請問宏信小學部的中文課程如何？家長可分享一下嗎？

sumshan

會有造句、週記或閱讀理解嗎？還是有其他方法學習中文？謝謝！

eg123

聽到家長咁講，似乎那兩位老師令到你們好不滿意，甚至有點嬲! 作為父母，當然希望子女獲得最好的教育，見到教自己小朋友的老師常缺席，又唔明白點解播片播得多，當然會擔心影響教學進度。我估家長曾向學校表達，但學校未能達到期望，所以先至唔開心! 有D野，我呢D現在仲係局外人，好似唔明白家長的心情，明年當自己的小朋友入學後，會清楚多些。 咁依家小朋友讀成點? 鍾唔鍾意返學? 始終真正用家唔係我們呢班家長，係我們的小朋友! 他們學校生活及成長發展先至最重要，係咪?

akumaeri

請問 "sick leave 王＂和"movie 王叫咩名呀? 我想去睇下佢地仲有冇教呀, THANKS!

akumaeri

點解會咁奇怪? 一係講到咁好, 一係就講到好衰...
我本身對呢間學校都有好感, 所以好想知道佢究竟係間點既學校...
仲想第時俾囡囡入LA, (如果入到的話)
好彩我仲有時間留意, 希望可以得到更多資訊(因為冇朋友子女在LA讀)

阿Yan

請問so called "sick leave 王＂和"movie 王＂現在教Yr.幾?今個學年表現如何?有沒有改善?我也很想了解一下!

sumshan

作為一個有心的家長，相信在未面試前已把BK內有關LA的資料看過，而我早就把十六頁資料全部看過，所以這位家長所說的事就算被人cut了也相信很多有心入LA家長看過。不過，網上資料有真有假有誇大，無人不知，所以在這𥚃看資料只是其中一個最低層次的途徑，最實際還是親自問問有朋友在讀的子女（興幸我有三個不同年級的朋友子女在讀）、我甚至曾在街上向一個穿上LA校服的小朋友和家長發問和了解。
小女除LA外，還有另外兩個offer,我們心繫宏信是它的理念、學習模式和宗教，它的確仍有很多不足之處，但隨住小學部新校長的加入以及副校長的熱誠（我兩年也有去聽簡介會），我相信各方面會有改進的，我對LA仍有信心。
至於兩位請假老師聽說已不在學校教了。其實LA與傳統學校分別很大，相信家長在未入學前已知，若入學後發現不能接受，真的不能轉校嗎？我親戚仔仔在某校讀了六年IB因經濟問題轉回傳統中學也可（現他媽媽感後悔，雖仔仔覺得傳統F.1課程冇難度），難道讀了兩三年不能轉嗎？事在人為吧！
喜歡LA的總有一百個喜歡的理由，不喜歡的也會有一千個不喜歡的理由，不要緊，每位家長心中想要的東西不盡相同，只要選一間最合適自己子女的就是了，其他人的意見可作參考，最終決定還是自己和小朋友。真不希望這𥚃成為駡戰的地方，而是大家分享學校點滴的途徑，當然好與壞大家也樂於接受的。

littleteapot

原帖由 happychow898 於 12-12-27 發表
唔好講題外話，浄係針對呢個問題，
請啲打手針對呢個問題發言好唔好

駛唔駛郁d話人打手，又唔俾人講其他嘢咁唔客氣?
如果咁唔滿意，唔滿意到要否定人哋所有對學校正面嘅言論，最好退學，勉強無幸福!
好啦!呢個post都係講番「中文課程」，請你要講「題外話」就去第度!
利益申報：我根本未係宏信家長，只係考慮中!正反言論我都想聽想了解多d做決定，但唔鍾意俾人屈我!

阿Yan

冷靜點, 大家說說不同看法而已!

littleteapot

原帖由 happychow898 於 12-12-27 發表
學校梗係有打手啦,連個post 都被人cut 埋，唔想被人知道真相。之前有個post係請學校公開ms goins and ms ca ...

講真，上任何forum可有好多寶貴資料同意見，但當中亦夾雜一d可能刻意唱好or唱衰or誇大事實or過度主觀嘅言論，要小心分辨。
講真，曾經響呢度有人向我PM宏信的不好，後來俾我響「課外活動」嗰邊見到佢，佢同人傾某項運動，個post勁多page，但咁啱我對嗰項運動好有興趣，一次過睇好多頁。俾我發現佢同人打牙較話好想細女入到大女間學校，間學校好好，但要考，唔知得唔得。post的日期同佢PM我的日期相近...你話佢想點?

meow125

我女女係英藝, 有好幾個同學有offer. 註冊時同等緊的媽咪傾, 有德怡, 有萊茵, 有真光. 我諗學校收得的就即是符合LA要求, 放心吧!!

sumshan

太好了，有咁多LA嘅朋友仔，拜託你收多些料同大家分享吧！你女女或大部分LA小朋友是不是都讀英普／國際幼稚園？我女女只是讀普通幼稚園，我都有點擔心她日後能否追得上。

meow125

回復 sumshan 的帖子

係呀, 女女來年Y1, 留意了LA三年了, 加上朋友女女讀緊, 我可以問真正用家收料. 朋友女女現Y1, 英文好好(或者係KG基礎打得好的關係), 好似有好多網上練習, 但佢媽話佢做得好過隱. 除此就好得閒, 所以成日睇書, 亦鐘意寫信 --- 佢知我女女入到LA後, 寫了封信比我女(好乖).最近, 我朋友亦介紹了另2位LA媽咪我識, 所以, 我可從3個用家口中得到資料.

sumshan

謝謝你的分享！唔知宏信的閱讀風氣好嗎？老師如何發展閱讀文化？

walwal

依家每日都要閲讀2編網上文章及做閲讀理解，有時又要抄寫生字，有時又要温下默書，而且又要花時間練下樂器及做在外興趣班的功課，加上食飯沖涼及睇下自己喜歡既書，又要十點前睡覺，自由玩樂既時間都唔係好多，我同小朋友都覺得讀得好開心，相反聽見以前既舊同學讀傳統都話好辛苦，大人同小朋友都好唔開心。所以家長們真係要了解下自己小朋友係逼唔逼得，受唔受到...

walwal

宏信同傳統學校教學模式不同，真係好睇個家長buy唔buy, buy就會覺very good, 唔buy就講咩都無用，可能普遍家長都係讀傳統學校，唔易接受宏信既教學模式，加上知d唔知d既情況下就撥人冷水，家長要想清楚自己要求係咩而小朋友適合哪種模式