大抽獎需要打厘印(印花)証明嗎？

denbchumama

請問報政府大抽獎有水費／電費單等住址証明足夠嗎？租樓的還需要打厘印証明嗎？

ac917

原帖由 denbchumama 於 12-12-28 發表
如果佢要查證、要家訪，我實在無任歡迎！我苦惱的是業主不願意打厘印，不知教育局對沒有打厘印的真實住址如 ...

其實你業主唔肯打厘印，即係想逃稅囉，我之前個業主又係咁，結果我搬走，因為我用市價同佢租樓住，佢就收足租兼唔洗交稅，但我就一d保障都冇，況且，如果係熱門校網，真係搏唔過！

Imagist

其實點為之真正住所呢? 如果我一星期五六日才去住呢? 另外的日子住喺爺爺屋企呢?

denbchumama

昨天打電話去小一統籌組查詢，接聽電話的那位小姐釘截鐵的說＂如抽查中，是要有正式的厘印証明，只有租約不行＂其實我早就心裡有數，知道是要的，但如果無又會如何呢？當我追問下去時，她繼續官腔＂其實將來的事無人答到你，建議你小朋友辦手續那年才打來問！＂  我唯有禮貌地反着眼問她＂我想了解一下現時的政策會如何處理，好等我有個準備＂於是她才説＂每個網都有位主任，要問番你個網果位，由佢決定＂最後佢幫我接線去了34網主任。今次主任的答案是＂無問題！你唔好埋我點查，總之查到是小朋友的真正住所就無問題！不過...幾年後政策會係點、會唔會變就唔知嘞！＂

CoffeeCake

我估係熱門區抽多D人出來拎證明，唔熱門既都會抽，但相對少D呱？
之前好似有人提過，呢一步有機會係幫EDB計算要借幾多位，所以每區都應該有D數據需要用的。

cautionchan

我想EDB 針對傳統熱區抽樣！

CoffeeCake

EDB會抽樣搵D家長提供進一步地址證明，而如果你被抽中，就要有厘印既租約（租住物業者）。
我都收到EDB呢封信，而我係業主，就提供樓宇買賣契約／銀行抵押樓宇證明／RATE果張單。
絕對係真真正正入住既人／物業擁有者才可拎出果類證明。
當然，今次抽唔中你拎呢類證明，亦有可能稍後家訪ETC。

cautionchan

有報自行的會根據你自行報的地址派表俾你，冇報的就要交齊文件囉！

tutik

水電早在自行已經交了給申請學校，上月我也收信要提供打厘印同租約，睇黎家下查緊咗，唔係提唔提供到其他證明既問題，係有冇必要費力加冒險，反正你也是要搬過來，何不找個正規既單位租呢?

cautionchan

Jc37 : 冇打厘印當然是租約，打官司都承認，不過要交埋水電煤0R稅單係自己名，明白冇？

cautionchan

要打厘印，冇厘印的租約叫任何兩個人扮業主和租客都得，有乜用？唔打厘印既業主係想逃稅！

bbming

想問問你住咩網？

joycepsk

但教處抽中我要交有厘印的租約副本呀！

jc327

有些業主不想打厘印很大可能是想逃稅（物業利得稅），但教育處不會理會有否打厘印，租約已足夠證明申請人的居所。

denbchumama

唔係錢嘅問題，亦唔係我捨得俾呢百多元...原本打厘印係保障業主同租雙方權利，主要係保障業主，唔打唔違法，只係法律唔承認同無保障。既然業主唔想打，一定有佢原因，如果我自己打可能會破壞兩方關係...我可選擇的只是租唔租，而唔係打唔打！所以我最想知的是：教局要証明的是地址真實，但如果我可以提供到其他資料証實，只是偏偏無厘印，佢會唔會因此而取消學位？但經過大家的答覆，我相信問題唔大，因為1.只需交水電費等証明，不一定會抽查中 2.就算抽中，我還有其他証明，亦不怕家訪 3.我的住址真實，不構成虛報

Joe8889

Stamp duty is only a few hundred dollars.
Pay la.

zzbchu

原帖由 Freshment 於 12-12-28 發表
好似租客都可以自己打厘印。

可以但過了期要罰錢和業主要填CR109

Freshment

好似租客都可以自己打厘印。

denbchumama

如果佢要查證、要家訪，我實在無任歡迎！我苦惱的是業主不願意打厘印，不知教育局對沒有打厘印的真實住址如何看待？我會聽gerrard_phk意見，直接打電話去教局問清楚，再作打算，畢竟我還有時間！Anyway,多謝大家的回復，令我有大概了解！