抓爆頭都唔明

siden

見到另一條大thread大家討論宜家啲小學生真辛苦，完全舉腳贊成。

我覺得小學由半日變全日係小學生唔夠時間玩同休息的一大原兇。

恕小的孤漏寡聞。以前我哋細個人人番半日制小學好端端。究竟當初教育局搞乜要將小學變全日制？

現時尚有數間學校番半日(包括港島名女校，可惜睇怕好快到轉全日),教學完全冇問題，學術水平又高，咁即係今時今日半日制學校仲work啦，轉全日做為乜？？？

番全日制傳統小學，咁多功課默書測考，連午睡玩樂的時間都冇，唔怪之得唔少正苦高官啲細路讀國際學校。

bebeyan

我和eviepa的見解相近，快樂學習，少功課是我追求的，同事朋友不是認同，很興幸囡囡一班幼稚園同學，活動教學，至今在不同小學，全部也很好，有幾位更在學業，運動上有突出表現，沒有追不上的問題，個個也愛上學。我們一見面就讚賞幼稚園那種著思考，不抄寫的形式。我自己很著重培養孩子學習興趣。有興趣自然學了。

其實雖然抱較開放態度，但到了高小，其實也有擔心的，因為要過考中學一關。中學已心儀一直資，分數也相對重要了，所以雖不迫她補這補那，也要求她認真一點學習，多看書本。希望能過度這關。

bebeyan

Totally agreed with eviepa.

chunyatmama

eviepa 發表於 13-11-20 08:49
香港行市場經濟，市場力量大得驚人。

很多香港人一邊批評報刊報導煽情失實，一邊享受著生菓日報、方向日報 ...

So true!

謙仔媽咪

我係FTM, 但係我支持全日制, 就我仔學校來講, 每星期有1天下午是課外活動, 1天是德育課(會安排講座, 攤位, 出外做義工), 其餘3天有導修課, 另外每年有很多參觀及活動日, 如果半日校課程緊迫就冇呢D活動, 而我都安排唔到咁多精彩活動比佢, 最多帶佢行行街, 去下圖書館.  佢每日回家做完功課6:00後就係佢自己free time, 最近要考呈分先捉佢溫下書.
其實我覺得辛苦既唔係半日或全日, 而係課程越來越深, 尤其是中文科, 一年比一年深, 同一間學校差幾年入學都可以深左既, 小一既閱讀理解已經好深, 5歲人仔字都未識讀晒, 已經要理解下年到我細仔小一, 都唔敢想像, 睇怕到時要陪佢先識做功課喇

Chowying

原帖由 mansum92 於 13-10-28 發表
我只係覺得番全日就應該日日都有體育課 如果唔係學生邊有時間日日做30分鐘運動呀



  ...

Yes

eviepa

香港行市場經濟，市場力量大得驚人。

很多香港人一邊批評報刊報導煽情失實，一邊享受著生菓日報、方向日報。問為甚麼不學我看明報，他們都說沉悶。

有甚麼的人便有甚麼的報刊。

十一年前，我安排了女兒就讀一問強調少功課、默書、測考的學校，親友們絕大部分都不考慮這類理念的學校。

我從來都是讓女兒輕輕鬆鬆地學習，事實上也取得一定成果，絕大部分親友都沒有興趣認識這種管教模式，更加談不上效法。

和親友的傾談中，我知道大部分家長都認為現在小學生辛苦，但他們通常都會要求自己孩子比别人的孩子更辛苦，從而取得競爭優勢。愉快學習從來都不是大部分家長會考慮的模式。

有甚麼的家長，便有甚麼的學校。孩子辛苦，可以怪誰？

xiaolupei

Jessy 發表於 13-10-29 13:40
係咪個個同學都係咁? 如果其他人唔係, 即係佢個囡唔太適合呢間學校, 有無睇今日news? 五歲都抑鬱呀, 提提 ...

講錯了， 是返半日的出名港島區官立小學，可能她女兒讀普通幼稚園，所以有點吃力

Obiepapa

半日制真是玩死全職父母。

skkeung

香港無民主，只有爭吵！但不易爭取！既得利益人太勁！另外自刹，表面是學業，但我認為原因是多方面，尤其在家庭關係！

MrBeast

回復 skkeung 的帖子

現今政壇culture真可悲，效果不大，唔做，唔夠廿萬人上街，唔理，有人死都要等三年。
Anyway, 入得名校就食得ham魚抵得渴，家長自己決定，但最慘係d普普通通小學都好多功課，你有冇留意每年都有幾單學生自殺新聞？

skkeung

原帖由 siden 於 13-11-06 發表
你這樣說有以下問題:

首先，不是每個家長都要求教深些。

為何有半曰轉為全日制，經教育界數十年的要求，政府用了大量金錢了及要建大量學校才能做到！最近，一些亨英文名小學，應家長要求，課程再教深半級！幾年後，小學要教大學課程了！ 要改談何容易！政府要立例禁止，你認為吵吵閙閙的香港，做到嗎？

MrBeast

同意樓主，政府的責任是定政策和制做環境，edb 有ideal 但冇execution, 任由condition worsen 又唔proactively remediate. (至少worth looking into)

siden

原帖由 skkeung 於 13-11-06 發表
錯不在全曰制！错在家長的期望！家長怕輸，要求深的課程，學校為生存就要配合！責任總是政府、學校？



  ...

你這樣說有以下問題:

首先，不是每個家長都要求教深些。

有些家長並不覺得要教深。

咁，如果番半日，另外半日谷定唔谷，起碼我有選擇權！

就算要谷，起碼小朋友可以午睡休息！

這不是什麼都賴政府的態度。

政府是無能的嗎？有家長話要教深啲就胡亂跟？咁多人反對中學母語教學又唔見佢跟？

到頭來，跟本只是以前出生率下降，政府維持學校生存才是大原因吧。

我認同全日好處，是雙職父母可把孩子放在一個父母放心的環境長一點，減少家人照顧和請工人的壓力。

skkeung

錯不在全曰制！错在家長的期望！家長怕輸，要求深的課程，學校為生存就要配合！責任總是政府、學校？

iloveu2

非常同意樓主ge 講法，我好buy 半日制，還小朋友快樂ge 童年

bebeyan

全日制對在職父母是好的，留小朋友在家實在是頭痛事，工人，老人家只能照顧，不能管教。父母可能需額外安排活動，補習等，對家庭負擔又大左。對小朋友，半天課堂是比較急，不能安排圖書，電腦，活動，德育等課堂。我覺得問題在於課程，而很多家長都喜歡課程深，教深一級的學校最受歡迎。如課程得淺，父母就自費出外再學習，務求高一線。少功課的學校，很多家長覺得操得不夠。這個情況，小朋友如何有空間？遊戲時間呢？半天上學也好，小朋友也不一定快樂左。

siden

原帖由 sexymami 於 13-11-02 發表
其實我覺得以現時學習風氣，全日半日都一樣學野做功課做到傻！睇學校之嘛！
好似幼稚園夠半日啦！
係咪個個 ...

一年有幾個月放半日好吸引，請問有哪些學校？

sexymami

以前半日制，好多家長都頭痛放學後要去咩功課輔導班。都係一樣做到六七點先返屋企。
咁你覺得中午時間，在學校好啲，定在補習班好啲？

現在的社會風氣就變成咁，咩都只係諗現行的唔好，人地個啲好。到改左喇，又話做咩要變，以前個啲好。

sexymami

其實我覺得以現時學習風氣，全日半日都一樣學野做功課做到傻！睇學校之嘛！
好似幼稚園夠半日啦！
係咪個個小朋友有時間玩？

好多學校全日制，下午集中都係啲玩／做功課堂。仲有夏令時間，一年有幾個月夠放左半日，係咪夏令時間又好啲？

我讚成全日制的！