中華基督教會灣仔堂幼兒園同嶺南幼兒園邊間好?

JessieWoody

呢兩間學校收左我個仔, 但唔知 中華基督教會灣仔堂幼兒園 定 嶺南幼兒園 好D呢?? 當然仲有報其他. 但如果二選一, 可否俾意見? 呢兩間都可直升K1, 但唔知對升小一有無幫助?

flopsybunnies

agree!

chiwiz

而家搵多幾間囉, 不過想通了! 沒有PN咪自己教好BB囉! 落足雙倍愛心! 更加勤力教佢, 放工回家hae下都唔啦, 諗下點set d program教佢! 人地幼稚園一對十, 我Bb一對一! 說不定效果更佳! who knows~ ? 我以前都無讀PN啦, 仲係細細女, 我咪一樣大學畢業重有份好工! 大家細B家長唔好灰心, 個個BB都係叻B! 只要有爸爸媽媽撐住就得嫁啦!

JessieWoody

有無WAITING LIST 呀? 其實一直都係唔需要讀PN 的. 係呢個世代先話兩歲要開始讀書. 好多出名果D學校都無辦兩歲班. 學位自然少. 無幼兒園收就去PLAYGROUP玩啦. 天后BAMBINI, 跑馬地SUNKIDS都可以報堂. BAMBINI 好好的. 都好多野學. SUNKIDS 可選英文OR普通話. 仲有, 近入學時間會多人放學位出黎. 勤力D打電話俾心儀學校應該OK的. 加油!

chiwiz

Jessie, 你都好呀! 已經有兩個offer俾你選擇, 我地無收到信....而家一個offer都無, 可能無書讀! 唉! 可憐BB! 我地都好擔心....如果真係無, 甘我地下年就要一in 就in k1啦!

HHS

我個女係細 B 11月出世, 都有 IN 灣仔堂, 昨日收到信及輪後留位意向書表格, 請問有無人同我一樣收到呢?

JessieWoody

換言之. 學你先前話齋. 一切靠運.

anzenchitai

同區喺無分加嘅，只可喺第二輪大抽獎講運氣，分分鐘派到第二個區。個制度應該在首輪分配比同區居住的小朋友，剩下來的學位就分配比啲世襲，宗教…不過，咁做法一定比啲嘅得利益者抨擊。

JessieWoody

嘩. 算罷啦. 扮蛇呢D唔係一般指令. 我都無SUMBIT 玫瑰崗APPLICATION. 呢D學校唔識人唔會入到的.

其實我認為計分制度係得同區, 同埋條"兄長就讀有分加"比較合理. 因為如有幾個小朋友. 當然同一間學校讀書能讓家長容易MANAGE好多. 學校近都節省時間.

至於父母舊生有分加. 無意義的. 首名子女有分加都唔乜解究. 總之我個仔就慘...家姐讀女校不能益細佬. 又非首名. 又無家長舊生果D分. 唯有同佢去洗禮加入教會增加機會. (但只可落注一間教會).

chiwiz

我BB都in 過玫記喎! 個時BB都只剛剛一歲識行, 老師要佢係個有成十樣不同物件既籃到攞個橙俾佢, 再攞隻烏龜俾佢, 仲要我一路填住問卷, 跟住重俾枝花我個B叫佢插入個小花盤到, 仲要佢將另一個籃既五個小波放去另一個籃到! 又高舉佢手上的波高高的展示問係咩黎.  個老師高高在上企係到一對四、五個BB, 個BB都唔知你同佢對話緊啦! 我BB坐上張椅子細細粒, 根本連個籃內有d咩都未睇哂, 隻手仔都唔夠長伸上去攞野, 個老師唔俾我遞個籃俾BB, 甘得啦, 咩都唔駛做啦! 完呢part都未夠, 有個外籍老師講一輪英文, 意即叫小朋友跟音樂跳舞, 佢開住個media player d 光就係白板到飛呀飄呀! 結果在場幾group 十幾個B 呆哂睇住個media player d 光, 仲有兩、三個B大哭大叫瞓哂地, 真可憐! 我個B就播完先跳! 仲未完, (簡直有折磨我地既感覺, 一生難忘!)  呀老師又叫小朋友扮蛇, 要"爬"去攞條玩具蛇, 我B都識行, 佢點會肯爬呀!完左之後, 我對呢間學校感覺很差很差, 還未計算我交表時浪費排隊的三小時!  

anzenchitai

其實，呢個社會充滿歧視，要睇開啲，就算住喺豪宅，住高層嘅人都歧視住低層嘅人。講返教育，政府都帶頭歧視啦，如小一入學方法，有宗教歧視無宗教，家長同間學校有關係有分加，兄姊就讀又有分加，做首名子女又有分加……

mimi66

我in 玫瑰崗時個女得十個月，問題包括：比蘋果老師，當時我個女手拿住梨, 好自然比梨 老師，老師話No, 我要蘋果。跟住要係一個有不同動物的藍找"一樣"的鴨仔。"一樣" lee 個concept 相信n班都唔識。仲有考插花，有泥膠，有假花叫小朋友把假花插係泥膠到。

JessieWoody

我有個朋友個女去IN間名校(唔記得叫乜名). 個先生指住隻蝴蝶問小朋友英問點講. 我朋友個女答BUTT-A-FY. 個老師即更正. NO, IT"S BUTTERFLY.... 個阿媽在場覺得好嬲. 喂. 一歲幾人仔你想佢點. 識講BUTT-A-FY已拍手讚叻啦!. 點會SAY NO, 打沉哂個小朋友架. 我希望學校多D鼓勵學生. 唔好打沉佢地嘗試嘅精神.

JessieWoody

聽聞維記小一留位費係50萬. 本來維記PN同K都係好好嘅選擇. 但睇FORUM維記小一好混亂. 所以都唔腍住讀. 一開始俾個仔响傳統學校成長.

請問MIMI 玫瑰崗點IN? 點解覺得歧視細B? 要小朋友答問題嗎?

mimi66

我個女係12月細b , in 灣仔堂時，老師問平時同佢玩d 咩，我話睇書，玩玩具。跟住老師比本書佢睇下佢反應。比起之前 in 玫瑰崗，我已經覺得沒有歧視細b。

anzenchitai

其實，最緊要好命夠運，家長幫唔到啲咩，最多比吓啲無謂錢…

JessieWoody

年尾出世可以有兩次機會. 唔係壞事哎.
我地做家長為小朋友讀書鋪路真頭痛. 怕選擇錯. 行錯路.
我聽有個家長俾小朋友讀兩間K. (ST STEPHEN'S GIRLS & ST CATHERINE'S), 兩間都無俾佢直升小一。咁辛苦都係枉。個小朋友真陰公。

anzenchitai

2010 的，所以N班是大b，K1是細b。做大b可能好啲，第時叩門in小學都「睇得吓」先

JessieWoody

anzenchitai 的小朋友是2010年12月嗎? 2011年12月唔夠三歲入年嘅K1 格. 咁你個女宜家讀緊邊間?

anzenchitai

我啊b喺十二月b,我地都有in灣仔堂個N班同其他幼稚園嘅K1， 我覺得灣仔堂N班考嘅嘢同其他幼稚園K1嘅嘢無咩分別，對細 b喺比較困難。我啊b同其他 考K1嘅小朋友相比，的確技不如人，所以無咩學校取錄，有間幼稚園仲差，見我小朋友喺細B即刻張份考試表反轉同啊B玩兩吓就叫我地走，呢間咪又喺灣仔出名嘅基督教幼稚園。其實，我都好明白，啲學校in噤多小朋友，緊喺想揾啲易教嘅，工作量都少啲，所以大B喺着數啲。有啲學校如真光講明只收到十月！11&12 月b唔考慮