名幼定附近幼稚園？非常掙扎...

dragonwarrior

本來一心諗住報屋企附近既幼稚園，覺得接送較方便，有乜頭暈身㷫都即刻接到阿仔。

但眼見其他爸爸媽媽想盡一切辦法令小朋友入讀名校，我就想問，係咪我有問題呢?如果阿仔真係讀到名校，而我唔比佢讀，咁會唔會抹殺左比佢完全發揮潛能既機會呢?我意思係，如果佢有潛質變鯨魚，但我只比佢響河度游，咁點都變唔到鯨魚了!
其實點解各位爸爸媽媽都想小朋友讀名幼，之後讀名校呢?唔通只有咁，小朋友第二時先會變名人?定係因為自己讀唔到，想小朋友幫自己實現夢想呢?（我唔係想踩人架!自己都唔係名校出身，不過眼見太多人希望自己既小朋友替自己完成無法達成既願望...）

我都希望為小朋友選擇最好的，但點先為之最好呢?

dragonwarrior

原帖由 Ononma 於 13-06-02 發表
//Agree! 老師們的確好大壓力，家長們而家係唔係都打去學校度投訴//

你令我唸起我表姐，佢係一間普通津校 ...

老師係咪好慘呢?!

無心之失都被人投訴一餐...


家長們請手下留情呀，在決定投訴某老師前，不妨同某老師傾下，了解下件事先，真係有問題，先再投訴都未遲

被投訴的老師，小則冇bonus,冇人工加；大則過唔到probation,甚至連份工都冇埋!

dragonwarrior

原帖由 littlecatmiko 於 13-06-02 發表
我C6是名校出身，但亦非常謙虛（至少我認為), 一個人的個人修養是來自家庭教育，並不是因為他來自 ...

我都認同，的確不能一竹竿打一船人既

不過我們的確遇到D比較...

dragonwarrior

原帖由 taktakchichi 於 13-06-03 發表
我當年讀U(香港2線個幾間)都有D同學係中中上嚟, 都OK

咁你D同學都幾勁喎!

不過係咪英中佔大多數呢?

taktakchichi

dragonwarrior 發表於 13-5-31 18:13
當然有band 1 好好既中中啦!

只怕佢升U時涵接上會有頗大既問題

我當年讀U(香港2線個幾間)都有D同學係中中上嚟, 都OK

taktakchichi

Ononma 發表於 13-6-2 12:07
//Agree! 老師們的確好大壓力，家長們而家係唔係都打去學校度投訴//

你令我唸起我表姐，佢係一間普通津校 ...

呢D野係官校一定唔會發生, 正如樓主講, 官校教師係"鐵飯碗", 就算呢間無得做最多只係轉去另一間官校.

我出身自一間Band 2官校 (好似依家變咗做Band 3), 好清楚官校老可以差到點....... 我校當年個訓導, 而家去咗另一間Band 1官校做校長

littlecatmiko

我C6是名校出身，但亦非常謙虛（至少我認為), 一個人的個人修養是來自家庭教育，並不是因為他來自某學校。我interview 時也見盡人生百態，雖然話現在多了很多b6, 但我有見到很有禮貌的(當然冇禮貌的都有）, 返而一些香港父母 ,  我自己所見在名幼大部份家長都很有禮貌。

littlecatmiko

非常同意這位媽媽, 另外有些補充，昨日剛公佈的小一派位結果，有太約六成八人獲派頭一至三志願，是十二年的新低，這是對應番2007年出生的小孩（55,000人), 到2011年太約95,000人出生（我家小兔），2012年太約91,000人。樓主你自己諗下啦！

Ononma

自此之後，老師們都好主動跟學生先招乎，間學校出過9A狀元架

Ononma

//Agree! 老師們的確好大壓力，家長們而家係唔係都打去學校度投訴//

你令我唸起我表姐，佢係一間普通津校嘅中學教師，佢話有一日比校長招見，叫佢去向一位學生道歉，原因係收到投訴，指某日個學生跟佢打招乎，但表姐無回打招乎，但表姐其實吾知有件甘嘅 事發生

但佢決定去跟位學生道歉，因爲佢係全職P-fund 老師，吾想有咩閃失

volar

dragonwarrior 發表於 13-5-28 03:50
Thanks for your info...

Wah 收兩班，但有幾百人爭  我諗大離份 ...

樓主，我可以講你知大部分的名幼PN班唔係幾百人爭，
而係閒閒地2千幾人interview，今年樂基收80人，劍嗚收150人，
SC仲有成3500個申請，收300人。
你自己可以計吓個機會率有幾大...

如果你諗住唔讀PN遲D先讀K，就更加要諗吓如果報男女龍校，
考既人數只會有多無少！！！

dragonwarrior

原帖由 littlecatmiko 於 13-06-01 發表
Sorry I pressed the wrong button......如果學校老師流失率高是一個嚴重問題，我揀學校時都會留意。至於老 ...

其實我而家最大既問題，就係無心儀既中、小學!

昨日同星媽煲完電話粥，係，我都認同，神級名校集合咗四方八面既尖子，有咁既環境，個小朋友無可能無進步囉不過喇x同DxS都比C6ban 左啦!

我c6係一個我十分尊敬既人，我覺得佢好叻，好醒，但同時非常謙虛，踏實。之前睇過個post,有jm問月入六萬窮嗎?有jm答，好睇唔好食，做 ibank 嗰D冇可能著G1000返工我笑左，我同c6講左，佢話，我咪就係著G1000返工囉!

c6公司當然有同事名校出身，不過就c6所見，都較為「騎里」，所以c6都怕怕了

dragonwarrior

原帖由 littlecatmiko 於 13-06-01 發表
Sorry I pressed the wrong button......如果學校老師流失率高是一個嚴重問題，我揀學校時都會留意。至於老 ...

Agree! 老師們的確好大壓力，家長們而家係唔係都打去學校度投訴

有冇愛心呢，的確好虛無飄渺，不過如果行政混亂，又或者係學校收生率較低既，咁老師們愛心爆彭都冇用，做都做C啦仲點得閒去理D學生呢

dragonwarrior

原帖由 Ononma 於 13-06-01 發表
嗱嗱嗱，樓主，比我地知道你係教師，即刻有人想搵你做明燈 (包括我），你可吾可以講吓沙田個兩間新開直資， ...

唔好咁講

交流下啫...評論就真係唔評啦，不過呢...

如果有心讀，又想知學校多D，不防諗定幾條問題，打去學校度問下，例如家長晚會，學生係咪必須出席，咁學生須穿著校服嗎?又諗定D問題關於校服、午膳安排，如果校務處那位姐姐問唔洗問人就答到你既，咁就證明學校亂極都有個譜啦...如果個姐姐答你唔到，仲要pass你去第二個度，或要你等左好內既，咁你自己諗下啦


我講得太多了，收聲

dragonwarrior

原帖由 MissMusic 於 13-06-01 發表
Dragonwarrior. 咁老牌私校又點呢？老師又係咪有鐵飯碗？

私校同直資邊有鐵飯碗呢

連退休金都只用MPF，不是行官校或津校個套，少好多好多好多$

所以好多直資同私立都會有甚麼bonus,做滿幾內又會出多幾多個月糧，MPF又會做matching,即你供多D，佢又供多D，不過要做幾多幾多年先可以攞。做咁多野，都係希望補番差好多既退休計畫，同埋希望老師唔好走

所以有個常額教識（即鐵飯碗），係好多老師們既「夢想」

rvp909

Thanks for sharing.

littlecatmiko

Sorry I pressed the wrong button......如果學校老師流失率高是一個嚴重問題，我揀學校時都會留意。至於老師有冇愛心，講真，我相信冇一間學校可以保證全部老師都有愛心和一定喜歡自己小朋友，我明白現今做老師的壓力，我唔會expect 個老師可以對全班學生一視同仁，十隻手指有長短，而且，教導小孩是父母的責任，學校只是輔助，所以我會選擇一間教學理念和我差不多的學校。讀名校唔一定好，讀村校又唔一定唔好，所以沒有最好的學校，只有最適合的學校，只要你認為你小孩在這間學校學習會達到你的期望便足夠了。如果你已經鎖定一些心儀的小學，甘你留意下這些小學通常收邊d幼稚園的學生啦，香港的教育制度就係甘crazy, but this is the game rule, if you want to play, you have to follow.

littlecatmiko

咁我又冇睇哂全港九新界咁多間直資/私校，我只是睇嗰十間八間車程ok嗰d, 你是老師可能你知道好多內幕，當然如果學校老師流失率高是一個很嚴重的問題

Ononma

嗱嗱嗱，樓主，比我地知道你係教師，即刻有人想搵你做明燈 (包括我），你可吾可以講吓沙田個兩間新開直資，及港島西區個幾間男私小呢？

不過好似騎挾左你個 post 咁

MissMusic

原帖由 dragonwarrior 於 13-06-01 發表
同埋呢

我有提及過我本身教書架呵?不過我唔熟幼稚園行程，咁你大概估到我 ...

Dragonwarrior. 咁老牌私校又點呢？老師又係咪有鐵飯碗？