禮賢對學生的分數要求很高？

krs500060

我喺禮賢讀左6年真係無聽過會收信尼樣野-v-
但如果老師發現同學喺某啲方面(唔淨止學業)有啲問題嘅話
老師都會主動同同學溝通溝通 睇下佢有無啲咩困難~

sampapa

我自己不是禮賢家長，但有高興有家長以子女需要排第一而非名氣。
我原則是沒有最好或差的學校，只有最適合的學校。
外人只從校名而選，而非用適合而選。那些外人還指三道四，
孩子喜歡上學，學校便是好學校，好學校必有優秀學生和成績。
我兩個兒子在同一間每級只有兩班的小校就讀中，每天開心愉快地上學。
備注：每天必須叫醒他們起床，才可以開心地上學去。

cleokiko

咁如果車程時間太長會是你考慮因素嗎？

Henry's

學校要求不高！只是家長要求高，校內有良性竸爭，平均92分，25人考20左右。課程不是最深，中英數水準平均較高，只是不谷樂器和體育。今年畢業班，全級7x人1x名，男拔中學有得in。

krs500060

其實禮賢真係一間好好既學校.
講真我讀左六年聽都未聽過有warning letter about academic results尼樣野(唔代表其他有),
我岩岩睇到都嚇左嚇.
據經驗,禮賢既老師係好有愛心.
同學無論成績點差都好
佢地都會好用心去教導佢地,教到佢地識.
即使係打電話搵你地,亦都係出於關心同學.
正如岩岩一位家長講關於女兒普通話唔合格,老師打電話尼關心下同學既狀況,
亦足以證明我講既野係岩.
我可以肯定,
小朋友無論喺禮幼或禮小翻學,
都一樣禁開心
所以,我會極力推薦出年小朋友讀小一既家長
負擔得到就讀禮賢啦!

八卦一問:請問今年學費幾多?

cherrie^^

原帖由 aleelee 於 12-11-23 發表
請問你囡囡讀緊幾年班？聽到你地咁講，禮賢真係好學校！

aleelee

請問你囡囡讀緊幾年班？聽到你地咁講，禮賢真係好學校！

eg123

原帖由 dream_dream 於 12-11-23 發表
我呢生人最大嘅福氣就係生咗個乖女,同埋入到呢間好學校,有好多人都會嫌棄禮賢無千嬉校舍,個名唔夠響,無聯繫 ...

你係一個好媽媽! 你的女兒也很幸福!

dream_dream

我呢生人最大嘅福氣就係生咗個乖女,同埋入到呢間好學校,有好多人都會嫌棄禮賢無千嬉校舍,個名唔夠響,無聯繫中學,但係我心目中,放小朋友係第一位嘅,先係一間好學校,禮賢係一間上上下下都充滿愛嘅學校,係依家現實嘅社會,好多學校因為要打曫自己個名,係各方面都不斷谷學生,真係好慘,無哂童真,無哂笑容,對我來講,就算佢點叻都無用,我要嘅係一個開心嘅女(但有好多人唔認同我的)!!!
搵一間學術唔差又有愛心嘅學校,重要有幸比你入到,千萬不要放棄!!!
希望可以幫助到一啲仍然十五十六嘅媽媽!!!

fi-fi

回復 hellojenny 的帖子

無要求必修樂器科，但聯課活動你可以揀選一樣，到三年級音樂堂學牧童笛時，就有一次音樂考試需用一種樂器(可用牧童笛), 另一次考試必定是唱歌

doramami

回復 hellojenny 的帖子

No such request.

hellojenny

回復 cherrie^^ 的帖子

hello Cherrie^^ & fi-fi,

您們好, 小兒有幸獲禮小收了入讀來年的小一, 請問一下, 禮小有否要求學生必需要學一樣樂器? 鋼琴計算在內嗎?  謝謝幫忙 {:1_1:}

cherrie^^

我係P2家長，我個女係第一次普通話評估時，因為我忘記同佢溫而唔合格，之後老師就打電話嚟，係出於關心個隻，了解下有咩可以幫到手？重教我如果自己都唔識，就可以睇番隨書附送個隻DVD，又話會響小息、午餐嘅時間，多啲用普通話同我個女傾計！
放心，呢間學校真係好好的！

doramami

回復 星仔 的帖子

升班標準：

學生於中、英、數三科全年總成績必須達致合格水平，方能升班，如未能達標者，則須重讀或作其他安排。(每科合格分數為60分)

fi-fi

回復 星仔 的帖子

我仔現在小四，當小一開學時，曾經有一個六年級家長同我講:"分數底過70分等收電話"，佢話佢囡有一年試過分數底過70分，朝早收一個電話，晚上收一個電話(心諗:老師你又幾勤力喎 ，其實老師都只係想同家長溝通一下，睇下有咩可以幫手啫)。"警告信"我就未曾聽過，不過我自已就覺得....學校不是迫得太緊，而只係學生與學生之間有無形壓力，因為大家D分數真係拉得好緊)

la5711

星仔: 條LINK嗰個家長的消息來源成疑.  
作為禮賢家長, 真係未聽過有警告信.  呢回事.  學校從來用幫助的角度去支援學生, 而不會用強嚇手段. 我親身經歷, 我見家長時, 我講嗰仔中文差, 要惡補下, 老師反而叫我唔好俾壓力個仔, 只係介紹左啲學習網站俾我, 同埋多些陪小朋友閱讀.

nc2000

原帖由 星仔 於 12-11-16 發表
各位禮賢家長，想請教各位，聽聞禮賢現在對學生的要求很高，低分數學生會收到信！
是不是真的呢？感謝:yumm ...

我仔讀左6年，從來冇聽過或收過信，除非係通告，通告內容係幫你子女放學後留校補習成績較弱的一科，老師減少個人時間替有需要學生補習是出於關愛，是禮賢不會放棄成績稍弱的學生，如果被歪曲為"收信"或是警告之一，就真替學校，老師不值了！真希望該位收信的家長能清楚說明何謂收信！

la5711

我仔小三, 無聽過有這種事