一早嗌大交...蕭漢森VS德雅...

bryan_csy

今早上網check下自行結果，發現蕭小收咗，就同老婆講蕭小收咗，不過我想仔仔讀德雅，....點知佢話有個妹跟尾緊係津校啦....
我:德雅小班，而且都有名過蕭小...

太太:蕭小係沙田都Ok，係無沙呂，一呂，沙胡咁出名啫

我:網上德雅評風極好，蕭小好壞參半..

太太:1/深水埗中學網男仔唔得，2/個妹未必 入得返德雅，3/唔做女校男生 (開始動氣

)
我:.............1)讀到間好學校升中可以考直資，2)哥哥讀緊點都有D優勢，呀妹個年仲多人爭，德雅有中學做back up，3)我唔覺有問題.........

太太:就係因為個妹嗰年多人爭，所以揀津小..

我:中學呢？

結果在不愉快的情況下雙方各自出門返工........下集今晚上演........

BBcarrie

德雅都收咗我個仔,
個人覺得女校男生冇問題,
但都係首選津校,
因為仲有個細佬跟尾,
幾年後競爭更大,
不宜打冇把握既仗,
而且男仔喺深水埗校網好既中學唔太多,
既然有D不利因素,
不如你就好好考慮下你太太既意見啦!

417bbs

兩間我會選德雅。我都入左德雅，兩年前已留意這間學校。我自行選培基，失敗了。入到培基就梗係好，入唔到就可能試叩門，我想除學程老師外，同學都好重要，德雅學生好乖，朋輩影響下，我估小朋友都會乖，不過學費真是一個大問題，我小朋友是孖的，樣樣雙倍，但我同老公都喜歡德雅，當然也喜歡培基。

fionacat

沙田多英中！

little_yolky

其實你有咩煩丫, 沙田中學校網咁好, 兩間呂小唔一定好, 因為好谷的, 最少從國教事件可見校長有問題, 所以蕭小呢類黑馬係仲好添。我就無得揀, 住大埔, 中學好0既唔係好多, 又多雙非, 北區湧入嚟, 津校爭到頭崩額裂, 所以先有細妹跟尾仲要跨幾區出九龍讀私校啫。你估過兩年又玩多次好爽呀。

其實最重要0既point係, 深水埗區中學對男仔有弊無利, 沙田區則男女平等。

人地既阿媽

你地兩公婆都各有道理，上面好多家長既意見都好有見地同實用。始終個仔係你地兩公婆既，你兩個一定要傾掂佢，一齊搵個共識，以免日後互相埋怨。我有個朋友以前就係兩公婆意見不同，hold 住兩個位以為可以慢慢諗。結果兩個成日為揀學校嘈，兩間學校都買晒書，做埋校服，但到開學時都未能的起心肝作決定。最後要到開左學一個星期先至放番其中一間出來，不單止浪費左學校資源，亦令自己唔開心，為乜呢？所以我提議你唔好諗住註完冊再慢慢諗，因為咁樣只會夜長夢多。

tammy0419

avahy 發表於 12-11-27 09:52
多人掙就 "唔名" 都變名

回想我細個果個年代, 呂明才小學都唔係宜家咁紅架, 只係中學係名校, 我有朋友係 ...

咁又真係呀，我以前讀沙田主風架！！！！ 咪又係因為近亞麻亞爺亞婆亞公先讀～
呂小我以前真係未聽過呀！！ only識聖華，崇真，信義咋，雖然住沙田，但吾係住第一城個邊鬼識咩！！！

小學無名校架～～ 不過而家家長追捧，間間學校又谷，唉～～
真係吾名都變名架！！！仲有梁小，朱小，胡小呢。。。都一樣追緊上黎，
所以成個沙田區既小學真係吾差架！！！
我有幾個表妹，一個讀馬主。。。去左林裘謀，而家大學生，讀書超叻
                         一個讀一呂。。。去左呂中，但係讀得辛苦，咩課外活動都要cut
                         一個讀黃鳴歉。。。吾知讀咩中學，但係都成功成為大學生，讀書中上

所以我相信，讀書係睇個人受吾受教

我老闆，係喇沙仔。。。佢係咁話我仲咩鬼報私校，仲咩要讀名校。佢話無用的，入到去，你吾係最叻個幾個係吾會理你
出到去仲衰，成日自以為自已好叻，咪累死佢囉～
以上純粹個人感受同分享

momama

對蕭小唔了解，但肯定兩個入同一間煩小好多，只計一個聖誕前考試，一個之後考，成家人就冇左一個月！又話者一個家長曰撞另一個，你都頭痛。又使多咁多錢……都係準備痰罐啦p人

avahy

ipo167 發表於 12-11-27 09:47
如果唔熟沙田呢頭，一看了個標題，還以為簫漢森小學是間什麼名校呢!
...

多人掙就 "唔名" 都變名

回想我細個果個年代, 呂明才小學都唔係宜家咁紅架, 只係中學係名校, 我有朋友係呂小畢業都係咁講, 宜家多左人, 學位唔夠, 又有間名校中學聯繫, 先搞到小學都咁出名

sampapa

"女校男生" it is not a problem. Many DSS is Girls more than Boys.
I support your wife, due to younger sister is not confirmed to admiss same DSS school.
School fee is small issue or non material issue.
I will consider the listed issue.
The standard of 蕭小 is better or upper average.
Travelling time is long or not, within 30~40 min for single trip.
Time arrangment for same school is better than 2 school, due to DSS is admissed by interview.
Time arrangement means school events, school hour, calender, ECA & etc.

avahy

momama 發表於 12-11-27 09:37
呢個係典型例子，自行又好，直資私立又或者大抽獎都好，好多家長都係抱住收咗先講嘅心理，結果嗌大交。如蕭 ...

樓主如果唔打算要蕭小就請您唔好去註冊,我女有幾個同學仔15分入唔到, 佢地家長不知幾愁, 因為都係住穗禾苑所以想方便老人家接送小孩返學.

人地真正好重視, 同好需要蕭小學位!

ipo167

如果唔熟沙田呢頭，一看了個標題，還以為簫漢森小學是間什麼名校呢!

momama

呢個係典型例子，自行又好，直資私立又或者大抽獎都好，好多家長都係抱住收咗先講嘅心理，結果嗌大交。如蕭小唔鍾意，點解浪費一個機會？

otter

唔好谂，让老婆揸主意，无謂自尋烦恼！

rkk88

support your wife,
德雅中學好似band 2,而且淨水埗校網ma ma

brrbaby2007

男仔讀德雅，我唔會lor

dannyyau302

原帖由 bryan_csy 於 12-11-26 發表
可以嗎？我爬了很多文話唔得，因為唔同大抽獎，自行註咗冊，而私小又註冊的話，教育局會寄信要你決定



  ...

先報德雅，第二輪大抽獎報出名那三間吧!

mercysheep

support yr wife also........因為跟功課, 學野, 教育, 學校事情, 多數都係媽媽involve多D, 如果你地都係, 咁應該都係比你太太決定好D......

hadwinboy

我有個朋友的 case 是, 大仔考到 Paul Boys, 抽到循道. 有細妹跟尾, 本應費事煩應揀循道. 但我 fd 覺得個仔咁難得考到直資, 又是一條龍, 於是最後揀了 Paul Boys. 而個細妹就入左媽咪母校協恩. 所以都有唔揀津校嘅 case, 睇下你地有幾心儀德雅囉.

selina1109

原帖由 bryan_csy 於 12-11-26 發表
請問蕭小幾多個人一班

我仔而家讀蕭小小三，叩門入。每班約二十五人。屬傳統小學，老師有一定年資。我仔升小二時考第一女同學過了德雅讀，佢住火炭，原因你們自己諗。我密友個女讀kv，小一有德雅揸手，因叩門入了九龍塘聖家所以放棄了，因計過學費貴。所以，在我而言，德雅程度一定高過蕭小。

如我角度，如果慳錢同有個細跟往，就梗係津校。我都有個細仔，我晤想再玩。我大仔個時派左十三，叩門玩左我幾耐。我覺得你可註冊先。

題外話，乜今年甘full，以往通常自行必入。