讀兩間幼稚園的極端例子

fruitfulsnoopy

成日都聽到有人讀兩間幼稚園而被人閙.對於我,如果小朋友係讀一間local學校想學好d英文而讀另一間int'l學校,我本身不太反對.但自己不會咁對自己的小朋友,因為覺得真係太辛苦,時間好趕,日日好像活在壓力中.不過好多人都講過,自己的小朋友不同,好有體力.所以雖然我自己不會咁做,但也不太反對別人咁做.

不過有d例子我自己就有少少反感.例如讀兩間好谷好近似的學校(eg:km加kv),又何必呢?

大家有冇聽過或知道其他好極端的例子,分享下.同埋如果知道家長的解釋可唔可以分都分享埋,我真係好想知道大家的原因.謝謝!

a328

yes i know working mom say do not want the kid to face the maid the whole afternoon

LL222

Iamfive 發表於 12-10-5 13:29
我知有小朋友cckg+km, 小朋友肥肥地，好叻好乖。

另一個sc+km, 小朋友好瘦&好“掹掙“。

點解個個都揾km做胆?

happyshopaholic

只可说一句: 小朋友真辛苦！

hastalavista

日頭送石油氣, 夜晚返便利店.....

teambuilder

睇下你點安排架o者, d家長都係想子女好, 唔通想害佢地咩.

JC_mami

我相信有這個返兩間幼稚園想法的媽媽，一定是在職。
以我是一個全職媽媽，眼見阿仔返三句鐘學已很疲倦，
我那會忍心讓他返兩間幼稚園。
雖然我老公都有這個提議，不過已經給我堅決反對，
其實有時間不如多讓小朋友到公園跑跑，
舒展身心，大肌肉發展得好，對頭腦都會有幫助。

oooasis

我以前都覺得返兩間好殘忍。
但現在諗下，如果一間係超級心儀的學校，一間就係龍校有小學直升。
做父母都好難取捨。
另外我最擔心就係返學後不幸遇到一個唔好的老師，子女返的極度唔開心。
如果返兩間的家長仲有的揀退學。
如果返一間，退學之後根本揾唔到其他學位，局住要返。
當然，我始終都係認為返兩間好辛苦，但我開始理解佢地的心情。

matsushima

cattz288 發表於 12-9-21 15:21
太辛苦了!

happy.rita

原帖由 宦官 於 12-11-15 發表

可以喺公廁換衫已經算好，有好多係其他人面前換。我平日帶BB返playgroup, 中午12點幾都見到有兩個小朋友（K2、K3左右）被工人在當眾除衫、被餵飯，兩個小朋友係目無表情。咁大個小女孩應該知道當眾唔著衫係好醜嘛？好可憐

kaitathk

即係掉轉到諗 小朋友叫你日頭返政府工 夜晚揸的士 目的係去消費 咁你又會點諗？

ashleycece

好簡單，如果個你呀爸呀媽同你講，你賺錢唔夠多，叫你打多份工可以嗎？你會點？你可以滿足佢地嗎？

Lingfung813

香港地真係太多＂怪獸家長＂了！苦了小孩子

angelaywtang

我見到樓下個小朋友k1都係讀二間，佢話好鍾意。我覺得佢真係我見過算好叻嘎，social能力好強！

Freshment

就係因為多左家長要俾小朋友返2 間幼稚園，hold 住晒D 學位，搞到幼稚園學額越來越緊張。去年我就分別識2 個人各自報超過20 間幼稚園 (當中有名幼、有屋村幼稚園)，最後2 個都係得1 間收。以前真係唔會咁誇張。

yk2

其實只要諗諗，若果你每天返完半日工，再於一小時內完成食飯、換衫兼撘車，趕頭趕命再到返另一間公司返下午，好喇，放工返屋企後未完㗎，係要帶埋兩間公司的工作回家継續做，未完㗎，重要有時溫習兩間默書、測驗、考試，問你死得未？！但佢哋係三至六歲人仔，休息時間係起碼係要12、13小時！簡直唔係人所為，還說父母 ？

花仔媽咪

我個女都有好多同學讀兩間，但亦有一批家長因為k2讀下午，所以一至五早上1100去補習社補一個鐘，之後食完飯，一大批鴨仔返學，到k3返上午，就食完飯上補習社補一個鐘！雖然係好辛苦，但相對他們的成績又真係好好！亦唔知係咪咁佢地考小學都很不錯！我就頂唔順，都係去兩日！

siubear718

回復 stepyau 的帖子

I agree. Especially for those who live far far away and has no tutorial centers around, going to two kindergartens who are close by might be easier than going back home first and then travel all the way back to the tutorial center and then go back home again.

stepyau

有這樣的想法是因為有朋友每天都安排小朋友上興趣班，計上交通時間，起碼2個半到3個鐘，這跟上兩間幼稚園有分別嗎？唯一不同就是師生比例少D，學習應該好D，但又有機會貴D囉。