打算報九龍塘，沙田或馬鞍山區幼兒園既細B家長請注意﹗

JoyceNgYY

我希望用我既經驗分享比D打算報九龍塘，沙田或馬鞍山區幼兒園既細B家長，希望你地來年搵PN班時，可以有更好既預算，我個囝呢年（2013-2014年度PN班）已經係競爭最大既一年，所以我相信黎緊呢年既情況係差唔多，希望幫到大家。

因為係細B既緣故，我又冇資料，只係驚冇書讀，所以大包圍式去報，主要報一些聲譽較好的又或者係教會學校。最後既結果，我會歸納為以下幾類︰

1. 講明謝絕細B類︰呢幾間幼稚園講明細B連FORM都唔會收(SPECIAL CASE另計）︰
- 九 龍 靈 糧 堂 幼 兒 園
- 基 督 教 中 心 幼 稚 園 暨 幼 兒 園
- 劍 鳴 幼 兒 園
- 迦 南 幼 兒 園 ( 窩 打 老 道 )
- 啟 思 幼 兒 園 ( 律 倫 街 )
- 國 際 英 文 幼 兒 園 ( 海 濱 南 岸 )
- 樂 基 幼 兒 樂 園 ( 駿 景 園 )
- 嘉 德 麗 國 際 幼 兒 園（第 一 城）
- 崇 真 會 美 善 幼 兒 園 ( 馬 鞍 山 )
- 基 督 教 小 天 使 ( 錦  豐 ) 幼 兒 園
- 基 督 教 宣 道 會 沙 田 幼 兒 學 校 （佢地冇講明唔收細B，但要足18個月先可以交FORM，都過哂收生期啦）

2. 唔洗嘥心機類︰呢幾間幼稚園會收你FORM，仲可能收埋你報名費，但係連INTERVIEW既機會都唔會有︰
- 學 之 園 雙 語 幼 兒 園 ( 海 逸 豪 園 )
- 耀 中 幼 兒 園 ( 森 麻 實 道 )
- 小 時 候 沙 田 幼 兒 院
- 啟 思 幼 兒 園 ( 帝 堡 城 )
- 博 士 山 ( 香 港 ) 國 際 幼 兒 園 ( 馬 鞍 山 ) ** 呢間最近佢地終於寄信比我面試，亦收咗**

3. 陪太子讀書類︰呢幾間幼稚園會有INTERVIEW比你，但我冇聽過佢地有收到細B（有錯請更正），當去攞個經驗就算，唔好認真︰
- 約 克 國 際 幼 兒 園 （但佢地會比定個K1 OFFER 你）
- 樂 基 幼 兒 樂 園 ( 九 龍 塘 )
- 基 督 教 香 港 信 義 會  頌 安 幼 兒 學 校
- 循 理 會 白 普 理 循 理 幼 兒 學 校
- 恒 安 浸 信 會 幼 兒 學 校
- 香 港 浸 信 會 聯 會 利 安 幼 兒 園
- 好 時 光 國 際 幼 兒 園 ( 沙 田 廣 場 )

4. 睇你做化類︰呢幾間幼稚園會有INTERVIEW，亦會收少數既細B，得唔得就睇緣份喇︰
- 維 多 利 亞 (何 文 田) 國 際 幼 兒 園
- 真 理 浸 信 會 榮 光 幼 兒 園 ( 田 園 閣 )
- 康 傑 幼 兒 中 心 ( 馬 鞍 山 )
- 沙 田 靈 光 幼 兒 學 校 （呢間有D攪笑既，佢地冇特定交FORM既時間，一開始係IN同收咗堆細B（好早交FORM，大概6，7月左右的一批），之後先交FORM嗰D細B就收到信話FULL哂，連INTERVIEW都冇（但我知有大B遲過我交FORM都仲有得IN），只係叫你填回條仲繼唔繼續等，我冇填放棄咗，但最近我見到又有細B有INTERVIEW，仲收埋添，我估係好多大B放位之故）

5. 細B佳音類︰呢幾間基本上係一定會收細B既，即使第一輪係WAITING（因佢地都係收大B先），但最後都會有OFFER的︰
- 九 龍 方 方 樂 趣 幼 兒 園
- 方 方 樂 趣 幼 兒 園 （但INTERVIEW係同另一間方方係同一日，可能會撞時間）
- 明 慧 國 際 幼 兒 園 ( 太 子 分 校 ) （可能要等WAITING）
- 英 藝 國 際 幼 兒 園 ( 九 龍 塘 )  （可能要等WAITING）
- 英 藝 國 際 幼 兒 園 ( 沙 田 )
- 廣 林 浸 信 會 呂 郭 碧 鳳 幼 兒 園
- 威 寶 國 際 幼 兒 園 ( 富 安 花 園 )
- 朗 思 國 際 幼 兒 園 ( 馬 鞍 山 )  （可能要等WAITING）
- 綠 茵 國 際 幼 兒 園 ( 馬 鞍 山 )

其中，方方，維多利亞同呂郭碧鳳真係好好，佢地係少數同大B同一日收FORM，同一日IN，又會有OFFER比細B既學校，一D都冇歧視細B。

希望幫到大家，唔好好似我咁嘥咗好多冤枉時間。

LIZTZE

回復 JoyceNgYY 的帖子

bbkakaing

回復 chingyeeivy 的帖子

唔好意思,如果報k1的話,係11月in,之前打錯

chingyeeivy

回復 bbkakaing 的帖子

係呀 ,真係唔該你提我 ,因為交表係我奶奶幫我地交 ,佢又無講 ,只係話交表個時D人無咩禮貌!!!

bbkakaing

回復 chingyeeivy 的帖子

合一堂要1月先in,交表時老師講的

Joanma893

Thanks for your sharing

chingyeeivy

多謝分享 !!!我個係龍B6月 ,今年只報左合一堂同沙田啟思!!
沙田啟思已經收到 INTERVIEW信 ,但合一堂仲未收到 IN 信!!

JoyceNgYY

原帖由 mamath 於 13-09-30 發表
可否分享一下何文田維記英文老師的水準如何. 我知道她們都是net, 但她們懂得engage小朋友嗎? 我見過另一ca ...

其實我都只係番咗個幾月學，又冇得觀課，所以都唔係好清楚我仔個net的幼教水平如何。。。不過可以知道的是小朋友都好喜歡呢位老師。另外，聽幾位有番開何文田playgroup 的家長講，另外一位net, 都有教playgroup, 她的幼教水平係相當不錯的。

何文田有校車到沙田馬鞍山的。

freakish2213

回復 lovelylpclpc 的帖子

Thanks for sharing!

lovelylpclpc

原帖由 JoyceNgYY 於 13-06-05 發表
本帖最後由 JoyceNgYY 於 13-9-27 23:19 編輯

我希望用我既經驗分享比D打算報九龍塘，沙田或馬鞍山區幼 ...

Hi Joyce, thank you so much for your sharing

mamath

JoyceNgYY 發表於 13-9-28 18:56
仲有，我地普通人家，完全唔識人，
我囝番了兩個月學，同班裡有大b有細b，我地都完全feel唔到佢地唔鍾意細b ...

可否分享一下何文田維記英文老師的水準如何. 我知道她們都是net, 但她們懂得engage小朋友嗎? 我見過另一campus的net, 雖然口音純正流利, 但在幼教方面很是一般.

據我所知何文田維記沒有校車去沙田. 你的囡囡是如何安排上下課呢?

lovebb2

原帖由 booxxjac 於 13-09-28 發表
好羨慕你，因我b 上 arts plus playgroup，月中請咗 Victoria 個校董 or whoever 講talk, 佢講到明有得揀會 ...

樓主，細b入到何文田Vic, 真係超勁！！！

bamalamb

JoyceNgYY 發表於 13-9-29 13:51
噢，完全明白你感受，雖然我唔知點解佢會咁講，但你都唔好放棄，因為何文田PN有3班，今年初interview 當日 ...

agree! 我小朋友都係10月底細B, 同樓主個小朋友同班的! 好肯定何文田維記完全無歧視細B, 相反校長, 主任, 老師, 校工EE反而放左更多心機去照顧佢地, 全部都非常有耐性, 又叫我地唔好覺得自己小朋友比不上其他大B, 因為就係呢幾個月時間上既分別, 唔駛心急! 小朋友係裡面返學我自己真係好放心!
我都係N無人士, 但有上開bee bee kids playgroup (雖然而家無左), 有心既家長要加油, 學校很重視家長既誠意& commitment, 位雖小但不要放棄!

JoyceNgYY

原帖由 booxxjac 於 13-09-28 發表
好羨慕你，因我b 上 arts plus playgroup，月中請咗 Victoria 個校董 or whoever 講talk, 佢講到明有得揀會 ...

噢，完全明白你感受，雖然我唔知點解佢會咁講，但你都唔好放棄，因為何文田PN有3班，今年初interview 當日，何文田分校貼notice 出黎講明細B上午收24人，下午收12人，大B上午收26人，下午收12人。佢地細B既 definition  係8-10月，計%比例，細B好似仲著數d添！當然佢地一定係收哂d 弟妹，staff 既仔女，甚至係有關係人士，不過我眼見playgroup 都有一定著數，
首要條件係平時都表現良好啦！其實，如果佢地依然有預留一些學額比細b既話，佢地一定唔會唔鍾意細b, 因為我肯定有好多大b都未必入到！至於何文田既staff, 無論上上下下都十分之好！絕對唔會歧視細b！放心，加油！

booxxjac

原帖由 JoyceNgYY 於 13-09-28 發表
仲有，我地普通人家，完全唔識人，
我囝番了兩個月學，同班裡有大b有細b，我地都完全feel唔到佢地唔鍾意細b ...

好羨慕你，因我b 上 arts plus playgroup，月中請咗 Victoria 個校董 or whoever 講talk, 佢講到明有得揀會㨂大B，細B坐都未坐得定...同埋佢註明何文田 campus 得 20 個位，一定會留俾有兄姊在 Victoria 讀既B或者學校員工既B，佢咁講完我好失望...因我最想我個仔讀 Victoria..

JoyceNgYY

原帖由 booxxjac 於 13-09-28 發表
維多利亞唔收, 唔仲意細b, ho man tin campus 既細b 班只留俾有 connection 既 b

仲有，我地普通人家，完全唔識人，
我囝番了兩個月學，同班裡有大b有細b，我地都完全feel唔到佢地唔鍾意細b，相反，佢地唔會expect 我地d細b要好似d大b咁，好有愛心同耐性。例如，我問佢洗唔洗幫佢介片，老師仲叫我唔好心急，而事實上佢地每日都有幫我囝換片。我囝食野未係好識用匙羹，食到好污糟，佢地都會幫我囝換咗套衫。

JoyceNgYY

原帖由 booxxjac 於 13-09-28 發表
維多利亞唔收, 唔仲意細b, ho man tin campus 既細b 班只留俾有 connection 既 b

有幸我囝是在這裡讀的，所以我可以好肯定的答你，以PN來說，我唔敢講完全冇人係靠關係入，但同樣地，我都可以肯定有人係靠自己考入去，當然，當中好多係上開維記playgroup的，但我覺得呢樣唔算得上係靠關係吧！另外，佢地只收到十月b, 十一，二月係唔收的。