氣炸！果然德育比語言能力重要！！

flopsybunnies

今早帶女兒坐巴士上學。由於人多，有兩位小朋友(約五歲和七歲)由母親帶著沒位子坐，弟弟一直時中時英地吵著雙腳很累要坐，哥哥也是一臉不爽。當我還在想如何讓一個位給弟弟(我也拿著三大袋東西)，小女輕聲哼歌仔，哥哥即時拋出一句：｢咪嘈呀！｣ 我頓時停下讓位的思緒望了一下哥哥，他的母親也立即打完場說幾句客套話。小女不知情況繼續輕哼幾句 (真係唔大聲的，一定比平時在車上講電話的人細聲，平時小女大聲吵到別人我都會即時提醒佢)，之後那個怨聲連連的弟弟突然說：｢收聲啦！｣嘩！！氣炸的我怒目盯著那無禮貌的小孩，他竟也是不怕地繼續碎碎唸，說我只聽得明中文聽唔明英文之類，一派目中無人的樣子！！ 我一直唔出聲係因為不想和小孩子計較，直到因為那句｢收聲啦｣真的太過份才作反應，這便被視為聽不明英文，可見那兩子必是家中霸王！
說得滿口流利英語但卻是粗言和侮辱別人的說話，簡直可悲！

因此選校時為小女選的都是著重德育的學校，這個方針果然是對的！

迷你大人

如果好上邊的巴士兄弟仔咁樣，我會叫佢地老逗買起架巴士先，公共設施大家都有權用，都吾系私家車

flopsybunnies

回復 Sumyeema1 的帖子

家長勿氣！勿氣！

此主題重點為培育下一代時會以哪方面為先，有人選兩文三語，有人選德育， 有人選藝術、音樂、運動等等等等。於我而言我會選德育為重心吧。

講講吓就變了學校或家長的拉鋸................


那位弟弟有穿校服，但我怕話題變成是那間學校的問題，所以開始時無提及。

lovelinda

原帖由 Sumyeema1 於 12-07-10 發表
下？ 可以說流利英文 = 家長重視語言能力？
有可能英文是他們的母語。

Hi，Sumyeema, just to say hi!

lovelinda

原帖由 flopsybunnies 於 12-07-09 發表
今早帶女兒坐巴士上學。由於人多，有兩位小朋友(約五歲和七歲)由母親帶著沒位子坐，弟弟一直時中時英地吵著 ...

我個人的目標十分清晰，之前我同阿女找K1時都堅持以德育為主，明白此之對人的重要性，很高興你可以加入我們的大家庭!

Sumyeema1

下？ 可以說流利英文 = 家長重視語言能力？
有可能英文是他們的母語。

中國人有句諺語：三歲定八十
小朋友的道德觀念要自小教起
家校合作最好
平時家長身教都重要

你講的事件，比較片面，你女兒唱歌，在你耳中是 [天籟之音]
但在公共交通工具上， 可能會影響到其他人

對方的小朋友沒有禮貌，你又從何知道他們的學校不重視德育？
他們有穿校服嗎？

flopsybunnies

和各位分享多一個朋友的經歷，蠻好笑的。

朋友到某幼稚園做半日替工，到了遊戲時間便站在活動區幫忙看顧。不久，朋友發現女孩A和B爭玩車仔(之前A已經玩了一會兒，行開後B便坐上車仔玩，跟住A立刻擠上車仔要推B落車) 朋友走上前說要分享、輪住玩，否則大家都玩唔到又可能會受傷等等。勸說了一輪後，A果然放手走開了。朋友這時沾沾自喜以為自己很有說服力。誰知A是跑去找班主任告狀，說朋友處事不公。笑死我

flopsybunnies

感激各位的分享

當時忍氣吞聲是因為我聽到那位媽媽有出言勸導兩位小孩，只是他們的霸王程度嚴重，忠言逆耳，難以勸喻吧！而且那兩位小霸王也得到了某程度的懲罰：原本我打算讓位給他們坐，但他們卻因為無禮貌令自己變相罰企！

而且最大考慮還是｢身教｣這個原則。如果當時發惡還口，我怕女兒只會｢見到｣我發惡而不明白｢為何｣會發惡。我不希望她以為發惡可以解決問題 (當然有D情況真係要用呢招)。到後來待他們下了車過了幾個站後，我才對女兒說：無禮貌的人會令人感到很討厭！


語言能力這方面我聽到媽媽和小孩們都相當字正腔圓，唔知係哪方面的造就了，然而沒有適當地運用實在可惜。

學校和家長也非萬能，所以最理想係雙方配合。學校的教育重心和時間分配總會有輕重，有的會分多點時間在學術方面，有的會强調多些德育培訓，更有些注重所謂的全人發展，各適其式。找到理念配合的學校可是雙方都事半功倍。

winnietingting

原帖由 airyaoi 於 12-07-10 發表
我覺得學校同家長身教同樣重要, 正如點解D人話要小朋友學好外語, 係要一個全面環境, 唔係每日兩個鐘搞得掂 ...

「因為老師要言而有信, 規矩定O左就要執行。要對其他同學公平, 要教個小朋友有責任感等等....
呢D就係老師重成績定重德育O既例子。」正！

airyaoi

我覺得學校同家長身教同樣重要, 正如點解D人話要小朋友學好外語, 係要一個全面環境, 唔係每日兩個鐘搞得掂。
家長響屋企固然係要教, 責無旁貸。
但學校配合係非常重要。如果家長教一套, 學校口講一套而其實老師同教職員實際處事以成績行先, 一樣係事倍功半。小朋友係好醒目O既, 會知你心底著重邊樣多D, 從而去試你底線。重德育O既學校唔係淨係堂上講O下, 係同小朋友相處, 平日處事都係用德育行先以身作則, 小朋友先會明白德育O既重要性。身教唔止係家長, 老師都要身教。等小朋友響屋企同學校都接受同一套價值觀先OK。尤其小朋友慢慢大, 學校同同學對佢O既影響會越來越大, 家校不一致, 小朋友會拎學校O個套大你。
我聽過朋友話, 學校老師(小學)講過話唔交某份功課要扣分, 我朋友特登唔去提個女, 等佢自己學O下獨立同對自己O既事負責任。點知阿女真係漏交, 但係老師為免影響小朋友O既成績, 最後無罰。返到去我朋友諗住乘機教O下個女, 要自己有責任感檢查好功課, 佢阿女寸返佢話: "車~ 老師都無扣我分!" 於是第二日我朋友去學校要求老師要扣阿女分, 因為老師要言而有信, 規矩定O左就要執行。要對其他同學公平, 要教個小朋友有責任感等等....
呢D就係老師重成績定重德育O既例子。

Sallyb1a

從來做父母都不容易呀...

大家加油啦.

winnietingting

可能我睇嘢比較負面，唔知有冇偏激咗。父母若不用心教小朋友品德，我覺得直頭是害了個小朋友。若小朋友大個學壞咗因父母縱容及沒有禁止佢小時候的一些差行為，父母應負大部份責任。

所以父母真不易為，比普通打一份工更要心機。

marcuscyrus

或者咁講，我並非否定學校在德育教育這方面的影響，但樓主這個case的情況，孩子的品德出問題，我相信不是"因為他選了一間重英文但不重德育的學校"，兩位孩子的母親，眼見自己的孩子作出如此行為仍沒有作出適當的教導，其實間接鼓勵這些行為變本加厲，所以我才作出"問題出於家長而並非學校"的推測，德育培訓得從小推行，學校/家長/朋輩都有一定的影響力

creamsicle

人有無品係社會文明既指標，所以德育永遠比個人學術重要。
比著我會用英文好有禮貌問個亞媽佢D仔成日自言自語係唔係有D咩問題，話聽唔明佢D仔講咩，係唔係對腳都唔方便，如果唔方便可以讓個位比佢D仔坐，再用英文教女要讓坐給有需要的人。佢D仔一定會話想坐，就睇個亞媽會唔會知衰叫你唔晒讓比個仔坐。亞媽唔知衰的話。。。面人地比假自己掉。
唔好幫人教仔，個亞媽可能鬧返你。
唔好勞氣鬧人，為D咁既人破壞你高貴大方型像唔值得！

GCG

絕對同意，又唔可以將德育推哂係家長到！如果咁簡單，全部幼稚園請幾個外籍人內地人香港人攪店哂兩問三語就得啦！求其搵d人係門口早晨byby就得啦。我覺得幼兒教育亦係高深另類教育，點樣另佢思考真諦。好似我以前小一時，學校班主任起碼花一半時間，不斷和我們討論對與錯，成日圍圈座講人生到理！無論做錯做對都不斷借機會訓示每一個小朋友，妳估而家學校有幾多個老師做到？而家好多幼稚園剩係標榜有幾多課外活動，一星期有幾多英文，有機多一條龍興趣班，呢d問題直得大家討論。

w_y

大家知唔知出名德育好的學校, 唔係講幾句教下小朋友要有禮咁簡單, 而係深層次咁由思想上薰陶學生要愛己愛人, 發自內心. 而且揀得呢類幼稚園的家長, 家庭教育對德育咁重視, 都唔會放任小朋友唔教, 所以校內朋輩都係純良友愛的多.

反而學術, 街外大把補習班幫到你.

GIPW

絶對同意.  無品學歷好叻都無用

marinang

老人家話"三歲定八十", 我覺得真係好啱, 小朋友就黎三歲, 我漸漸覺得她已經有自己的主意，如果唔趁早教好她, 恐怕之後越大越難改變

GCG

原帖由 marcuscyrus 於 12-07-09 發表
我認為問題出於家長而並非學校

另次又嘔心，個日去荃灣海濱公園玩，見兩個小朋友用氣熗射樹上雀仔，我向管理員投訴，個管理員當然走去訓示佢地，我老公仲話乜d大人放假都唔倍小朋友玩，咁樣無人教好容易學壞，點知我地回頭一看，當個管理員走開後，開頭遠處看熱鬧女人走埋去幫兩小朋友執野