點解band 2 成績會派去了band 3 尾學校 ?

hong_yau

剛剛聽聞一個朋友的兒子去年派去了band 3 尾學校, (但已經知道叩門成功去了 band 2 頭學校讀, 現在讀英文班) 但我覺得奇怪, 因為小朋友 4, 5, 6 年級都係讀精英班, 成績一直 ok. 估計佢唔係band 1, 都會係band 2. 就算第一輪 inteview 唔成功到要等第2 輛攪珠派學校. 都唔應該派去band 3 尾學校. 因我曾經聽人講, 要派哂成個 banding 組別的學生先會到下一個banding 的學生開始揀學校, 所以諗極都唔明點解band 2 成績會派去了band 3 尾學校 ? 究竟邊度出咗問題呢 ?

catmervin

catmervin 發表於 12-11-28 12:12
每一位升中一的學生,會考一個叫AT的試,在派位註冊之後考的。
AT試的成績,決定該學生所屬的小學,今年有幾多B ...

知道BAND1比例,自然有BAND2、BAND3的比例,至於學校肯唔肯公開就唔知啦。
你可以睇下上一年度,該校升中的學生入咩野BANDING的中學,可以參考一下的。

但係,你認為係BAND1的中學,可能都會有一定比例的BAND2/BAND3,多數中學都會因應AT試的成績分班,把差不多成績的集中一班。

因此,我們稱之為BAND1的中學,唔係因為佢本來係BAND1,係佢收的小六學生中,考完AT,成績大部份係BAND1,所以叫BAND1中學。如此類推。

至於小學的呈分試,係排學生的名次,排得前,自然有利。不過如果該小學的學生考AT考得唔好,無一個成績係BAND1,咁佢地O既下一屆師弟妹,就唔會派到BAND1架啦。不過呢D案例好少,因為一屆畢業生成百人,無理由一個成績好的都無,只係比例的問題。

以上唔係官方的資料,我只係因著我工作上所得的資料而提出意見,有錯請更正。

cc_2012

littleflowers 發表於 12-11-28 00:40
即是第二志願已經要填band 2?如果好肯定小朋友是band 1，我過唔到自己囉

清楚D應把所揀的學校分為B1a、B1b、B1c....如此類推
每個志願只塡分類中的一所,能把較次的作前選便更有利了。
至於過唔過到自己....唉...很多時係要向現實低頭呀,是有點無奈

我也適應緊

catmervin

每一位升中一的學生,會考一個叫AT的試,在派位註冊之後考的。
AT試的成績,決定該學生所屬的小學,今年有幾多BAND1/BAND2/BAND3的人數。如果,有80%的學生考得好好,有BAND1的成績,即是代表該生所屬的小學下年有80%的學生有好大機會派BAND1,如此類推。而該中學,亦以這個成績,決定這一屆的學生的程度,係有幾多係BAND1,幾多BAND2等等。多數中學會以這個AT的成績來分班。而到中三,佢地會考TSA,亦會以AT凡成績,與TSA的成績做對比,決定學校的增值指數。
因此,家長要估學生的BANDING係難O既,首先要知道該小學一向的成績,例如派BAND1的比例,第二要講子女的排名。如果佢在一間好好小學,有80%都派BAND1,但佢考得好後,都有機會派BAND3的。

littleflowers

原帖由 cc_2012 於 12-11-25 發表
我同事個仔舊年中西區B１,
他是這樣填表的;頭兩志願都塡了Ｂ1ａ,第三志願Ｂ１ｂ,
第四Ｂ１ｃ,第五是跨區熱 ...

即是第二志願已經要填band 2?如果好肯定小朋友是band 1，我過唔到自己囉

ohnono

緣份的天空 發表於 12-11-27 23:47
回復 ohnono 的帖子

小女今年亦是小六,亦是深水步區...升中派位令我非常頭痛...多謝你的意見. ...

有時選擇多都會令人頭痛，你這種頭痛令人又愛又恨！

緣份的天空

回復 ohnono 的帖子

小女今年亦是小六,亦是深水步區...升中派位令我非常頭痛...多謝你的意見.

Jen123

哪麼，想請教，如果你有一個女，暫時沒有兄弟姊妹，德雅小學和聖母小學只可以揀一間，你會如何選擇？真心求救！不喜勿插。

cc_2012

我同事個仔舊年中西區B１,
他是這樣填表的;頭兩志願都塡了Ｂ1ａ,第三志願Ｂ１ｂ,
第四Ｂ１ｃ,第五是跨區熱門的Ｂ２ａ;
最後被派到乙部第六志願,Ｂ２中中,
四圍撲都無用,現在係該Ｂ２中中第一次考試全級頭三名。

今年到我仔了,他奉勸我同ｂａｎｄ的學校只可選擇一間,
他解釋因你揀的第二志願,甚至第三志願是別人的第一志願,
即是塡這些學校也是枉然,他還提醒若之前肯把那１ｃ放在頭,
機會大很多。
講就容易,依家自行都煩死了,唉.....

cindychu

樓主的朋友好大可能估錯Banding , 如果學校資料開放,  可根據過往派band1的人數來推測,  老師都會提點, 讀精英班都唔一定係band 1，有啲學校得幾個band 1生,要睇學校水評及上屆學生在中一學前測驗成積, 而呢個評分每兩年一次, 學生有banding , 分别係全港和本區, 最好當然兩個都是band 1

odelia_ho

回復 fion6406 的帖子

其實SSP區那間band 1B 並不是我們的志願, 只是礙於小學本區, 冇得揀, 只好填它, 正如樓上家長講, 區內學校並不是我們的心頭好. 情願揀一間中西區的band 1C 直資, 而且路程也可接受, 又因為我們相信環境和學校配套, 師資等, 都會好些, 所以, 會選直資而不選那津校, 又可以留返個學位比有志入讀的同學, 利人利己

fion6406

原帖由 odelia_ho 於 12-11-05 發表
回復 onepiece 的帖子

點解我會問, 因為我囝囝應該與你朋友的女兒同校, 舊年參加派位

好奇一問，點解派位派去了Band1B，仲要山長水遠去叩港島區Band 1C直資？

ohnono

onepiece 發表於 12-11-5 17:46
問題是瑪利諾神父是直屬學校，非保留位只有12個，而黃棣珊都係聯繫中學，非保留只有59個兩間相加都只有71個 ...

如果你咁樣睇，淨係計嗰兩間又話得71個位就好容易出事，人地有聯繫中學，咁嗰d band 1學生升上聯繫中學的，咪又係小左人跟你爭出面的位。
不如我地睇睇夠竟區內有幾多band 1生去爭幾多band 1位先。

全個深水埗上年共有約1300個band 1同學，區內6間英中連同香島提供的band 1學額大約有1千多個。加上他區唔湯唔水的band 1學額加埋都有75個。即是深水埗1300個band 1同學去爭約1100個band 1學額，情況還比將軍澳的同學好。當然還得考慮自行收生時有部份學生流出和流入深水埗的問題。如果以深水埗幾間band 1中學來說，能吸引外區的學生來的，恐怕只有上智和銘賢小部份的學額，但他們同時亦係深水埗區內同學的至愛。

另一方面，正如你話區內幾間名私小，我覺得同學會以區外一些傳統名校或一些地區名校為目標，這點是深水埗區較弱的一環，不是說上智不好，亦不是說銘賢不好，但相對那些有能力向皇仁、華仁、BPS、MCS、林護、荃官和一些直資如SPCC、DGS、DBS等挑戰的同學，深水埗根本留不到他們，他們的心早已離區遠去。

外面的吸引力大過區內，自然跨出的同學一定比跨入的小，於是，深水埗的band 1同學欲取得一band 1席位，風險係有，但並不高，相信亦並不太難，我自己都覺得算好穩陣，視乎家長的選校心態。但你話將德雅放第三位，我覺得是自己太早投降了！

onepiece

原帖由 ohnono 於 12-11-05 發表
你這個例子都比較奇特。
正如上面的家長話，如果是band 1頭，好大機會在直資或自行時已被取錄，因此我估應 ...

問題是瑪利諾神父是直屬學校，非保留位只有12個，而黃棣珊都係聯繫中學，非保留只有59個兩間相加都只有71個位，換句話説，女孩子如果首志願抽不到上智、聖母攻瑰，band1就只餘下這71個位。
另一點很易被忽略的是，深水埗是全港第二多私小的區，區內共有11間私小直資，所以學童數量其實不少。
如果抽深水埗，除知道其機會外，更要留意其風險。

odelia_ho

回復 onepiece 的帖子

點解我會問, 因為我囝囝應該與你朋友的女兒同校, 舊年參加派位
小兒是band 1頭, 派了第一志願 band 1中 (因shamshuipo 區沒有band 1A)
後來叩門一間港島區band 1C直資, 收左, 但最後入左一間九龍區band 1A直資
過程可說是峰迴路轉, 所以我會覺得, 有band 1頭成績, 只要不放棄, 是會有好多變數的

ohnono

onepiece 發表於 12-11-5 11:48
所知的是她派了第三志願的德雅，最後可否叩門成功就不得而知。但如果是心怡的，當初應有考，會入的可能已入 ...

你這個例子都比較奇特。
正如上面的家長話，如果是band 1頭，好大機會在直資或自行時已被取錄，因此我估應該是band 1中至尾，所以自行時搏得太高有一定困難。到叩門時，band 1中尾的同學競爭好大，揀得太差不如留在德雅。

第二就係點解要咁快填德雅。深水埗除了上智、聖母玫瑰，你還可填黃隸珊和瑪利諾神父。如果你留意到深水埗三個組別的學額都幾平均，所以band 1同學唔需要太早填band 2學校。你太早填德雅，神仙都難救。

onepiece

原帖由 odelia_ho 於 12-11-05 發表
回復 onepiece 的帖子

如果是Band 1頭, 派位雖然冇運, 但應該有好多直資會收, 結果她去了哪間? ...

所知的是她派了第三志願的德雅，最後可否叩門成功就不得而知。但如果是心怡的，當初應有考，會入的可能已入了而未必會玩大抽獎。所以抽得差，最後結果點就好差講。當然我都覺得band1頭成績要叩到間band1尾學校應該都得掛，但如果孩子成績是band1中或尾，那就更麻煩了。

所以選區和揀志願都要小心D。

odelia_ho

回復 onepiece 的帖子

如果是Band 1頭, 派位雖然冇運, 但應該有好多直資會收, 結果她去了哪間?

yuyumon

bb123321 發表於 12-11-5 09:15
凈係依靠某方面的意見好危險，一定要多硏究多問唔同的人呀！

THX! 會多d上黎問問