IN左第一間已自知無癮 =.= 入黎呻下啦

cat8141210

上星期六IN左第一間,
一入去我個女狂痴住我,
老師問佢野十問九唔應,
已經覺得凶多吉少,
好在老師問我野我都仲可以對答如流,
但個POINT係...家下唔係我考幼稚園呀=.=
大家開始INTERVIEW未?
希望你地成功啦,
唔好好似我咁就好了...

siupingc

回復 Lovely_Babybaby 的帖子

其實考唔考到幼稚園都無所謂，只希望佢唔好咁怕羞，開開心心上學已好安慰！

cat8141210

may0928 發表於 12-11-6 13:13
回復 cat8141210 的帖子

你 in 邊間呀

報了7間,
KV,神召,聖母 - IN左
又一村 - 放棄左
創價 - 打算放棄
培正,培道 - 打算去參觀下~

cat8141210

cclemon2009 發表於 12-11-6 12:59
Cat
原來你冇讀方方？

CCLEMON~
我最後都冇入方方呀...
我同我老公都係一個好鍾意"逆思考"既人,
人地初初會話我地"博一鋪"...
我知呢度好少人講我阿女家下讀緊果間幼稚園,
我都會選擇試既原因係因為我真係上網同SITE VISIT過呢間幼稚園再四圍打聽,
打聽就知得唔多架啦...
結果我家下試左,
就可以好肯定咁話比大家聽我覺得好好~
其實可以細心D睇,
方方的校長邊女士,
正是現在阿女讀既幼稚園的校監,
之後我再去GOOGLE看看邊女士的資料,
其實邊女士都係一位有學識的書香世代,
咁我覺得讀伯特利or方方其實都係一樣...
同埋諗下K1有學劵,
學費都只係幾十蚊一個月,
我想比個女出去學下興趣班,
咁我會鬆動D,
長遠來說是好事~

cat8141210

hastalavista 發表於 12-11-6 12:55
KV, KM, SC 呢一D 咁多人爭既,
收到當BONUS, 唔收都係正常啦!...

你講的3間,
我只報了KV,
仲要係親人日鵝夜鵝我先應酬式報下...(因為好煩)
其實知道自己個女既情況都冇打算會入到,
祝大家入到好幼稚園~~

cat8141210

hastalavista 發表於 12-11-6 12:52
果日去對面交表, 我都有留意你囡囡間學校啊! 都不錯丫

我自己覺得係好好的,
因為好明顯咁發現阿女在進步中~
但可能係佢自己既問題,
當然冇其他小朋友進步我咁快吧(在家長會時家長口中得知的)
我覺得阿女的幼稚園教得好好,
老師好有交帶好有愛心,
ee又有愛心又好人,
校長又夠強!(即係佢唔會縱容無理既怪獸家長同埋港童)
聽家長會時,
老師share平時小朋友係學校做乜果陣,
老師有提及校長係隨時會入課室seek堂,
我覺得校長好caring學生,
真係完全覺得入左呢間幼稚園係冇錯!
黎緊我肚入面既小朋友都打算比佢入返呢間~!
我本來有報左創價去玩下,(因為朋友話學校好大好靚,所以我就打算比$30入去睇下參觀下)
昨晚決定唔去了,
學校環境好唔好係冇用,
小朋友夾唔夾個環境都好緊要,
所以我放棄創價了~
黎緊等緊培正同培道in...(我明知係得個去字,因為我係炮灰黨!)
就收工休息了,
大家要努力加油呀~~

PS.好開心見到大家由談幼兒園升呢到談幼稚園傾計~

KisonYip

我報咗13間，但依家都只係打算in 6間啦，因為都有幼稚園收咗，最緊要近屋企可以成日湊個女返學，第一間既時候我都好緊張，個女自己入去，好彩佢無喊，到之後個間係playground玩到唔停手，真係要想辦法叫佢唔玩去interview，所以家長最好諗定辦法又要佢熟習環境又要到叫你名時哄到你小朋友去見老師，因為一喊都唔好預人地會收你啦，啱啱見第4間成缸糖放旁邊，真係好彩我個女睇唔出係糖，唔係未面試就做出令人唔收既行為啦，所以我去之前會同個女講去玩，要大聲講自己名，講早晨講謝謝咁先有得玩，另外就係玩到癲就話裡面仲好玩帶佢去面試，走個陣就話去外面玩，咁就唔會係裡面做出令人頭痕既行為啦！

may0928

回復 cat8141210 的帖子

你 in 邊間呀

cclemon2009

Cat
原來你冇讀方方？

hastalavista

cat8141210 發表於 12-11-6 11:10
冇呀...
我個女到家下in左3間,
得1間我覺得好少少,

KV, KM, SC 呢一D 咁多人爭既,
收到當BONUS, 唔收都係正常啦!...

有一間認為不錯的學校收小朋友, 都要好感恩了!

hastalavista

cat8141210 發表於 12-11-6 11:29
當然可以講~~~!
我成日都係EK講架啦,,,
我個女讀緊九龍城伯特利幼稚園~

果日去對面交表, 我都有留意你囡囡間學校啊! 都不錯丫

cat8141210

CHIHIMNAM 發表於 12-11-6 11:22
Hihi,

你女女晌邊間PN? 可以講嗎?

當然可以講~~~!
我成日都係EK講架啦,,,
我個女讀緊九龍城伯特利幼稚園~

CHIHIMNAM

cat8141210 發表於 12-11-6 11:10
冇呀...
我個女到家下in左3間,
得1間我覺得好少少,

Hihi,

你女女晌邊間PN? 可以講嗎?

cat8141210

yslgirl 發表於 12-11-6 10:47
係呀係呀, 第二間老師很親切, 先同阿囡介紹佢自己係邊個!

冇呀...
我個女到家下in左3間,
得1間我覺得好少少,
因為最少佢肯玩,
但都係唔講自己叫咩名同幾歲!
另外報告一下,
聖母已經冇機會...
仲有間KV已in左,
但看來機會渺茫,
我都唔想諗了...
讀返家下呢間就已經好好,
做人應該學識感恩...

yslgirl

係呀係呀, 第二間老師很親切, 先同阿囡介紹佢自己係邊個!

hastalavista

yslgirl 發表於 12-11-6 10:26
小朋友發展有一定cycle, 撞岩佢玩野/怕醜時要interview就慘啦!  我個女上年in pn, in第一間時佢1歲4個月,  ...

有時都要睇老師功力!
阿女去INTERVIEW, 我俾佢80分~好叻架啦!
雖然出面好多要求120分!
開開心心, 除緣啦!

yslgirl

小朋友發展有一定cycle, 撞岩佢玩野/怕醜時要interview就慘啦!  我個女上年in pn, in第一間時佢1歲4個月, 未識玩野, 有做task, 收!  咁我見有學校收, 就只揀一d勁出名既先in, 點知佢貢早已經踏入terrible 2, 唔做, 專登亂指, 結果當然拜拜.

e+in k1, 第一間仍然係完全唔做, 我點"乙水"都無反應, 我灰到呢......真係唔想再面對呢d場面, 不過我都夾硬搵d野讚下佢lor.  

點知in第二, 第三間佢忽然變左第二個人一樣, 我入到去真係seat back & relax, 佢自己同老師攪點晒, 有問有答, 我感動到呢......簡直當佢好似大學畢業一樣!  無論結果點都好, 我已經非常感恩!

不過想話比大家知, 第一與第二及第三個interview只係差左3日咋, 所以......希望在人間, 唔洗灰住, 可能小孩自己會選擇佢地喜歡既!

Lovely_Babybaby

siupingc 發表於 12-11-5 22:57
我女in N班時我無擔心過，因為佢好早識講嘢，歲半都開始識唱歌，發音仲好清晰,當時面試時連啲家長都成日讚 ...

我囝返左兩個月,係呢2星期先開始搭校車無喊,
朝早換校服可以順順利利咋.
之前喊晒話唔著校服唔搭校車.

siupingc

我女in N班時我無擔心過，因為佢好早識講嘢，歲半都開始識唱歌，發音仲好清晰,當時面試時連啲家長都成日讚佢講嘢好叻，上年選咗幾間區內幼兒園都成功取錄！但到了今年in K情況唔同晒，因為小朋友好多都講得好好喇，最致命係佢呢幾個月忽然變得好怕羞，仲要係最怕羞那個，只in咗1間,大家圍埋聽故事佢都驚到攬住我喊！最慘9月開學到依家佢早上返學仲會喊，一開眼就話佢唔返學喺屋企都成日講學校啲嘢，仲學識好多歌，又好開心提起好多同學同老師，攪到我都唔知學校啱唔啱佢，但情況咁想轉都不易！

cclemon2009

Cat
有進步已經好好，繼續努力，通常一間會比一間好，加油！