為上主流K2作準備...

01shirley

小兒現在4歲3個月,
上年讀了一年S位,
下個月預備上主流K2了!
之前主流K 安排了三堂ORIENTATION 給新生,
我仔只是勉強跟到.....!!!
(即係要我係則邊不停提佢坐好, 望住老師, 手擺後面等等)
對於佢上主流, 呢幾個月我都極度擔心....
真係好驚佢跟唔上!
幾個月前我不停同佢操小肌認知語言
如 "寫線條, 扣鈕, 剪紙, 認知, 講故事" 等等,
最近佢多左野講, 亦會留心我講野的內容!
之前因為擔心佢跟唔上, 所以報了很多私人訓練,
現在STEP 有位了, 是星期六上的3T, 要8百幾9百蚊一堂!
上網SEARCH 過下發現呢間好commercial,
我諗緊是否要再為個仔加強3T, 定係自己train佢呢,
我應該由邊方面著手幫個仔適應主流k2?
大家可否比d 意見我？thx thx!!

01shirley

回復 Capricorn2521 的帖子

其實又未必係LABEL 既,
只係多一點了解仔的行為問題及原因,
因為我之前對ADHD 係一無所知的...
我印象中的過度活躍就是坐唔定周圍走,
而我仔正是這種好動的小孩,
當時我仲諗, 如果係ADHD , 即係都仲可以食葯減低徵狀,
有葯可解決這種不能自控的行為問題...
配合適當的訓練, 情況仍然樂觀！

BKVIP

Capricorn2521 發表於 12-8-22 11:25
回復 BKVIP 的帖子

係呀，真係一場持久耐性的挑戰。你都好呀，有個細仔同大仔互相牽引吓。

你都知你個仔似你老公，但我真係唔知個仔似邊個... 可能似我多D掛，我開始懷疑自己有少少自閉

Capricorn2521

回復 01shirley 的帖子

我冇問，其實係同吾係都係一個LABEL，我吾太著意。我只想學習當中的處理行為問題的方法，去解決自己孩子的問題。除非要食藥，又或者好影響學習，否則，沒有必要由別人告訴我孩子有什麼LABEL。如果我用處理ADHD的管教方法能處理好/減少我孩子的行為問題，不是比1-2年後確診後才處理好嗎?

一路以來我都有同S位老師時不時傾亞仔嘅不足之處，佢主要都係話亞仔嘅行為問題，其他野都追得幾好。

我身邊朋友/親人都有幾個ADHD個案。當中，我個仔個細表哥，升小三，比我個仔定，因為抄寫慢，常比老師罰，佢亞媽懷疑佢讀寫問題，去評估，希望老師諒解佢嘅問題。但評估結果係專注力弱，因為個全名係『專注力不足及過度活躍症』，所以報告係話佢ADHD，但不用食藥。所以，我覺得呢D LABEL 只係工具。

01shirley

其實你地有無問過老師仔仔係咪ADHD,
因為我仔係S 位時,
我都會不時問下班主任阿仔仲會唔會中埋其他野, 如ADHD
但老師就好快話我仔唔係,
話ADHD 的仔係手不停搞野, 或/及腳不停搵野踢, 或/及不停口,
郁身郁勢個隻... 咁我仔touchwood 暫時仲未有!
現在有位的是3T, 但我想等開學聽埋I 位老師比意見再決定,
定係補下私人ST/PST/專注社交/正常興趣班,
我現在都未搵到清晰的方向!

Capricorn2521

回復 BKVIP 的帖子

係呀，真係一場持久耐性的挑戰。你都好呀，有個細仔同大仔互相牽引吓。

有時，我同D朋友傾計，講我點樣管教我個仔，個個朋友連我自己亞媽都讚我有心機同有耐性。冇辦法，人生總要面對各種困難！

其實我個仔D性格真係好似我老公，我對咗個老公咁多年，心中有數呢個仔係點。

我依家開始睇D關於ADHD嘅書。

大家一起加油！

BKVIP

01shirley 發表於 12-8-21 15:42
回復 Capricorn2521 的帖子

你仔情況好過我仔好多啊!!

shirley 你同仔仔都要加油啊！我知道由s轉i 的決定不易，當中內心的掙扎及恐懼....

既然已決定這樣走，就要做好心理準備。除了i 位要跟貼d，外援不可少，如經濟許可，俾佢試下sat吧。我都有排sat，但仲未到，雖然剛派到s 位，但如果sat有位我星期六都會俾阿仔去試的。

另s位剛開學，已經有請專家到中心舉辦音樂治療，我都有幫阿仔報名，希望開得成班。

BKVIP

Capricorn2521 發表於 12-8-21 17:06
回復 01shirley 的帖子

不用比較，我個仔大你個仔成一年，9月升K3 啦。

Capricorn 你講d徵狀好似我個仔 其實我都有懷疑佢係咪有adhd。

佢把口又係無時停，唔係講嘢就唱歌，真係要等佢瞓覺先耳根清靜 成日又係郁身郁勢，食飯都要係咁提住佢坐底，無一陣又企起身，食個飯都搞成半個鐘有多，仲要我餵，細佬1.5歲已經自己食飯啦。但在學校佢又坐得好定，在家對住我做訓練就遊雲，對住佢簡直係挑戰我耐性+容忍力

Capricorn2521

回復 01shirley 的帖子

不用比較，我個仔大你個仔成一年，9月升K3 啦。

我個仔把口冇停
個身成日郁來郁去
叫佢收拾要睇住佢做
做完一樣野，要問佢：跟住做乜呀? 否則，會飛咗去玩.....
叫佢等一陣.....就係咁同你講數，討價還價
冇手尾
要去的地方(如遊戲室) FULL咗，佢冇得玩就發脾氣，我要同佢離開現場，同佢訓話
上堂老師話佢成日好快就講答案，叫佢比D機會其他同學，佢都係咁
上堂都係周身郁
.............

01shirley

回復 Capricorn2521 的帖子

你仔情況好過我仔好多啊!!
起碼佢專注, 社交都好OK!!!羨慕!~_~
如果我仔有一日可以正常地同人玩,
我諗我真係會開心到喊!!!
BTW, 我想問你仔有咩ADHD 徵狀？行為上點衝動法？

Capricorn2521

回復 01shirley 的帖子

原來係咁，我個情況同你都有D似，我地都係S轉I，4-5月打電話去STEP排SAT，呢個班主要train社交同專注，到依家仲未有位。不過，我依家都吾想要啦。因為5月收到導師意見話亞仔專注力吾太差，反而係較衝動，叫我報d ADHD嘅班比佢。剛剛開始上嘅暑假班嘅老師話佢比上年暑假醒咗好多(上年上堂係發夢)，但要繼續提昇理解力，叫我同I位老師/ST 跟進。而且，近來帶個仔去公園/遊戲室玩，佢都好主動，仲識倒新朋友仔，一齊玩咗1-2個鐘，我真係好開心。不過，都係擔心.....我個仔依家樣樣有D，總之似ADHD......學你話齋，真係要同I位老師傾傾個訓練方向。

01shirley

就係好矛盾咯! 我覺得自己有d 項目都train 到,
如小肌、認智、語言, 但係無一個系統性的方向,
我只係跟佢的書本去教佢ONLY
最教唔到佢反而係社交同埋專注....
但STEP的3T 是否train 到社交同專注!!?
我又唔肯定....
定係我應該比佢試下上d 正常既興趣班, 如攀石等,
去訓練佢專注呢？苦惱!!
現在唯有諗住等9月開學同i 位老師再傾下佢應該加強邊方面！

Capricorn2521

既然排咗、等咗咁耐都係target呢個班,點解吾試吓呢? 一期好似係4堂，用1-2期時間去感受吓。

就算吾OK,你都要諗plan B。

crystal媽咪

回復 01shirley 的帖子

之前睇過其他人的post, 都有講過關於step. 好壞參半, 我認為最重要係睇治療師同小朋友夾唔夾,
如果唔夾, 佢學歷幾叻都無用, 另外, 無得補堂係商業左d.
不如咁諗, 3t 當中你自己邊方面掌握得好d, 咁那方面就試下唔上step, 你自己睇書 / 上網 / 上course
鑽研, 慳返d錢之餘, 可以試下小朋友的情況.  因為好多爸媽好關注小朋友, 要比數千元上密集式的堂
都要等半年至有位, 到時坐著等只怕拖慢小朋友的進度.

01shirley

回復 crystal媽咪 的帖子

好矛盾!!!
排左好耐, 唔捨得放棄!!
除左覺得佢貴,
仲覺得間機構好不近人情,
佢話上四堂唔比請假, 就算病假都無得補!!!! ~_~
如果小朋友真係病上唔到堂, 就白白無左8舊水!
但有無人上過效果如何呢？

01shirley

回復 yauman76 的帖子

其實我覺得你可以照排S 位先,
私人S 位你剛開始,
小朋友的進度還是未知之數,
過了半年你可以向私人S 位的老師及3T跟進兒子進度,
再決定是否要轉I 或E位!
我地原本係諗住比仔讀2年s 位的,
過了上學期班主任建議我地試下出i 位我地先轉的！
但記得出年3月之前你要決定 S, I or E,
因為派位好似在4月進行, 大約3月會截晒所有改動！

crystal媽咪

上3t真係好貴, 不過如果你自己或朋友好熟小朋友的發展, 如: 言語 / 小肌肉 / 練習大肌肉的活動, 咁都可以自己教.

yauman76

有嘢想請教各位, 我囝囝現時排緊政府S位&E位, 預計仲要排多一年, 現在啱啱開始讀私人S位, 希望一年後可以入番主流K1, 保險d我係咪應該將排E位轉排番I位? (即係排S位&I位), 咁樣又得唔得呢?

01shirley

我仔是S 位轉 I 位的!
理論上是一定要收的,
實際上是佢IN 完你再決定是否收你!
我地前後IN 了兩次,
咁呢間I 位最終都有收我仔....
不過我揀呢間I 位事前亦做了不少功夫,
我先鎖定幾間屋企附近的I 位,
再逐間打去問他們的I 位服務及流程,
我都會問埋I 位老師的工作是否focus on 個六位小朋友,
定係還要兼任帶班的工作等等....
我亦會將個仔的情況同呢d 兼收老師傾下,
佢地的回應你大概可以觀察到老師的愛心, 專業是否與你期望一致。