個個都話啟思唔好~~

初級媽咪

好多帖話啟思唔好，搞到收到offer都開始唔興奮，好似呢間係大後備一樣。除了話課程淺，仲話學校亂收生，大家點睇?

raysuen01

睇完大家o既討論,
令我更想我囡囡讀啟思...
因為佢地o既方向, 同我讀書o既方向一樣...

的確唔明,
有d幼稚園教d冷門到全香港都無一個人做o既職業名稱,
例如航天員,
咁有咩意思?

winnie_sham

回復 looklook_66 的帖子

I'm totally agree with you
講真我本人都並不是高學歷人士，而且憑自己以前讀書經驗，書係要靠本人自己讀，佢有心讀嘅，永遠唔會遲，所以童年過得開心對我黎講比較重要，呢一代所講嘅童年可能只係得嗰短短讀幼稚園呢三幾年，因為升小一後好大機會就要開始不斷補習嘅人生（唔係家長想，係學校要你小朋友補），更唔好講話幼稚園就要補習咁荒謬（我完全想像唔到），所以我唔想剝削我女女過一個快樂童年嘅時間，上網睇好多Comments都話啟思係Happy School，我就決定要報呢間幼稚園（收左小女下年讀N班PM）

個人認為有時可能返學玩玩下，比返學坐定定，學嘅嘢會更易入腦更有用

doris880

小gra 發表於 13-10-30 09:29
所以我鍾意活動教學，好過一味靠谷既學校，但有啲人就覺得活動教學係得個玩字，唔鍾意！一定要小朋友坐定定 ...

agree. 小朋友咁細個都係應該遊戲中學習，呢個階段的學習重點是誘發他們的求知慾，我見過一D小朋友在某些比較谷的學校讀書，可能跟唔到所以完全唔鍾意返學，我覺得好似無咗個快樂的童年。

小gra

所以我鍾意活動教學，好過一味靠谷既學校，但有啲人就覺得活動教學係得個玩字，唔鍾意！一定要小朋友坐定定攞住本書嚟讀，咁就叫做學到野，我唔認同囉！

Potato001

smrtkt 發表於 13-10-29 08:54
我認同你的講法, 但你用 canopy 這個字做例子好似有點低估了ek 家長的教育水平, 如果你話d讀唔出既恐龍名會 ...

唔好意思, 我都唔識 canopy 呢個字, 更不用說恐龍名了 (中文都唔識, 何況英文).

我覺得小朋友學一些他們有興趣的東西, 遠比只學認字串字有用.  早前我參觀一間邨校幼稚園的開放日, 展示了部份學生的project, 每個級別都會有一個主題, 我看的主題是 "鞋", 會講到鞋的歷史, 不同人會穿不同的鞋, 鞋是怎樣造出來的等等, 小朋友要做資料搜集, 又會做相關的勞作, 甚至參觀, 加深小朋友的印象, 令小朋友感到興趣. 當中也會涉及一些較冷門的詞語, 如果是用這些方法, 令小朋友學到一些教深和冷門的字, 我覺得是ok的, 不過如果只是死記硬背, 而學會這些字詞, 就只是背誦.

macmate

有冇用家可以分享吓啟思k1-k3嘅課程？

sugar201111

小朋友讀緊n班, 佢係會優先留位俾你讀k (當然要填回條及俾留位費, 而且我由n下午可以轉k上午).
另外, 我幾鍾意佢地既教學模式, 最緊要係學習自理能力.
n班得2歲多, 正常都係玩既多, 佢地都有書本及勞作.
因孖仔分班, 一個班主任會時常打電話講小朋友學習情況, 而另一個班主任無打過俾我. 有比較下就會知道唔同老師對間學校既影響會好大.

oinkoinktang

課程間間分校都一樣,我覺得主要的分別是老師怎樣教,因每間分校的老師各有不同,當中一定有些很有愛心的老師,看看彩數囉!

mcscjc916

回復 小gra 的帖子

csiusin

回復 mcscjc916 的帖子

我唔想太公開去講, 因為始終唔想影響到大家,
各家長都有自己要求既學校,
同埋就算同一名分校都有唔同呀,
因為我見好多人話九龍塘總校好好,

MuiC

我覺得話佢唔好只係因為佢課程唔夠深、唔谷d細路。啓思係happy school,學校個總監係好名嘅教育家，佢嘅理念其實好好，只係時下d小學中學普遍谷人讀書，所以有父母担心升小學時銜接唔到。我之前都有offer但最終㨂第二間，但唔係因為佢唔好，只係各方面第二間適合我地多d(如地點、am/pm,學術同教學模式）。其實揀學校，呢d因素唔係最重要咩....

小gra

講個真實例子比大家聽，我自己係九龍城間靈糧堂讀既，係著重活動教學，係happy school, 而小學就讀牛津道間啟思小學，啟思亦都係活動教學，功課量適中
本人認為幼稚園最緊要讀得開心，番學校係學習同人相處學自理能力，睇下父母要求啲咩啫，咁細個就要外出補習真係有啲那過！好似讀kv咁，每日功課量中文生字40個，英文20個，又要寫句子10句，每個禮拜中英文默書各一次，咁樣就叫做有野學！喺學校一齊教晒做功課，番家唔駛做又或者得少量，呢啲就叫學唔到野就係所謂既番學校只係玩！真係唔係好明現今社會既家長點唸，其實最重要係睇個小朋友資質點，唔係一定谷就得，會有反效果!

sunnymama2

回復 smrtkt 的帖子

吓, 我覺得canopy 已經好深啦, 仲要係恐龍名? 我真係有點暈

smrtkt

原帖由 sunnymama2 於 13-10-29 發表
回復 confidence 的帖子

其實學術成績在幼兒時期真的這麼重要嗎?我覺得這個時期應該幫助孩子建立創造力和 ...

我認同你的講法, 但你用 canopy 這個字做例子好似有點低估了ek 家長的教育水平, 如果你話d讀唔出既恐龍名會合理d, 我 open day 最少見到2間幼稚園貼到成牆都係

sig28

原帖由 looklook_66 於 13-10-28 發表
我都有offer, 亦打算比仔仔讀，但其實我都想知啟思既英文有咩問題



  ...

啟思著重母語教學，當然以中文得先。
家長在幫子女決定讀邊間學校前，真係要諗清楚對子女有咩期望，選合適的學校，無一間學校係樣樣都'最'好嘅，因每所學校都有其獨特的地方。

sunnymama2

回復 confidence 的帖子

其實學術成績在幼兒時期真的這麼重要嗎?我覺得這個時期應該幫助孩子建立創造力和思維能力, 提高佢地將來解決問題能力, 遠比學中英文, 乘數 (某些幼園竟要學乘數!) 更重要! 我曾去過某些名幼園的開放日, 學校展示幼兒的功課, 我覺得很深, 當中有些是我當年會考才要學 (例如canopy..., 呢度有多少家長知道是什麼?)幼兒真的對這些感興趣? 我很懷疑家長有很多的參與度在幼兒的功課..
一間好的幼稚園應該以幼兒為本, 設計適合幼兒的課程,讓幼兒自己完成功課, 提高佢地滿足感,令佢地可以自主地快樂地學習

confidence

原帖由 kwan_0128 於 13-10-28 發表
本帖最後由 kwan_0128 於 13-10-28 10:07 編輯

我住屯門, 今年冇in啟思, 上年有幫阿女in N班

認同認同，啟思唔sell academic, but now 好多家長都好重視academic, so think this school not good  啫