請問幾多歲先好食Ritalin呢?

shirleycnf

我仔仔今年9月就升小一lu. 佢已被診斷有adhd (主要係唔專心, 多嘴和旭身旭世, 不過在學校無同圍走/打人), . 油麻地診所個心理學家話衣家已可以比佢食藥. 但係佢才差不多6歲我好擔心副作用. 請問你們覺得幾多年級/幾時比仔仔食會好d呢? 謝謝幫忙

plt01

“請問幾多歲先好食Ritalin呢?”...可否介紹你的醫生給我的仔仔， 他五歲。 Thanks！！！

shirleycnf

回復 faye525 的帖子

多謝晒您呀,  很詳盡真係好好呀. 我仔仔實在太為食太肥啦, 佢到今日為止食左4日5MG RITALIN, 真係無效, 不過佢今日同上個星期4都話有D肚痛, 仲問我點解D藥令佢肚痛wor. 唉...好效果唔覺有, 副作用就講得出, 真係好頭痛.

我下次油麻地賽馬會診所覆診要8月中, 到時幼稚園開始放暑假, 跟住9月頭兩個星期係小一適應雙週只番半日+唔駛帶課本番學. 我只可以用星期6日同佢試藥自己觀察下佢. 我'林'要有排試藥啦. 真係好閉'蟻'.

faye525

回復 shirleycnf 的帖子

5MG係好超輕份量黎架咋~~
係俾小朋友適應所以一開始要俾咁輕

醫生係慢慢逐步逐步將D藥量加上去, 睇小朋友反應黎睇幾多藥量先岩~

所以你小朋友有65磅, 食5MG冇反應係好正常...

我小朋友得23KG, 食5MG都冇反應架~~

慢慢加上去呢D體重正常點都去到十幾廿MG先有力支持佢地做正經野囉

你唔怕我長氣, 我就講我小朋友既食藥經過你知: (怕長氣就SKIP左算)

我小朋友目前平時返學食一粒18MG CONCERTA, 放假就食一粒10MG RITALIN.

我記得初初我小朋友初初第一次食 RITALIN 10 MG, 第一日放學返到黎做功課已經由做三個鐘, 變成個半鐘....感動到我同C6想喊出黎....不過去到第三日就開始差返
於是一星期後覆診, 醫生就加藥每朝食四份三RITALIN 20MG..食左半個月
醫生想做功課情況再穩定D+俾小朋友私隱, 於是轉開CONCERTA 18MG, 朝早食一粒...
食左半年開始反覆, 到左平台期
於是平日返學照食 CONCERTA 18MG, 星期六日就食RITALIN 10 MG... 又好返小小...
跟住到復活節假, 醫生想睇下佢唔食藥會點, 於是復活假放藥假, 覆診時, 醫生發覺有小小打回原形, 所以再照返放假前既藥....
到而家暑假, 醫生跟復活節經驗, 決定唔可以停藥, 廢事我小朋友個人亂晒龍, 不過可以食返輕D, 當只係一個輔助, 就一至五食四分三粒 RITALIN 10MG, 星期六日放藥假囉~~
暫時OK呀~~

hoiyan

shirleycnf 發表於 12-7-27 14:04
我尋日终於的起心乾比我仔仔(6歲1個月)食第一日藥(早下5MG的RITALIN, 下午沒有吃, 因不用上要專心坐定定的 ...

我個仔最開頭都係食ritalin5mg,當時佢只有18.5kg,醫生曾經有講須要食一段時間先有反應.

shirleycnf

我尋日终於的起心乾比我仔仔(6歲1個月)食第一日藥(早下5MG的RITALIN, 下午沒有吃, 因不用上要專心坐定定的堂). 我今早問老師我仔尋日有無專心左, 但老師話都係同平時差不多.
請問這隻藥是否要食多幾日/一星期先會見效呢? 我仔仔有65LB都幾重,會唔會唔夠份量呢?   謝謝幫忙

shirleycnf

HEHE, 又係wor, 我肥我個仔3倍, 10mg真係唔夠.
醫生同我講5mg係好輕微唔會有mug副作用, 如果有真係有副作用接受唔到就停止到下次覆診(即個半月之後). 如果無mug效就繼續食到覆診. 我想問如果我覺得隻藥唔ok想快d覆診其實政府係唔係都唔比架?

Seep

我地個醫生話D藥對冇ADHD的小朋友冇用，唔會令佢地定D同叻D，唔知係咪真。

faye525

回復 shirleycnf 的帖子

傻婆!!
D藥計重量開架~~

你大人重小朋友咁多, 食10MG梗係唔覺得有咩唔同啦~~~

bbricky

shirleycnf 發表於 12-6-21 14:33
醫生終於開左Ritalin 比我仔仔, 一日一次(早上) 5mg 試藥. 我今日早上自己試下食10mg先. 但對我完全無幫助. ...

俾多少少時間再試下,我囝囝食左Ritalin現在效果不錯,不果有side effect(無胃口&失眠)

shirleycnf

醫生終於開左Ritalin 比我仔仔, 一日一次(早上) 5mg 試藥. 我今日早上自己試下食10mg先. 但對我完全無幫助. 食左好似無食咁. 好迷網

polly0503

html :你係咪仲有小朋友。

polly0503

我上網睇左D資料食真係好受控。

HTML

我個大女都有同樣的問題. 上堂時唔專心, 搞呢搞隆, 上緊堂去廁所玩水... 搞同學仔, 玩擦膠, 間尺, 我都好煩.. 好想死..
今年九月會第一次見精神科, 唔知係咪一定會食藥控制呢..

polly0503

我老公公司前排黎左個新同事,果個女仔D情況有好明顯的專注力不足結果2個月後被炒左,我老公一味係到講個女仔點點點其實D野同我個大女一樣我最擔心就係佢將來工作經常被人炒又無朋友.

shirleycnf

真係好漫長, 好辛苦, 好痛苦, 我有時想, 不如比我死左去算把啦.

faye525

回復 polly0503 的帖子

食藥唔係去醫好個病
食藥係令到佢地容易控制到自己~~~

所以係食左藥之後, 家長係有責任盡力教好佢地規矩, 等佢地將所有規矩變成日常生活習慣後, 簡單講, 叫習慣成自然, 咁就可以早D斷藥囉~~

如果諗住純食藥就叫醫~ 咁真係大錯特錯架~~~

家長一定要付出好多心力, 佢地先會學到是非黑白, 先知咩場合要做D乜野..先知咩叫控制情緒~~

醫生一早話左教佢地呢類小朋友, 係好辛苦, 過程都好漫長...

polly0503

想問下如果長期依賴藥物如不食會否使病情再差D。

Seep

Faye525
多謝回覆，可能我對佢要求太高，因為上次開始食藥效果好顯著，所以覺得可以持續，其實佢唔算好嚴重，未食藥前學習能力都唔差，食左更充分發揮。但佢考到幾幾好的直資，學校係愉快地傳統，所以想早D準備，唔想佢第一學期被標籤，打擊佢自信⋯你都啱，要隻眼開，隻眼閉！

faye525

回復 Seep 的帖子

我小朋友初初頭兩個月食RITALIN 20MG 四分三粒, 朝早食完早餐食一次唧.
跟住就轉食CONCERTA 18MG 一粒, 都係朝早食, 中間有兩個月開左開胃藥俾佢, 每次半粒

而家就都只係食CONCERTA 18MG一粒囉~~ 唔駛返學同做正經野果時, 醫生俾佢放藥假~~

至於你個CASE, 我覺得未讀小學, 除非行為真係好有影響, 唔係都唔駛食咁多藥, 同補藥....

上到小學先係真正既開始黎...

醫生有同我講過, 佢地既行為係會時好時壞, 例如上個星期好好, 今個星期曳左. 係好正常既~~

只要有KEEP返好, 醫生覺得都係控制範圍~~

同埋開邊隻藥, 開幾多份量, 係同歲數+體重有關...


你可以問下醫生意見先既~~~

不過我覺得如果未讀小學就咁快食足12個鐘藥, 小朋友真係病情唔輕, 行為完全影響到日常生活

因為醫生俾我小朋友食CONCERTA意思都係想佢KEEP到全日返學上堂+特別可以支持到佢做晒功課為止~~~

散左藥後, 醫生都叫我有D野要隻眼開隻眼閉, 無謂同個女嘈, 一黎聽唔入耳, 二黎傷感情....做晒正經野唔太過份就由佢咁囉....