黑心老師又一巨獻：視藝工作紙做得不夠理想要罰企三天

chuikm

小兒視藝科一向沒有天份，怎知今天回家才知道：黑心班主任兼視藝科老師，因為小兒視藝工作紙做得不夠理想，要罰企三天！！

上次已經有半班學生，因為中文默書不夠九十分和不合格，分別要罰企三日和五日。後來校方擺平了事件才無事。今次變本加厲，視藝科都要罰！變態！

不單如此，還在全班同學面前，跟小兒有以下對話：
「你有無俾阿爸阿媽睇過呀？」
「有。」
「咁佢地點講？」
「佢地無講乜野。」
「哦！原來你阿爸阿媽Ｄ要求都係咁低！」

哇！真係要講粗口！佢竟然嚮個細路面前，家長背後，批評個家長。簡直不知所謂，無資格做教書！

明天約了副校長、主任，跟這個黑心兼變態老師理論，一定「片鑊金」。

最後，請問各位大大，我可以寫信教育署投訴這個變態老師嗎？有無用？　

manmanchubb

回復 chuikm 的帖子

事情得到解決就好了, 不然一直打擊你小孩自信的話, 對他學習上有好深遠負面影響

視藝其實沒準則, 可以話好個人感觀...

gigi82008

dolala 發表於 12-6-7 13:23
根本香港家校咁多矛盾，一係家長要求過份不合作，一係學校小事化大野蠻對待學生，然後又互相指摘差學校怪獸 ...

認同！
所以，選學校要配合小朋友嘅需要，唔系人講好就好.個個小朋友都有唔同嘅性格....
樓主唔好勞氣，如果真系唔得，試下轉校，小朋友讀書唔開心，對學業都好大影響，得唔到認同及無自信，對小朋友來講很殘忍........

wsl05

大部分老師都會喜歡成績好和操行好的學生，加埋如果個學生家長合作(如管教得好)，我諗唔到一個理由個老師要罰你個仔，同埋玩你個仔。如果各位只聽一方面之詞，對個位老師和學校唔公平。如果我係個位老師，我會好唔開心，因為唔能夠解釋。

little_yolky

回復 talent2000 的帖子

但小學老師無禮貌就唔係咁好, 因為小朋友仲細, 無厘頭被鬧(仲鬧埋家長), 會影響老師形象的。我諗呢個係好有心谷學生0既老師, 但方法唔好, 樓主個仔考得全級第10名, 都係一個保障, 唔會咁易被針對到的。功課做得唔好, 可以俾低分, 但唔可以無禮貌同罰人企, 老師要以身作則。

winniebobo

回復 chuikm 的帖子

請問是那間??今年小朋友會在九龍灣就讀,本人想有個心理~~

wister

如果係我，在第一次出事時我會直接找個老師傾，到解決唔到先會找校方，我相信這是一種「尊重」。另外第二次事件我會同佢傾番唔係自己無跟或是兒子無認真做，只是盡了力也不過如是。然後會問老師有咩改善方法或意見，甚至要求對方即場示範一次他內心既理想標準，以便參考。

HugoRainbow

巴不得爸爸

如果校方跟進得妥妥當當,我相信是最好的解決方法.

chuikm

今日放學同佢地傾左喇！
一開頭，佢話佢實質講左Ｄ乜，都唔係好記得清楚。
結果傾左個幾鐘，校方最後都應承會認真處理。
我都好相信校方會跟進得妥妥當當的。

chuikm

其實最初都唔係我個仔講件事俾我聽，而係第Ｄ同學一見到我，就講我聽。係之後我再問番我個仔。而大家分別講Ｄ野完全一模一樣。咁即係Ｄ細佬唔係吹水、老屈個老師啦！

dad1234

樓主講到自已在現場一樣,不如了解多D先作決定啦.

greenling

太過份的老師.

喵媽

呢個老師勁衰 視藝呢d唔係努力就做得好, 無天份姐, 又唔係唔交功課!

杰杰媽媽

一定唔止你一個投訴ga啦,如果學校咁都唔做野,我會轉校

chuikm

我都好明白，所以先咁無奈！
不過，我絕對相信佢會公報私仇。不過我都相信校方眼睛係雪亮的，唔會俾佢亂黎！

chuikm

其實舊年年尾，因為Ｄ同學中文默書唔夠九十分要罰企三日；另外又屈Ｄ學生依樣個樣；同佢響電話傾到一半，就屈我，話我用老師的錯誤去抵銷學生的錯誤。
我地上次已經同校方傾過，諗住應該會改善。點知今次仲過份。