俾個仔激到好心痛，今日•••••••終於忍唔住喊咗出嚟！

祖明

亞仔今年剛升中，每次做錯事，我都會苦口婆心咁解釋俾佢聽，但仍然都會重覆咁犯錯，每次鬧佢，佢唔會駁咀，只係用後悔嘅表情，知錯嘅眼神再加兩行眼淚對住你，把口猛話知錯，會改同對唔住媽咪，不過每次再俾機會原諒佢，隔冇耐又再重蹈覆轍。
雖然佢犯嘅唔係咩大錯，例如:做功課馬虎又或做做下電腦功課打機，我知呢D微不足道嘅錯，好多細路都有，我唔應該放大嚟睇，但若果依家唔教，將來想教返好就好難
軟硬兼施都試過，罰又罰過，鬧又鬧過，不過我唔會打，畢竟亞仔都十幾歲，況且打只會影響彼此關係，對件事亦冇幫助，咁我又可以做D咩呢？
好似今次咁，佢話借部iPad 入書房查功課，隔咗20分鐘入到房，功課未做完，但就喺度打機，我嬲到早10日前又係犯同樣嘅錯，當時話完佢，佢就答應話冇下次，會改，今日又••••••••有乜辦法唔激到喊吖可能係我唔識教，唔識做人亞媽

kuructy

回復 祖明 的帖子

同佢制定一份合約, 講明一日可以打幾耐機, 過左個時間就要罰, 罰D咩你同佢一齊傾, 例如係扣零用錢或者係要佢睇返一小時英文書, 或者一小時家務, 再重D就係CUT 上網, 一定要堅決執行。另外同佢講多D 打機多既後果係D咩........

精靈bb

都係一個問題,科技越進步,小朋友就越難教.

其實宜D要自小教佢,等佢習慣,好似我個仔咁,
佢細個時,我已經定下了星期一至5係唔可以開電腦,
如要用電腦做功課,做完佢都自動熄.
星期6同日就可以,
所以佢習慣左,至宜家6年級就升中啦,都係咁,
升中之後我唔敢講我宜個方法得唔得.
但宜家咁多年都OK.
我都好擔心佢升左中之後會大大改變,因聽得太多見得太多.

nc2000

原帖由 黃巴士 於 13-06-10 發表
本帖最後由 黃巴士 於 13-6-10 13:23 編輯

回復 charmainng 的帖子

不同立場，只可盡量取平衡！但多數也是家長盡了責任，但子女未負起自己的責任而只懂呱呱叫你們不了解我！oh，你們又何常了解父母所做的？你們可以任性，不負責任，如父母也一樣，又會如何呢？

aeiou_drm

我仔小三, 都有時激到我發顛.

大家都加油啊.

Keroroman

但願小孩們都能夠早日明白做父母的苦心........

grace_xian

是自制能力的問題，所以我屋企一周內只有周五、六、日才准打機

smallfoothk

方法有待改善,上網就算大人都不能自制,小孩子多數更加不能自制,網上有很多software,可限制上網時間,同孩子商量平時可限制上網時間,到假日便冇限上網,手機換只可打電話,冇智能的.功課未做完,不用理佢,學校定留堂做,留堂多佢就乖乖做番好,朋友的比你的更差,手冊一遍空白,日日留堂至700pm,放鬆一點,...,世事難料朋友的現在是領袖生.

黃巴士

回復 charmainng 的帖子

當你將來為人父母, 你就會知道父母苦心.
在這裡的家長, 很明白仔女已是中學生, 很多都是上來呻, 很多是在這裡吸取意見, 須如何, 怎樣及幾時放手??  哪個家長喜歡全天侯"人叮人", 沒私人時間呢??
如果家長每天都是很情緒化抽象回家/不回家/煮飯/不煮飯/做家務/不做家庭, 仔女又會否摸不著頭腦呢??
每樣事, 我都會教子女"將心俾己", 切身處地", 感受每樣事的處境.
青少年在學習, 難道家長不須學習嗎??  

charmainng

不如比我分享我作為一個學生嘅感覺啦…
睇左咁多媽咪話教仔教女激氣，又要睇住仔女做功課…
其實，不如你地放開手，放開懷抱
我本身唔算一個乖學生，畢業於一間英文女校，溫書唔會有時間表，功課都唔會準時做…但我鐘意即興溫書，例如暑假，我可以連續成個月係房度睇chem書，自習，不知幾開心，但我一啲都唔鐘意做功課…我呀媽都好鐘意煩我！唉，雖然我明…但有時都心不由已…
有時候，溫書呢家野好抽象，唔係話逼就逼到…想溫自然會溫，唔想溫？你喊都冇用…同埋，有家長望住，其實學生好難集中…你要大膽放開手，比信心你仔女…

其實我中一至中三成績都一般…但之後就好似靈光打落天靈蓋咁…一直考全級頭幾名…呢家野，真係幾抽象…

irene1128

做功課係小朋友責任,
我最怕見到家長話小朋友寫字唔靚, 做功課求其!
其實你囝仔已經算好好, 至少佢識講SORRY!

小朋友, 尤其已經升中後, 係需要放手..
佢今次做得唔好, 學校老師自然會罰佢
假如每次都要媽媽提先去做, 佢又點會意會到做功課係自己本分??

建議睇下尹建莉《好媽媽勝過好老師》
書入面提到一D方法, 真係好好!

黃巴士

回復 karen2323 的帖子

中學的確很多科目要溫, 下學期功課/PROJECT/作文又多, 剛4月完成測驗, 6月又要期考, 而4月份的SBA, ORAL, LISTENING, GROUP DISCUSSION等,  都延伸了至5月.  之後, 期考前的各科小測又陸續有來, 新書又趕教授至期考範圍同步.  新知識- 先是串字起預習再了解課文溫, 再串熟生字.  基本上4月-6月是沒停過.
正所謂舊的才剛剛測完, 新的又來, 再來一次大翻身一年所學.  同學仔如沒計劃, 好易一堆書本無從入手.  因為他/她們好像似識非識, 似熟非熟.  沒有經驗, 真的讀到死吓死吓.
個人覺得, 不妨表達你對囡囡的諒解, 再協助她分配時間續少續少溫. 如10課, 先計劃溫1-2課, 等她慢慢培養回習慣. 打機, 聽歌, 絕對可以及正常娛樂,  間場可以讓她放鬆去玩一陣的.
希望可改變她心態, 不是只是不停溫書, 大家都有"玩"的時候, 不過"大玩"要在EXAM後.

karen2323

我女又係咁，喜歡打機、睇youtube、聽歌，以前小五小六時都會緊張下自己的成績，現在上課心散，成日依賴同學抄手冊，無記性，6月中大考了，無心機溫書，拖得就拖，成日話多嘢記，多生字要串，一叫她溫書，一係就話我煩，一係就話眼瞓，打機、睇漫畫就精神晒！早兩日，仲同我講，話我當日找一間Band 1中學比她，純粹是為了在朋友面前威。

我聽到這番咁傷我心的說話，真的忍不住，在她面前淚如雨下，她立刻知道自己傷了我的心，立刻道歉，我以為她會生性，反省自己今年的學習態度，點知第二日又故態復盟，各位媽媽：你們又如何處理呢？

Snowydiamond

其實佢囝囝喊即代表佢仍純品，只是佢仲細未識自律，來緊暑假俾佢參加領袖訓練營或黃埔軍校，我有好多學生參與後變得很積極和有責任心，個個心中有團火

bb_2001

祖明 發表於 13-5-30 17:22
如果懷疑仔仔有專注力不足，最好盡快搵醫生評估，學習嘅路仲有好長，越早治療越好



  ...

其實早在高小時已覺不對，但聯想不一到與專注力不足有關，而且他的症狀也不太過明顯，只管罵他。 中一那年簡直想死. 學校實施扣分制，曰日見佢本手冊扣分忘扣到驚，不外是忘帶書，忘改正。 所謂B1英中，不過是谷成績，學生成長問題他們懶理.  扣操行分可至升不到班， 日曰打打罵罵，人都瘋癲了。現在大了些，這些專注力問題已不能用藥物去調整，只靠行為改善，向學校提出過要找社工作評估，結果沒消息， 社工也忙，不是她認為的大問題，她們也只給你官腔答覆。經調驗告訴我， 要調整對他要求和期望，要保持好的關係， 不是大件事，不理他，錯亦不加多評語，只要他知就行，進了3步，後退2步，計埋都進了一步。 家不能成他避難所，外边的拉力便會把他拉走。我也不能成他成長導師。

祖明

原帖由 bb_2001 於 13-05-29 發表
我大仔也是一樣, 他現在已是中三, 最近還給學校記小過, 因為冇做功課10次, 訓導老師仲打電話給我係咁哦...  ...

如果懷疑仔仔有專注力不足，最好盡快搵醫生評估，學習嘅路仲有好長，越早治療越好