純分享: 其實只要仔仔你開開心心&健健康康就夠!

晞晞爸b

好耐無上來EK發言...各位父母你地好嗎?
近排選擇早D收工早D返屋企陪仔...少D上EK..多左時間陪仔仔...亦加深瞭解佢既脾氣及增加父子之間既感情

相信好多父母仍然為左K1奮戰緊..有人歡喜有人愁
有人為左SC好定係KV/KM好而煩...有人為左全部Waiting/Reject 無心儀學校Offer而擔憂
有人為左是否要做超大B而煩...
尤其遇著龍年效應...總之大家都係共同經歷緊考K1既辛苦
此遊戲規則我地都好無奈咁接受
感同身受之餘我只能同大家講: 加油!

以下是個人小小感想..純粹同大家分享下(非喜勿插):
今年是我第3年玩這遊戲
由於小兒是11月尾超細B..還記得佢剛滿一歲時(2011年尾)我已帶佢去IN PN
舊年就兩邊報~超細B IN K1 + 超大B IN PN
今年就超大B IN K1

一開始(2011年)我都好似大家咁..人報我報(九龍塘名幼)...好聽D就做"唔好輸在起跑線上"
講白D就係"唔執輸&人報我報既壓力"...所以第1年我仔四圍IN..當年IN左大約8間(唔太記得)
由於一早有PN offer (雖唔係名幼)..所以之後都係target果D比較好既名幼...

第2年(舊年)依然只係target 名幼 (果幾間).....

今年..主要選擇以龍校/半龍 為主..但已經唔去IN 太多...
點解?
好明顯見到我仔仔好辛苦及好抗拒去IN
因為佢好鐘意現在讀緊果間學校...好多同學仔及老師都好好..日日都好開心返學放學
佢唔想轉學校轉環境...所以今年去interview就專登唔合作唔答問題無出聲(無聲抗議)

其實大家都知小一戰場更慘烈
所以K1爭崩頭想入好D既名幼...出發點都係位小朋友好...希望鋪好條路以後容易行D
天下父母心..此乃人之常情..我完全同意

只不過我地要明白...名幼心儀學校既取錄標準永遠都係一個謎..
有offer固然開心...無亦唔好灰心...唔好因此去懷疑自己小朋友既能力
好多時係學校唔識貨...記住...係學校走寶(5-20分鐘面試如何真係可以斷定小朋友既能力??)
唔係我地小朋友既問題...隨緣吧

其實個個小朋友資質都唔同...有D早熟有D遲熟...人生幾十年..真係漫漫長路...
我會好珍惜同我仔仔相聚既時光...(遲下佢再大個D就唔黐我地父母了)
趁呢段時間做好身教...同佢建立親密既親子關係
只要佢開開心心健健康康就夠...

晞晞爸b

http://www.monsterparent.com/archives/60586#.UrO6G5rxs3E

Mrs.Luckycat

回覆 fixedstar99 的帖子

Hi, fixedstar99,  can you please share more of this book with us 《孩子，你慢慢來》?  Thanks.

fixedstar99

著名台灣華人作家龍應臺有本書叫《孩子，你慢慢來》。

晞晞爸b

Mrs.Luckycat 發表於 13-12-20 10:25
Again, thanks for all the postivie sharing from all parents.  Mine is a 2011 boy and I am also upset ...

謝謝你
其實我只是一個普通家長
在報K1面試這遊戲中我也曾經迷失自己...(no disrespect to other parents, if i do in any way offend some of these parents, my apology..)
漁翁灑網報名..K1面試班也報過讀過...人有我有...也是真是為小朋友前途擔心...也許是面子問題...點都好
當你見到身邊很多父母報10幾20間K1面試..你很難唔去跟風去報..因為都怕蝕底亦怕自己小朋友輸在起跑線上
我完全明白亦感同身受...

只不過我不想再玩這遊戲了...我很厭倦...我仔仔也很厭倦..
我沒有酸葡萄..我不會批評其它人讀什麼名幼..我無資格亦唔會去咁做
其實入得名幼既小朋友我都鄧佢地開心..因為佢地實有過人之處先可以短短幾分鐘時間表現好好而有取錄

我覺得有時真係退一步海闊天空
"放手等如放過自己"
都係果句..人生漫漫幾十年..唔需要咁細就逼佢催谷佢..有D野未夠年齡就係做唔到...揠苗助長反而有反效果

網上言論真真假假....有幾多OFFER在手(真假難辨)
又何必太認真?

還好EK有很多很有心既家長熱心分享...這點是很寶貴既...

Mrs.Luckycat

Again, thanks for all the postivie sharing from all parents.  Mine is a 2011 boy and I am also upset and unhappy as I know the competitive is very keen this year.  Luckily, I found that many parents of this forum are willing to share information with each other, and I learn from them (and you). Let's us forget all those 唔知係真定係假嘅 "心底話" !  And cheers up !

晞晞爸b

mamaishere 發表於 13-12-19 09:26
之前一路都有睇開你的post，因為我小朋友和你仔仔一樣係細B，有共鳴，而你的名也很好記！

真心為你能想得 ...

很同意你說的
其實學歷只是畢業後進入職場的"入場卷"
好的學歷(be it 名校/博士etc) 只不過係入職場時會有優勢
但出來做野除左學歷之外..仲有更加重要既野..譬如人際關係..
除非係做電腦IT人..日日對住電腦不用對人或同事/客戶
如何去維持良好既人既關係及有創新既思維..包容其它人..自主自發性等等都要兼顧
適當的挫折是好事..可以培養小朋友學習如何去面對自己面對挫敗
這年代既小朋友抗壓力太低..小小事就唸唔開
很多父母為左要仔女多D時間讀書..很多其它事(如家務)都唔駛小朋友做..
漸漸由得小朋友變得驕縱..(小學雞?)

自問我真的不想自己小朋友變成考試機器(我自己深受其害)
我寧願佢平平凡凡..良善正直腳踏實地做人
唔敢奢望佢大富大貴..只希望佢健健康康就好

很多家長離不開"名幼"的思維
入到固然好
入唔到亦非世界末日
冥冥之中上帝自有安排
很多事大人苦苦強求(自己不段俾名幼/名牌呢樣野不斷糾纏)卻忽略了小朋友真正的感受...

晞晞爸b

yamin 發表於 13-12-18 23:18
多謝你真誠的分享，帶出更多正能量。祝你和家人身體健康、聖誕快樂



  ...

謝謝你及其它家長
也希望其他家長.無論你地是否仲為左K1面試/揀邊間讀書而煩惱
不如休息幾日...同仔仔女女開開心心relax下
讀書/考K1既事放完假先煩
最緊要"健康"(太多面試小朋友太累) & "親情"(無好令到小朋友開始憎我地點解成日要去面試..佢地感受到既)

祝大家聖誕快樂!


(原本今日下午有宣道(半龍校)面試..我都決定唔帶佢去喇...)

phoebewong123

多謝分享，我好enjoy 同小朋友一齊快樂開心冇憂冇慮嘅時間，讀名校操練習搞到身心俱疲苦口苦面就冇意思

晞晞爸b

Warning 發表於 13-12-18 15:11
每位家長心裏都有一把尺, 小朋友都有自己想要的東西 - 就係開心!  這單純的要求, 可能是小孩一生中最快樂的 ...

同意!小朋友既童年好短..理應開開心心..如果連呢D童年我地大人都要剝奪佢而不斷催谷佢四圍去學野/同人比較既...我覺得對小朋友好慘....
適當既年紀做適當既事...這平衡點真的很難...做父母也是一門艱深既功課...我每天也在學習中...共勉之...

mamaishere

睇得多嗰啲永不滿足現狀嘅真心話post真係好易令人失去理智和心情欠佳。一家人如果沒有健康身體，又或者成日為呢啲乜校物校唔開心，咁有有乜謂呢？「知足常樂」唔係老土，而係靈丹妙葯。解開心結會令人豁然開朗！

MAMAFUNG

agree! 無嘢比孩子的健康(生理及心理)更重要，家長們要好好反思, 為孩子舖排的是健康快樂人生路。

Ichikobaby

mamaishere

原帖由 晞晞爸b 於 13-12-18 發表
好耐無上來EK發言...各位父母你地好嗎?
近排選擇早D收工早D返屋企陪仔...少D上EK..多左時間陪仔仔...亦加深 ...

之前一路都有睇開你的post，因為我小朋友和你仔仔一樣係細B，有共鳴，而你的名也很好記！

真心為你能想得通想得開而高興。我自己唔係一個谷媽媽，可能因為我都係所謂傳統名校畢業，但踏入職場十年來見過不同類型上司同事下屬，我會發現人際關係、語言能力、社交網絡、靈活思維、自發性... 等等的一切來得比學識更緊要。最後跑出的未必係名校畢業生，反而輕輕鬆鬆讀書的會come up更多創新ideas，公司更buy! 我而家為我小朋友選擇咗一間好適合佢嘅學校。大眾認為是非常開心的，課程淺的，小朋友語言好的，但升小一可能追得辛苦。對我嚟講，搵到適合又讀得開心已足夠，升小一再諗，難適應不代表適應不到，大把人陪我。

所以希望各位家長就算小朋友考不到傳統名校，不用傷心。你哋要相信佢哋仍然會發光發亮，有時真係焉知非福。

igmp

原帖由 Crystalspman 於 13-12-18 發表
EK多啲呢啲正能量post就好！（另一個打不死誓要入名校嘅post大家可唔可以讓佢沉底？睇 ...

我初來報到了兩星期，原本只是看看家長們的分享，但發覺有些討論太負面，好開心見到這一條在香港說易行難的真理！

fabei

add oil!!  

angie0828

原帖由 晞晞爸b 於 13-12-18 發表
同意...大家都要加油..

yamin

原帖由 晞晞爸b 於 13-12-18 發表
其實大家做人父母個個都係為左子女好&希望俾做好既自己小朋友
呢點係understood既

多謝你真誠的分享，帶出更多正能量。祝你和家人身體健康、聖誕快樂