細b vs 大b一條龍，應否repeat K1?

shoulder

細b現讀happy school K1, 適應良好，老師有愛心。現有一條龍學校K1 offer, 因小朋友好勝心強，repeat K1 驚影響自信，但又唔想以後煩升小同升中。唔想後悔新手媽媽想請教各位經驗媽咪

fabsum

回覆 tam_bb 的帖子

我係傾向有好龍校收就做大B個邊
但講開話現今課程愈來愈深又真係，
之不過現在小朋友比以前愈來愈醒亦係事實，有D小朋友真係醒到你吾信

tam_bb

同埋要留意，現在香港幼稚園、小學的課程，普通偏深，同我們小時候的年代不同了！以前身邊的朋友或者自己本身是細B，跟得上課程（係以前嘅課程），未必代表現代的細B也能輕鬆跟得上。

tam_bb

我覺得好睇小朋友本身性格。如果本身很有自信，大小肌肉、社交、語言、智力發展都跟到，就繼續做細B。如果小朋友冇乜自信，就做超大B，因為如果一直讀落去追唔到大B，個人會越來越冇自信心。另外，如果有100%升小嘅龍校收，無論點，都做超大B，免得又要參加小一之戰，大人小朋友都辛苦。

wing12

如果我係妳，我會睇小朋友係唔係嗰種要不停學新嘢才開心嗰種，因為如果repeat 會重學K1的東西，除非新幼稚園係教深好多個種。不過我自己係細B，我想法可能有D biased

小貓貓兔

大家諗多左啦...呢d真係個人資質問題，同大細b冇咩關係，尤其上左小學之後...

mspaint

我覺得係睇資質多過大細B, 同埋係睇long term.. 去到大學, 我有個同學係年尾生日, 咪一樣攞first hons...

ckfamily

原帖由 shoulder 於 13-12-23 發表
細b現讀happy school K1, 適應良好，老師有愛心。現有一條龍學校K1 offer, 因小朋友好勝心強，repeat K1 驚 ...

龍校大部份都係大b,佢唔會覺得自己特別叻，放心

abby0624

樓主都講得出升小升中好煩，咁細個repeat 1年又有咩關係呢?我自己都係早讀書，都有repeat 過小一，因為要轉間好啲既小學，我自己心理上就完全冇問題。

elysemama

一班同學入面，總會有人最大和最細，最大又唔一定係最好成績嗰喎，既然有一條龍嘅offer, 我又唔介意比我個女做大女喎！

性格係唔會因為在班裡做大女或細女而有改變的，我個女係細女，就算比佢留班，做大女，佢都係BB性格，最緊要係間學校同程度適唔適合佢讀！

lucia6119

我的例子剛巧 跟你相反, 女兒 12月31日出生, 一直當細B , 本來上小學 想她REPEAT 一年, 在小學當大B , 但女兒一向生得高大, 當細B 也要坐後排, 小學考到一間名牌小學而且係一條龍上中學的, 去到小三, 發覺數學會比其他人慢些才理解,成績也稍微靠後,  (可能是名牌小學,課本都係比其他小學讀深一年) 無法 七十多分便要被老師 訓話, 雖然最後 能直上中學 , 但到中學, 成績跟不上, 還要REPEAT , 最後反而 自信盡失 ,

當然每個小朋友 資質不一樣, 我只是提供個人 CASE 作參考

我兒子 也是12月31日, 因為有姐姐的例子 , 又係男生 , 所以今次讓他當大B ,
雖然資質他可能沒姐姐好, 小學成績 中中. 但作為大B , 他的EQ 很高, 處事成熟

Yanamami

K1知鬼自己係大b定細b咩?你过慮啦·

OMGWTF

原帖由 ohnono 於 13-12-24 發表
本身係叻、有天份讀書的小朋友，我覺得大與細都沒問題。但我有留意一些band 3學校之中，像九龍城區的五旬節 ...

我個女個班有個男仔係大b，but我個女係細b。我個女身高同成績都高過佢其實冇話細b一定差過大b

OMGWTF

我個女女係2002年11月出世，我想去早d讀書，所以冇等佢3歲生日後先補學校。所以我個女比其他學生細半歲(女女宜家小6)雖然小1,2都考好差，不過小3開始『正式讀書』我覺得比佢早d讀會好d

ohnono

shoulder 發表於 13-12-23 19:23
我想問各位升中媽咪的過來人經驗呀！因為如果做超大B，佢又好勝心強，將來可能更大壓力，因全班最大係佢。 ...

本身係叻、有天份讀書的小朋友，我覺得大與細都沒問題。但我有留意一些band 3學校之中，像九龍城區的五旬節、蔡功譜，黃大仙的潔心，西貢將軍澳的靚次伯等等，好多初中的同學不論男女，個子都是比較細小。特別是潔心和靚次伯這兩間學校的同學，有些的樣貌和身形還很像別人小四、五年級的同學。個子細小本來唔應該用來斷定是細B，可能個別受天生體質影響，但如果這間學校內有好多類似的情形就非比尋常，我就覺得細B在某程度上是較大B會吃虧。

fion6406

k1 做大B的心理問題真係無，可能到了中學青春期乜都比較、同人唔同就好敏感的時候，會有些微心理問題。到了大學又會無哂事。

丸媽媽

我以過來人眼光睇，K1到底有幾大好勝心？咁細個豆丁嘅思想，絕對因為家長影響或者做就而形成

以讀書計，大仔/大女幾時都係有著數，好勝心問題同本身係大定細仔冇關係。