請問各位父母的子女升中後有沒有要求出手機呢?

stanleypyk

我小兒近日要求升中後買手機,還要較新的款式,不是單純通話用途,他說看到其他同年齡的學生也有,例如iphone等等。我本來覺得求學期間如有多功能的手機,很容易經WiFi上網瀏覽網頁,甚至下載遊戲,很容易在公眾場所上網,流連忘返,如果出機,我會要求不提供數據通話計劃,不可下載遊戲,但我不知這要求是否有用處,不知各位父母是否容許子女升中後可擁有手機,及如何監控其用途呢?

Meikin

而家這一代真的很聰明, 佢哋對手機/電腦等東西上手快到不得了, 如果能夠把花在這方面的十分一精神, 放番在學業或自理上, 各位阿媽阿爸應該唔會咁勞氣.

cheerfulmom

我想講, 就算唔出個data plan比佢地, 佢地都有辦法上到網, 而家周圍都有wifi, 佢地上網話咁易。 佢地讀書就唔叻, 但對手機呢家嘢就好有心機研究, 我比部三叔ace呀女, 個memory唔大, 佢可以叻到root了部機, 改埋ram, 真係可以去電腦城做part time。我問佢點識, 佢話上網d討論區教

baoying

用左智能機後，個女喜歡上網，好夜都係度上緊，話下就收一下，轉頭又上過，話到我無氣啦，好在學習成績一直幾好，唔明白個女係老師心目中甘好，係屋企甘唔聽話，好在個大仔今個假期番屋企，幫助我教下，e+無甘離普，重幫手做下家務。

itstrue

我個仔上年中二都係用部只可打出打入嘅電話，佢無要求用smart phone，我有電子辭典比佢，好方便。到暑假，因為部電話開始無故無電，要換過一部，但他說不用買咁貴的，啲同學都經常唔見或弄壞手機。最後買咗部平平地嘅三叔，不過仲係用緊電話儲值咭。

Meikin

回復 phylli 的帖子

Yes, the point is "Self-control"!!  但知易行難.

同意孩子們若要上網總有他們的方法, 突然令我記起一件事.....小時候父母不準我們姐弟們放學後看電視, 但我們總是偷偷看卡通片, 他們用盡方法, 即使是把電視的電線收起來, 我們總有辦法找到或用其他電線駁到, 偷看完又放用原位, 以為神不死鬼不覺.  終於有一次因爭轉不同台, 不斷按電視制, 電視"boo"一聲, 壞咗並冒出很多黑煙, 我們開窗散晒D煙, 並用晒媽咪隻名牌香水嘖到個廳香嘖嘖.....當然最終事敗, 父母沒打, 但丟咗部電視後一直不肯再買, 所以小六至差不多整個中學我都沒電視看, 但好處是可以專心做其他事, 不用心思思想看電視.  

phylli

HI, 各位：

我也在八月尾才出了部自智能手機予小女，平平的PLAN，可以上網，但一直也灌輸小女不要沉迷，否則，影響學業。她也看見很多同學在小學成績下滑，我曾經也想出不少方法禦防，最後，我也認同 Self control ，比其他方法好，小朋友總有方法去解碼，去買個條 Cable ，mouse，甚至 Modem，總有他們的方法去做。不過，如成績不好，即時用回以前的打出打入電話。

kilykilyk

hw1115 發表於 12-8-29 13:17
我搭車都係聽歌多, 我用 KK BOX, 但是聽聽吓唔可以聽晒全首歌既 ?

如果短途車我會合埋眼養神...

hw1115

kilykilyk 發表於 12-8-29 11:40
非必要我都唔會用手機上網,我搭車多數聽歌,因為唔想雙眼成日對住個mon,
對雙眼同手都唔健康..
...

我搭車都係聽歌多, 我用 KK BOX, 但是聽聽吓唔可以聽晒全首歌既 ?

kilykilyk

hw1115 發表於 12-8-29 11:25
應該係全世界有手機的人, 對手機都很沈迷, 係港鐵車箱內的人, 個個都係 "金手指".  ...

非必要我都唔會用手機上網,我搭車多數聽歌,因為唔想雙眼成日對住個mon,
對雙眼同手都唔健康..

hw1115

Meikin 發表於 12-8-29 10:31
回復 hw1115 的帖子

我都係返5.5天.

應該係全世界有手機的人, 對手機都很沈迷, 係港鐵車箱內的人, 個個都係 "金手指".

Meikin

回復 hw1115 的帖子

我都係返5.5天.

澳門行, 都幾enjoy, 主要隌父母, 而弟妹一家人都有去, 我兩個仔同兩個表兄弟玩到癲晒 -- 泳池水戰, 房間玩啤, 當然重有他們的最愛 -- 玩手機!  我發覺似乎所有男仔 (甚至男人)對手機都幾沈迷.  

Meikin

回復 stanleypyk 的帖子

我都想呀, 如果你找到這類軟件, 記得通知聲喎.阿仔部機set晒password, 想睇吓佢whatsapp 邊個都唔得.
有時佢download得太多apps, D apps會自己開, 又或者會pop些廣告出來.
我比較擔心佢可以在有wifi的地方上youtube, 看了"不適合"的三級東西.....

Meikin

回復 hw1115 的帖子

過了澳門兩天, 公司超忙, 而家至有時間入EK.星期六要返工, 所以趁開工前入來chat 下.

Snakemama

五年班已出。依家佢心思思想用智能，我唔俾。

LML

很難說，買和唔買都沒有絕對的對與錯。怕他學壞，也可在同學手機睇到，裝軟件，他大一些又可以破解。都是正常教小朋友便可以。很奇怪的您越不俾小朋友，他們便越想要。

chiu0128mama

回復 like_travel 的帖子

stanleypyk

其實大家有沒有找到一些可監控子女使用智能手機的軟件, 因為當子女要求買手機的時候, 通常口口聲聲可跟規矩使用, 但當父母不在場的時候又另一回事, 就算不出數據plan, 他們仍有可能到圖書館或其他有提供wifi的場所使用, 無形中鼓勵他們流連公共場所, 更易學壞。本人使用desktop電腦已有很好的監控軟件去控制子女上網的時間和用途,但手機方面的監控軟件真是很容易被子女自行破解,所以很難監控其用途。

curryson

因為小學已自己搭車返學,所以俾咗手機,不過係普通手機.
今年升中一,之前應承佢入到第一自願就買部"三叔" 俾佢,
不過佢自己睇咗價錢後又話遲d先.

kilykilyk

stanleypyk 發表於 12-8-24 20:44
我小兒近日要求升中後買手機,還要較新的款式,不是單純通話用途,他說看到其他同年齡的學生也有,例如iphone等 ...

六年班就比手機佢用,用到現在升中二,但部手機只可以打出打入..