終要面對小一入學申請，有感而發

erniec

我係一個好懶散既媽媽，一直都無為阿囝報讀小一而作任何預備，直至最近聽到身邊朋友開始有動作，所以呢排多左上黎BK睇下posts,我好佩服一d好勤力既mama,由小朋友一出生開始就plan，由住既地方，playgroup, 幼稚園，interest classes, 各類型既比賽，看看自己，我都有俾阿囝學一d interest classes,全部都係佢話ok我先俾佢去學，我從來都係由佢上堂enjoy就得，總之有exercise要做都係佢自願去做，做完我就俾佢玩，無期望佢要achieve d 咩，每次問老師佢上堂ok嗎，聽到老師話佢都投入開心，我就心滿意足。

我都係一個正常既媽媽，都好希望可以搵間環境好一點，老師有愛心既學校俾阿囝讀，咁我都會去嘗試一d好多人話有口碑既學校，但我會盡量因應阿囝既性格特質去選，唔會大包圍，因對我同對阿囝都會有好大壓力，最重要我會平常心，每間學校年年收幾千份申請，佢地閱人無數，我相信d老c同校長一定睇得出小朋友咩係發自內心，如阿囝真無被選中，咁都係因為佢就係佢，同校長老師既expectation有距離，fine,勉強無幸福，迫唔黎，試左唔得都要接受。可能阿囝自小性格比較強，唔係果種好聽教聽話既人，你要用道理講服佢，所以係迫都迫唔黎，試過in KG時未坐定過，真係好大挫敗感。

我好唔認同唔俾小朋友去學interest classes,唔去幫佢地攞好多比賽經驗獎牌就表示個父母無注重小朋友既學習，等同於無努力，最偉大既媽媽係一個懂得真正去愛同關心囝囡既人，唔係用獎牌去judge,試問邊個小朋友會明白咩叫入名校有前途，第日條路就會好行d呢d道理，呢d諗法全部都係出自大人，小朋友真正需要既係愛，正面思想，識得跌低爬番起身，呢d就係要靠係父母身上學到，遠比學到特異功能，攞幾多個獎更重要。我自己唔係名校出身，以前父母搵食最緊要，考學校一定近屋企排第一，父母讀書很少，自少要靠自己，明白讀到既係自己，所以會對自己有要求，呢一種態度對我日後既成長even到大個左出黎工作都好重要。現今父母為子女安排好多好多既野，d小朋友唔會有種ownership既感覺，佢地只會覺得係同父母交代，一脫離父母就好似唔識行無目標，呢樣係好可怕。我地呢一代既爸爸媽媽最難學識放手，因怕囝囡條路難行，我自己都做唔到完全freehand,我都在學習中，我只係有感而發，每個媽媽都對子女付出很多，要相信自己，唔好為小一選校而沒殺自己既努力，升讀小學只不過人生中其中一小環節，始終用心去愛小朋友先係最最重要!

happyhealthymin

完全同意。

skmibb

hadwinboy 發表於 13-4-17 11:48
其實也不盡然。我們非專業人事，沒有這麼多錢栽培小朋友18般武藝，有學琴及圍棋等但沒有 cert 沒有比賽，學 ...

我最不滿的是要一個k2小朋友已學懂了小一的課程。那麼小朋友入讀佢地小一時，根本樣樣已係出面打補針，又何需名校老師教呢？此外，這根本又是揠苗助長。

蓮蓉包

原帖由 LeeCC 於 13-04-16 發表
其實考晤考小學晤係懶晤懶的問題，好似我咁自問冇經濟能力供私小，直資，等大抽獎的家長都好無奈的等運到

...

Agree so much ..
我是一些只做基本準備的媽媽，兒子在一間出名的學券幼稚園讀書，有讓兒子學琴、上Enopi ..但只此而已..
我也曾及現在係小學及大學工作，頗明白香港教育的利弊。
自少重視兒子的自理能力，當見同齡的小朋友食飯仍然周圍走，甚至要餵，仍要用食物較剪時，那刻也覺得兒子很不錯了。不過回歸現實，這些在interview 真的看不到。不想做怪獸但又有點要求想有選擇，近日常在這兩者之間争扎攞平衡，我只想說：真的很難很難....

hadwinboy

原帖由 skmibb 於 13-04-17 發表
小兒去年剛面對了小一入學。我都有為小朋友讀一些有名的直資小學。整過過程，給我的感覺就是：k2小朋友就要 ...

其實也不盡然。我們非專業人事，沒有這麼多錢栽培小朋友18般武藝，有學琴及圍棋等但沒有 cert 沒有比賽，學琴只是百多元45分鐘。中文是比較好，但我沒有狂谷他，他本身喜歡中文。英文普通過普通，大膽講 broken English, 叫姐姐開飯自創"pls open rice". 抗拒數學到不得了，只懂雙位+個位... 但其優點是，套用大人見工要訣，是好 presentable. 好識表達自己，主動，有問必答，答時雙眼望老師，懂反問問題，有禮貌。
所以大家不要灰心，加油！

Obiepapa

原帖由 dandanmami 於 13-04-16 發表
其實, 都係各師各法, 冇話點先做得啱！
我亦認識有家長乜都唔使理, 跟政府大抽獎, 仲慳埋D錢去旅行去親子~~ ...

我覺得甘幾好

skmibb

小兒去年剛面對了小一入學。我都有為小朋友讀一些有名的直資小學。整過過程，給我的感覺就是：k2小朋友就要學晒小一程度的中英數！！！！幾間所問的都大同小異，畫畫畫，有啲要串英文字，認讀生字，問下數學題。我是一個「懶」媽媽，我由得小朋友自由發展。小兒亦是愛發問，愛自製玩意，愛閱讀(當然當時要大人陪讀)的小朋友。想不到，這些傳統的直資學校，沒有被任何一間去取錄。這讓我感受到現今香港教育制度的不公。假如一些沒有能力的家庭，怎樣讓小朋友考小一前有十八般武藝？這已反映在教育層面已有貧富懸殊了。幸好，在自行階段成功了。

喵媽

LeeCC 發表於 13-4-16 14:33
其實考晤考小學晤係懶晤懶的問題，好似我咁自問冇經濟能力供私小，直資，等大抽獎的家長都好無奈的等運到

...

你仔仔可以抵擋ipad 定既仔一定有人欣賞! 但問題係大部份私小/直資都會考學術(我仔考既全部都有), 所以基本學術真的不可忽視, 如英文對答, 加減數等, 加油!!

想問問學第4種語言那個小朋友, 有無一種語言講得好好, 口齒伶俐那種?

serinac

erniec 發表於 13-4-15 15:29
我係一個好懶散既媽媽，一直都無為阿囝報讀小一而作任何預備，直至最近聽到身邊朋友開始有動作，所以呢排多 ...

Personal feeling for applying P.1 last year:
- Good experience but tough, which is very helpful for preparing S1 during P.5~P.6.
- There is no free lunch and lucky if you target to those top tier schools (not including 神級小學).
-  Nothing should be done if you just want to participate 自行 & 統一派位.

Jane1983

回復 LeeCC 的帖子

會係你背後講d咁難聽的說話話你，就根本吾係朋友，何需介意，當佢地係小丑。

LeeCC

gisoleung 發表於 13-4-16 01:24
我覺得樓主不懶散，起碼你都會幫仔考小學！講真抽奬這遊戲真係估計不到！考多間啦！



  ...

其實考晤考小學晤係懶晤懶的問題，好似我咁自問冇經濟能力供私小，直資，等大抽獎的家長都好無奈的等運到

我身邊啲朋友啲仔女同我個仔一樣K2嘅數埋有8個，各人準備不同:

有人買定債券俾小朋友入國際學校，
有人BB6個月大就開始谷3種語言，琴棋書畫，動靜18般武藝，k2已經識3位加減數，開始學緊第4種語言，第2種樂器！每月花費喺學嘢＄2萬
有人搬屋，入名幼，同千方百計入教會小朋友洗埋禮，每年向教會貢獻，但其實父母拜神拜到滿天神佛！
有人每日小朋友學校功課外，要再做埋公文，enopi，各式各樣的操練1個幾鐘
有人要個仔3歲開始每日練水
有人每逢長假期去外國交流或旅遊，4歲幾已經去晒亞，歐，美，澳，非洲，話俾個小朋友開下眼界

等等

她們知道我個仔只係讀學券幼稚園，英文交談只係識答單字，學校未教普通話，未識加減數，未離開過香港，未坐過飛機，晤知咩係默書考試，晤玩ipad，冇參加任何比賽，反應不離:
背後講，乜她好窮咩？
扼殺阿仔的機會，第日會後悔
背後講，乜她個仔好蠢嘅咩？教晤識？定她晤識教？
等等，幾難聽都有

但有老師朋友看到我小朋友的優點，話阿仔係咁多個小朋友當中唯一肯陪媽咪坐定，晤四圍走，晤玩ipad，靜靜地聽大人講嘢，大人問會答，同小朋友時晤爭玩具，玩完玩具自己執好，係街時拖媽媽，不會自己横衝直撞，她說俾係校長會揀阿仔，我希望她係真心，晤係安慰我啦

teambuilder

生仔唔知仔心肝, 其實大家都係估估下.

gisoleung

我覺得樓主不懶散，起碼你都會幫仔考小學！講真抽奬這遊戲真係估計不到！考多間啦！

extra369

PP媽媽

個人認為香港的教育制度.....其實不讀也罷,因本人都算是教育界.只因沒有條件移民,也沒有條件入國際學校,只能讀一般官津. 唯有叫自己盡量不要被這個教育制度弄得太瘋狂,因我深信學習的動機來自小朋友的好奇心,現在學到多少不重要,重要的是培養良好的學習動機. 只要一個人想學,不眠不休也會自動學,但現在的大勢所趨是剛好相反,強迫小朋友學,完全失去內在動機.

魚王

原帖由 anlywan 於 13-04-15 發表
我同你一樣！我都有心理準備我仔未必够百般舞藝小孩爭！但心儀也會去嘗試！唔得就派位！



  ...

不想大包圍，他最好除了非常心儀的學校，也報一兩間次心儀的二線學校，除非你派位有25分，否則大抽獎會令你意想不到！肺苦之言。