由P.1開始就越來越激心,不只駁咀,擦牙, 唔肯早瞓咁簡單......只知這種情況會持續很長, 相信每位家長必會經歷, 我都無計措施, 只能久不久响大家靜落黎時傾吓, 不要令相方關係越變越差, 但同意一定要有底線 !

little_yolky

hadwinboy 發表於 14-5-19 00:47
我不認為這叫變壞，只是長大了個人思想開始顯露。我個仔超級有主見+有性格，由K2開始已經出現你所提的情況 ...

係, 真係好攰！
原來大家都係咁, 升咗小一真係想死, 駁咀駁到呢......明明之前果分鐘都仲好地地, 下一分鐘就發脾氣。叫佢擦個牙來來回回咗十幾分鐘都仲未去, 然後又遲咗上床, 遲咗瞓覺, 然後第二朝又唔願起身, 如是者惡性循環。