新來港如何揀幼稚園

桐0326

各位媽咪，你們好，我係新來港媽咪，現在不時響親自王國睇關於幼稚園的資料，睇左好耐先敢大膽發帖（自巳本身比較內向，加上呢度文化同大陸唔同，怕講錯嘢）。講咗咁耐，等我介紹下自已㗎小朋友，女，09年3月出世，講廣東話，響大陸讀繁小班幼稚園）現在我最擔心就係揀幼稚園，唔知邊間適合自已㗎小朋友，香港同大陸好吾同，響大陸肯俾錢的話，可以隨時讀隨時插班，但係響香港好似又要面試..等。我㗎問題比較多，麻煩有經驗㗎媽咪幫下我！（1）下個月就落來香港讀幼稚園，請問係讀咩班，K1，K2？如果有學校收，咁插班好，還係等到9月，新入學好?
（2）家住深水埗，近近哋，邊間幼稚園師資比較好，又容易入D，我本人無咩要求，無咩南亞裔人就更加好（並非歧視，只係我囡好似好驚距地咁），本人並非大戶人家，所以學費都係考慮之一。
（3）咩叫學券?咁有咩資格先可以申請?
（4）呢度㗎幼稚園，可以先帶小朋友參覌校園環境再報讀嗎?因為我響大陸揀幼稚園都會專登揀D有室外的活動場所，供小朋友活動，因為咁樣小朋友翻學就唔會好似被關響雀籠度，而且病痛都少D。
可能呢D對於各位本地媽咪來講，根本就唔係問題，但對於我來講，就係從頭開始。我自己幾辛苦都唔驚，只想盡自已能力，為個囡盡快識應香港㗎生活，畢竟小朋友都係要從零開始。

bm8888

原帖由 桐0326 於 13-06-10 發表
妳好，我呢排都行左好幾間學校，好多K1pm先有位，但係K2（適齡）都係後補，請問唔讀K2，讀K1，對小朋友的影 ...

有冇問過聖馬可堂白普理幼稚園呀，應該重有 k2 am/ 全日， http://stmarkschurch.edu.hk/Kindergarten/index.html 打電話問下啦

bm8888

有冇問過馬可堂白普理幼稚園呀，應該重有k2 am /全日， http://stmarkschurch.edu.hk/Kindergarten/index.html 打電話問下嗎

Ononma

原來學位會咁緊張！

如果之後先直接來讀小一，到時可能比較難適應。會吾會遠小小嘅幼稚園都問吓？

stellalamm

原帖由 桐0326 於 13-06-10 發表
請問咩叫搞珠吖?我到現在都未穩到學校，好多K1pm有，但係K2都係後補，又唔想小朋友讀低一級，請問如果現在 ...

可以唔係香港讀幼稚園，因為只要佢係香港出生，就可以係2014年向政府申請統一派位（俗稱搞珠），政府會依你住既地區派你女兒到該區既學校。

stellalamm

原帖由 桐0326 於 13-06-10 發表
妳好，我呢排都行左好幾間學校，好多K1pm先有位，但係K2（適齡）都係後補，請問唔讀K2，讀K1，對小朋友的影 ...

佢3月出生，係大b，再留班走去讀k1，只會影響佢既自尊心。

桐0326

anniehah 發表於 13-6-7 13:11
其實大家下都為小朋友好, 大家都對事唔對人GA......
好開心見到咁和平GA分享...

請問咩叫搞珠吖?我到現在都未穩到學校，好多K1pm有，但係K2都係後補，又唔想小朋友讀低一級，請問如果現在唔讀K2，直接報讀出年㗎K3，咁樣得唔得㗎?又或者唔響香港讀幼稚園，到時再翻香港穩小一，咁樣亦可行嗎?真係穩到頭都大灑！

桐0326

stellalamm 發表於 13-6-10 17:07
可以直升小一既一條龍數埋唔夠廿間，仲有一定冇k3既插班

妳好，我呢排都行左好幾間學校，好多K1pm先有位，但係K2（適齡）都係後補，請問唔讀K2，讀K1，對小朋友的影響大嗎?

stellalamm

原帖由 桐0326 於 13-06-01 發表
回復 剛果公主 的帖子

唔該灑你，原來響香港讀幼稚園有甘多學問，咁我現在可以先讀住K2，再去穩K3（會直升 ...

可以直升小一既一條龍數埋唔夠廿間，仲有一定冇k3既插班

lingan

我已經見到呢個post 好幾日，都唔敢入來，唔想入戰場。而家見到係一個平靜的post，才留言，support。祝樓主搵到合適學校。

JoJo

我要讚一讚這裡每一位會員, 大家也能平心靜氣地討論及提出意見. 我要比 100分你地.

能樹立一個好既榜樣, 我們的下一代一定見到.

桐0326

其實我識寫繁體字，係因為我之前響大陸時已經響電話裝左嗰手寫繁體版，同朋友聊計都會習慣性寫繁體，即使遇上唔識寫㗎繁體字都晤緊要，只要我寫簡體，都會自動轉換成繁體字，然後我會再寫一次繁體，令到自已印象更加深刻！我之前開呢個post之前，都唸咗好耐，會唔會俾人插爆，但估唔到出來㗎效果居然係如此和諧。虛心，就係我開呢個post，學到㗎嘢，多謝你哋用心打㗎每一個字，我會記在心中，thank you！

chumiguan

樓主, 我都想讚。一般見到內地媽媽post, 就會反感, 但見你post, 一啲反感感覺都無。我覺得1) 你對自我認同, 自我介紹。感覺良好. 2) 誠懇有禮。3) 勤力做功課, 唔係乜都唔知就出post問, 感受到真正為自己仔女關心同緊張 4) 全繁體同廣東話。唔知點解, 總覺得寫繁體係有文化啲。
見到你個post, 再諗下, 其實自己唔係唔鐘意大陸人或雙非, 只係唔鐘意無文化無禮貌財大氣粗無教養嘅人。其實香港都有好多無教養無品德，嗰啲人一樣被人插。有質素嘅人先會有人同佢做朋友及被人尊重和認同。我上playgroup 有個mama係大連人, 哈, 我發覺其實從無覺看待佢係大陸人，因為佢好有禮貌有教養。原來中港矛盾係其實有品無品嘅矛盾, 同地區無關。

mmding

正能量，希望其它國內媽媽學習，希望香港媽媽都唔好一聽到普通話就露出厭惡表情，任何地方人都有質素高低之分，樓主值得贊

anniehah

其實大家下都為小朋友好, 大家都對事唔對人GA......
好開心見到咁和平GA分享...

其實如未能搵到心儀的幼稚園都唔緊要, 因為升小都係搞珠(除左私校)
希望好快聽到你GA好消息LA..

Lilian_lee

回復 桐0326 的帖子

你好啊，我都系一位內地媽媽，仔仔2010年出世噶，因單程仲未批得落黎，所以要等明年先可以返學，先黎學習一下點樣揀幼稚園

Stinkypig

妳是一位有教養的好媽媽，衷心希望妳同囡囡在香港有個好開始，快快融入新社區！找到學校再向我們報喜吧，加油！

小兔咕

剛果公主 發表於 13-6-1 23:02
呢個post都算奇，可以維持和諧咁耐，都係樓主用詞比較禮貌同客氣，又用左䌓體字！答都答得舒服d!



  ...

係呀我都想講同一樣野, 通常新移民post 我都不會答, 因佢地好多都很自大, 但呢位媽媽唔同呀有禮貌而,且你睇得出佢關心自己小朋友, 問題make sense, 重點! 樓主用正體字, 來到香港是有心融入我地文化, 抵讚. 雖然我唔識答你, 但幫手推下post 先

sbux

原帖由 独醉以后 於 13-06-05 發表
樓主你真系幸運！！
我之前發簡體字貼，被人誤會系雙飛，鬧到爆！！！
上呢個網站幾年，第一次感到好唔開心 ...

香港媽媽嬲咩我唸你而家喺香港唔多唔少都會明白，其實內地媽媽或者小朋友只要自強，願意融入，不是持着有身分証橫行，大家也願意幫忙的

kwansara

所以有禮貌, 客氣同虛心幾重要, 大家都以禮相待, 社會便和諧