有無mama interview 幼稚園見到開始有啲迷茫.......

tingma1229

回復 sinsin0301 的帖子

對呀！有無奈得嚟又憤慨嘅感覺！我個小朋友也是十月份出世，屬細女啦！說話不是特別多和叻，但跟妳的一樣，甚麼都聽得明和行為絶對表達得來。還記得九月面試時，碰上一位舊朋友（在職老師），她說為何咁心急考K1？於面試時我小朋友由自己名、打招呼、顏色、形狀、唱歌、動物名、日用品用途•••通通做對兼齊，但未為正取。沒打緊，因只抱最經心態，即使它收也不會讀，因教學理念不合心水（面試時一大羣人同房、幼稚園三年課程淺易，屬活動教學）。那即是她們暗地裡係會先揀大B，而且報名人咁多，佢地根本就唔憂收生，不論小孩做得有幾出色，她們已定收生準則。
:;pppp:咁•••所以想講不要著急，不要大人和小孩一起不開心，用心做了便算！一定有心儀的學校收妳小朋友嘅！

ashleycece

原帖由 sinsin0301 於 12-11-04 發表
首先，囡囡係10月b，而家25個月，了解能力完全無問題，妳叫佢做乜佢都識做，但係唔肯講，而家只係講爸，媽 ...

有時interview真係講d運同眼緣，我囡報八間，兩間已知唔收，但in果陣做足八九成。三間未收到信，起碼你仲有間下午offer ,不要灰心，共勉之

vickychanwk

其實我都同你差唔多，囝囝26個月大，又係乜都識聽，乜都明，但就係唔識講，一大堆BB話。我都知in所謂名校一定做炮灰，所以唔會諗會入到，亦都唔會失望，就當係見識下攞。講真，見到囝囝去in時完全無話唔肯入去，又無喊，就已經覺得佢好叻㗎喇，可能知佢能力有限，唔會對佢要求太高。幸好我囝囝好鍾意笑，原來有啲屋村學校都鍾意這些開心小朋友的。今年競爭真係好大，但總算有一間區內學校收，都好過一間都無啦。有時會諗，係咪所謂名校就一定好，普通學校就一定唔好呢？有時啲嘢真係唔可以強求，看看同邊間有緣吧~

Miumiulab

我個女係十一月細B，無論幼兒園定幼稚園都報，不少interview撞到正，見左啟思n班又唔收，對考K1更加無信心，現只求有書讀

misslo

大家一齊加油呀！

prettymama888

見到你嘅文章我都好有同感。我仔係十月仔，未反PN 時佢怕羞唔多講嘢！但反左學加老師同家人鼓勵，牲格明顯開朗左，多嘢講左，甚至主動say hi! 我想講其實每個小朋友都有自己不同嘅發展，你女女25個月唔多講嘢但唔洗噤擔心，佢一講就會講唔停Tim!我唸你可以比多d歌佢聽，同佢一齊聽一齊跳，教佢一個一個音噤跟你講。放心，小朋友開心最緊要！add oil!

PPyeung

我個係大B,識答都唔想答，識唱都唔唱！死未！
好彩有一間offer back up

DILENLI

回復 sinsin0301 的帖子

可以讀N班先

Irismammy

不如教佢背啲答案，應付了前面所需先吖？

carol_kk

唔駛咁灰心, 面試當比佢去唔同學校參觀, 同其他小朋友玩, 見多D人, 間間學校收生標準唔同, 而每次面試, 小朋友總會有不同表現, 一定會有學校收......加油

Toffee888

原帖由 sinsin0301 於 12-11-04 發表
首先，囡囡係10月b，而家25個月，了解能力完全無問題，妳叫佢做乜佢都識做，但係唔肯講，而家只係講爸，媽 ...

另一方度想，當俾個練習佢，同陌生一溝通，試下無妨，有時講眼緣，總會有欣賞她的學校

iamadc

我昨日in 完第一間就想收工，讀返現在那間pn. 實在唔想浪費時間。現在間pn 返左三個月，阿仔讀多好多野，有次用普通話講下午好，我地在家係無同佢講普通話架! 佢睇英文書多左，會指住d字扮講，係扮英文發音的bb 話，所以我都係唔走多

katrinamama

我個女27個月前都係好似你咁，乜都知，但係都唔講；之後佢開始返N,返了一個月，進步神速，曰日講到唔停，所以d人話返學好快學講野係冇錯；如果你現在冇N讀，試去報出面一星期返五日那些playgroup

sbux

in 就照 in，無得擔心得咁多。如果兩歲多女仔仲未肯開口講嘢，你真係要多D 同佢傾偈。如果屋企用開雙語嘅可以考慮轉用番單一母語，等佢盡快追番上去。加油