小一派位(純個人意見，不喜勿插)

柏禧BB

見到好多家長話個制度唔公平,有啲野想講,純粹個人意見，不喜勿插
世襲制:原意係兄弟姊妹能互相照顧，家長不用頻撲,當然獨生子女嘅家庭會覺得唔公平
宗教分:係招收相同信仰，個人自由,信不信由你
統一派位:大抽獎係因為教育局覺得所有小朋友都係平等，所有小朋友都有機會入讀心儀學校……抽獎抽獎當然有人中有人唔中
我小朋友係獨子，冇信仰，個人覺得小朋友開心最重要，入到名校又如何，跟得上就好,跟唔上又如何？見到有家長喺小朋友讀幼稚園就谷呢樣谷個樣，我就覺得冇晒童真，我個仔升k3暑假前冇學任何野,一到星期六日就去玩,冇壓力，又鍾意返學,升k3果個暑假因為返工冇時間同佢周圍玩,同佢去YMCA報班,每個班同佢講有咩玩,佢OK我先去報,結果佢去玩Lego,magic同畫畫，都係去玩多，冇證書,俾佢阿嫲話我嘥錢,我同佢講玩得開心就好
統一結果出之前我不停同阿爺阿嫲洗腦,同佢地講派去邊就去邊度讀啦,入到出名但讀得唔好阿B又唔開心，間間學校都差唔多
我冇準備任何野去叩門，見到好多家長好擔心，所以如果能夠解答到問題(例如點計分)我都會去分享下
最後想講,我雖然冇谷個仔,但私底下真係做好多功課睇下個仔啱讀乜野,唉！做人父母甚艱難！！

bowling68

如果不是 full time mum, 小朋友初小會否自覺,父母便要擔憂小朋友會否跟上進度.

PS. 協和是好學校

柏禧BB

回復 lovehinhin 的帖子

哈哈，我覺得我個仔出去叩門衰硬，英文麻麻，普通話讀歪啲當係，得中文同數學我覺得還可以。而家仲要牙尖咀利，講一句駁十句，今日同佢行過書局，見到有本升小一練習，問佢想唔想做，諗住係時候測試下佢究竟識乜唔識乜，不過佢講一句唔想做然後拉咗我去反斗城......

柏禧BB

回復 www 的帖子

我都覺得兄弟姊妹世襲無問題，父母世襲果度係奇怪咗，阿爸阿媽讀過唔代表下一代啱，我個仔個老豆係油天舊生有世襲分，但我冇幫個仔自行報呢間，因為我知個仔唔啱讀，我話之你有幾出名，唔適合就唔適合，跟住仲俾佢話好唔幫個仔報

lovehinhin

回復 柏禧BB 的帖子

我同樓主想法一樣~!唔會係咁谷個小朋友,唔需要佢一歲識背詩,二歲識幾百個中英字....等等...基本上我仔出世到現在我都冇迫佢學任何野,佢鍾意做咩由佢自己決定~佢開心就得~.其實俾佢學野冇問題~但唔好又要佢學呢樣又要佢識果樣,咁樣真係好辛苦...我反而重視佢身心健康,品德方面,至於望子成龍,順其自然吧!最重要我小朋友過得開心!另外如果派到果間學校唔太差,我都會接受,其實最怕擔心係佢群到d唔好o既同學多過間學校成績唔好...如果要叩門都係因為怕佢近墨者黑呢個原因~所以我絕對唔會做果d怪獸家長

Obiepapa

www 發表於 13-6-12 00:34
對，最令人感到不公平的，是父母是舊生可以有「世襲分」的「世襲制」。

父母世襲好似是國際惯例，。

skmibb

柏禧BB

同意！小朋友升小仲細,到升中都已經十一、二歲,全部都已經成形,無得靠運氣,要靠自己

柏禧BB

講得咁隱晦都俾你知道，不過真心講句覺得呢個網啲學校真係唔差,純粹名氣差別而已

crazymum

原帖由 be 於 13-06-12 發表
升小學就應取决幸运号码，咁升中學，考大學，找工作，找老婆，揾老公全用随机号码，咁人生就會很平安，無压 ...

幼稚園小朋友年紀小唔希望谷佢啫、中學、大學做咗咁多年人，就要學懂為自己努力啦！

LOVELY-BABE

原帖由 柏禧BB 於 13-06-11 發表
我個仔好彩抽到乙一,但其實我本身唔係呢個網長大,間間學校都唔熟,靠上網睇資料加上長輩意見幫佢填,個網得8 ...

樓主，你是32網，派去了協和是嗎？

www

ah-ho 發表於 13-6-11 11:40
我同意兄妹之間既世襲制，不過就反對父母係舊生就有分加。

對，最令人感到不公平的，是父母是舊生可以有「世襲分」的「世襲制」。

be

升小學就應取决幸运号码，咁升中學，考大學，找工作，找老婆，揾老公全用随机号码，咁人生就會很平安，無压力，無烦恼了吗？

seamama

其實，每位家長都有自己一套，有d很monster,有的崇尚自由，有的很多rules. 無論如何，都沒有對與錯。每位小朋友也有不同學習方法。很monster的也不一定不愉快。

柏禧BB

我都係一個平凡媽媽，想個仔好,讀得好,考得好,但更重要是開心。雖然而家做到唔逼佢唔谷佢,但係我好驚佢升小後我都會變做怪獸家長，到時候母子關係相信會好緊張……而家佢仲會同我講心事講秘密，我驚遲啲……

ryanjojo

同意樓主的意見及分享.但作為一个平凡的本地媽媽，我个人更有私心，希望小朋友可以在任何學習線上不墮後，將來成长的生活無憂。BTW，我小朋友被派到一間全港排名500以後的学校。心情到今天仍很失落！

teambuilder

如果派到一間只谷考試TSA, 但成績同校風平平的學校, 想有童真都好難.

柏禧BB

我又真係冇準備，因為我真心覺得網內學校唔差,冇一種好強烈話派到某間一定唔讀嘅感覺，所以我成日都話好彩住喺呢個網,如果住其他網,我絕對唔排除會去叩門

柏禧BB

我真係冇諗過會有殺校呢個情況升中選校時都要小心,多謝你的提醒

柏禧BB

其實派咗去乙一我反而開始緊張，怕個仔跟唔上