正好教小朋友如何面對＂逆境"!!

Toffee888

見到有家長好氣憤為何龍校唔收自己孩子⋯覺得孩子做得好，家長in得好，問卷答得好卻被人拒之門外，甚為難受⋯
這心情非常理解及身同感受
這幾個月，要為孩子預備面試的父母都辛苦了！
事前要做各校的資料搜集，邊間好，邊間理念相同，又要金精火眼mark實可download表格日子，有d又要親自交表，排幾個鐘頭隊，面試前一晚的"準備＂，晨咁早要到試塲預備⋯in得幾分鐘，簡直係台上一分鐘，台下十年功的感覺，花了不少心血，精力！
到頭來話reject！話waiting！心有不悅，心有不甘係好正常嘛！但不用那麼氣憤難平⋯
與期氣憤難平，何不正好當作一個好好的教育材料，以身教告訴我們的孩子如何面對＂逆境＂呢？有跌過，才有爬起的機會，＂跌＂是痛苦，但能＂爬起＂的感覺卻分外甘甜！
現實的社會裡怎能盡如人意呢？這塲遊戲，有人順風順水，可以乜乜Vs物物再Vs東東都仲得！有人卻是唔係收R信，就係W信，天堂與地獄的感覺，有苦自己知！
面對唔知學校咩收生準則，（識哂未必收，唔識唔代表唔收）的情況下，家長只能做的就是繼續好好裝備孩子，培養正確價值觀，我相信一定找到你們寶貝孩子的＂伯樂＂

小孩見到父母沒有放棄，思想正面，孩子也能感受到的！一齊加油！培育好孩子！

martialartsmum

回復 Jane1983 的帖子

我有寫下野，算more like WAHM (work at home mother)...

martialartsmum

Jane1983 發表於 12-12-10 23:10
＂無時間教仔女＂ - 呢個問題好大wor。 ＂高薪厚職＂，so what？咪又係交一份學費！

難怪你話佢地一路無of ...

佢話：邊好似你甘幸福做FTM.
I said: It's a choice 家庭溫暖 is more important to me. Less money, less useless spending.  

Jane1983

＂無時間教仔女＂ - 呢個問題好大wor。 ＂高薪厚職＂，so what？咪又係交一份學費！

難怪你話佢地一路無offer！

martialartsmum

我有個朋友，孩子只係收reject信，都收到手軟。剛好我同他講去D都算是受歡迎的幼稚園但不是band one 頭或中。

終于去左interview. 算有緣，他另一半竟然認得其中一位任職的老師。係做義工認識的。另外，我朋友覺得這幼稚園的老師們同校工都好平易近人， not like the top kindergarten where the staff are so 高高在上。

真很有緣，終于有個accept！！！

我朋友已經好感恩好興奮。這情景令我好感動。

他們兩公婆都是高薪厚職，但就沒有時間去教孩子。他們也明白到孩子的短處。連我都為他們開心。衷心祝福。

bobosasa999

見得出樓主很用心寫這篇說話，字裏行間滲透絲絲暖意！Good!

ohdearcarol

Toffee888 發表於 12-12-10 21:48
明白你的心情！好快會有一間合適的學校在眼前的！不要氣餒呀！



  ...

今年應該無行啦! 淨返一間in左, 阿囝對住老師猛嗌走, 講左幾次. 另外只有培正, 我都不敢寄予厚望. 唔緊要啦, 唔開心都改變唔到事實, 本來諗住如果民生有offer, 今晚食餐好. 頭先唔開心完, 都係決定同老公食餐好, 多謝自己努力了幾個月

Jane1983

考K1，細路邊識也野係比人reject！？係家長學野就真。

Toffee888

原帖由 ohdearcarol 於 12-12-10 發表
連收兩封waiting後, 有一次在家發呆, 小朋友問咩事? 我忍唔住同佢講：「媽咪唔開心.」
佢問點解? 我都唔識 ...

明白你的心情！好快會有一間合適的學校在眼前的！不要氣餒呀！

ohdearcarol

連收兩封waiting後, 有一次在家發呆, 小朋友問咩事? 我忍唔住同佢講：「媽咪唔開心.」
佢問點解? 我都唔識答. 亦無同佢講. 如果佢明, 佢會唔會話：「其實我唔想讀媽咪你講果間dream school」。我相信考學校都要講緣份, 真係未遇上亦係無可奈何。
今日收到最心儀果間學校既信, 亦係自己覺得最有希望既一間, 結果就連waiting都無, 狠狠地粉碎了我既希望。
一早清楚遊戲規則, 所以絕不怨天尤人, 只會記住呢種痛, 想辦法讓它遠離我, 過兩年，又大把機會。

evalau825

我覺得面對逆境，遇強越強嗰個是家長。對於一個兩、三歲的小朋友來說，他們仍未感受到這些壓力和挫敗的。

Toffee888

原帖由 minirat 於 12-12-10 發表
本帖最後由 minirat 於 12-12-10 11:02 編輯

講得好好。好多家長處心積慮想幫小朋友爭取最好的教育，其 ...

係呀！家長的心理質素好重要

delhiB

其實要承受壓力應是家長而不是小朋友，讓小朋友擁有一個愉快的童年。

cyym

多謝你的發放的正能量! 大家加油!

lovelyhobb

我而家一個OFFER都未有, 見你咁講真係好叻! 可以咁正面, 加油!!

minirat

講得好好。好多家長處心積慮想幫小朋友爭取最好的教育，其實最重要的教育就系父母自己。無咩及得上父母俾小朋友的好榜樣，愛，正能量更重要，更有效的。

Happylovehappy

多謝楼主正面的信息！

elysion

謝謝你既分享，雖我不是全軍覆沒，但自己都覺得學校收生準則好難捉摸，好睇老師當時心情，自問小朋友表現係幾好，都唔係間間有offer,反之小朋友眼瞓表現較次等的，有答錯問題，指令未必肯做只傻笑，老師話佢好開朗好笑容，咁都有offer,我只覺係好彩，但唔好自滿，唔會一世好運，反之唔收，我仍然覺得自己小朋友已好叻，呢間唔收就讀第二間囉。

Toffee888

原帖由 Amymichelle 於 12-12-10 發表
將來可令小朋友遇強越強,更加經得起風浪

認同！考幼稚園只是剛起步，小小的人生還有無數次測驗考試，至長大了要搵工求職⋯漫漫長路怎能一帆風順呢！？

Toffee888

原帖由 oooasis 於 12-12-10 發表
贊成！
思想積極正面好重要。
我亦經歷過全軍覆沒，好明白箇中滋味，失望，失落，擔憂，情緒低落。

係呀！作為家長都唔想小朋友只是溫室的小花。這個逆境有父母陪伴渡過，將來就會懂得怎樣去應付，培養堅毅不屈的精神