- 在線時間
- 29 小時
- 最後登錄
- 25-8-28
- 國民生產力
- 0
- 附加生產力
- 512
- 貢獻生產力
- 0
- 註冊時間
- 12-11-1
- 閱讀權限
- 10
- 帖子
- 326
- 主題
- 36
- 精華
- 0
- 積分
- 838
- UID
- 1050437
|
幸運在於我地只係參加左德寶既interview，而無將小朋友送羊入虎口！
德寶哩間幼稚園簡直唔掂當！我既case亦都匪夷所思，請大家不妨抽空睇下，以便大家選校。
interview當日勁混亂不在話下，時間勁長，老師唔知點同點，在整個等待過程中，無提供任何可以吸引小朋友既玩具提供，唯有一個miss扮成小醜擰氣球，但需知道面試當日勁多小朋友，加埋家長人數，大家可想而知，有幾多小朋友可以埋到個唯一小醜個身。ok，都算！
interview有兩位miss負責，一個鬼，一個本地人，完全得個鬼係度問，我話bb始終細，英文能力有限，有d情況如可協助翻譯，小朋友會更好展示自己，但gor個本地miss，有頭齋坐落尾，面部完全無反應，無笑容，無鼓勵，而且一句野都唔講。算！
戲肉黎喇：in我仔既鬼妹miss，係之前租住我間屋既租客，甘岩interview之前完結左同佢一年生約一年死約既contract，我決定收翻層樓自用。同agent交樓交key時，驗樓我屋企總體情況ok（之前全新裝修外租），但睡房木地板一條好長既裂痕，而哩條裂痕係我過手俾租客時無既，agent亦有像片留底作證。我亦唔貿貿然獅子開大口要求人地賠款，所以揾到第三方裝修公司上黎屋企目測評估，裝修公司出quotation表示如果整好需要2000蚊，個鬼妹miss同另一個（亦係德寶老師，abc黎既，同是我租客）即場發爛雜，而佢地發爛雜既態度、言語、行為完全唔可以為人師表，惡到死，嚇親我同我agent，我agent都係女性，好彩當時我老公在場，我地仲禮貌緊講，甘如果第三方專業裝修公司既意見妳地質疑，甘不如請政府測量行啦，絕對公平公正，雙方平攤請測量行上來驗樓之費用我都願意。佢地一聽話要使錢請人check，更嬲，不停對住我大叫，個鬼妹不停話：哩d係自然損耗，妳租得間屋俾人，預左俾人損壞，我當時真係ma大個口得個窿。另一個話：我入黎時就見到有條裂痕。我即使火滾，佛都有火，我話：agent手頭都有相片為證，點解妳地係幼稚園老師，仲係“高人一等”既外籍老師，都可以ma大眼講大話？只不過區區2000蚊難道就可以令妳地喪失人格？佢聽後即刻唔出聲。
命運有時就係甘巧，我一早知道佢兩個係黃埔區內一間國際學校既miss，就係因為我好信任佢地既職業，所以當時先肯將我屋企租俾佢地。但我唔知道係德寶，直到interview gor日，撞到正。我已知道我仔係佢打分既情況下，一定會拒收。但事後又念，或者西人做野，公還公，私還私，大人既事，無謂累及小朋友，因為我仔當日發揮都好好。點知最後都係拒收。
如果大家話可能係因為當日我仔本身表現都不盡人意，唔夠標清。但係我bb一路interview都好穩定，屬於淡定仔，可以話俾大家聽，目前我地in左york，啓思九龍塘正校、嘉德麗黃埔、威廉睿智、維多利亞何文田、德寶、學之園，目前除維多利亞仲等緊消息之外，其它全部都收我仔，而其中好多間，好明顯好過、名校過、難考過德寶，大家話係唔係？如果間間都唔收我仔，或者好少收，可以話係我地既問題，但甘多間都收，鐵一般既事實，究竟點解我地會俾德寶reject？大家不妨念下。
如果一間學校，有d甘既質素既老師，作為懷胎十月，含辛茹苦養到bb三兩歲人仔既各位偉大媽咪，妳地仲會唔會俾佢入哩間學校？
乜野叫誠實、無貪念、愛心、為人師表，我覺得哩d最基本既為人品質，德寶要自我反省下。
個鬼妹miss叫janet，個abc miss叫cass hung
以上句句屬實，我唔怕點出真名。 |
|
發表於 12-11-6 14:02
