點樣可以培養到小朋友愛讀書?

yani8322

好多小朋友,包括我自己都係好唔鐘意讀書...

我怕我的小朋友都係會咁....

有咩方法可以令到佢喜歡讀書呢?
係咪由佢細細個要比佢補習,等佢以為補習,讀書係生活既一部份,
咁大個先唔會討厭讀書or補習

咁係咪幼稚園要搵人同佢補習?
如果想學好英文,咁係咪更加要幼稚園開始補習?
係咪要搵私人教好d?
搵外國人會唔會好過本地人教?

edgarho

多補習唔代表令小朋友喜愛閱讀,可能會有反效果
反而應該俾多D時間挑選佢地中意而又有用的書本,同埋多d同佢地一齊閱讀,講下故仔比佢地聽下,令佢地增加興趣去繼續發掘其他有趣的書本更加有用

maggie-wong

培養學習的興趣, 可由他們對讀書的感覺開始:
1. 家長找學校給子女之前, 要做很多RESEARCH.
2. 引導他們定立學習上的目標, 當他們達到目標後便很有滿足感, 繼續努力
3. 用讚美及獎勵的方法
4. SET TIMETABLE - 有做功課, 溫書的時間, 他們亦有娛樂的時間
5. 培養良好的學習習慣- EG 定時溫習, 圖書館..ETC!

kmmum

我自己都不喜歡睇書, 除左工作關係,否則極少閱讀. 朋友介紹了usborne very frist reading , 簡短英文句子. 每晚陪囡囡一齊看.  在!yahoo2手, taobao. 你都可以搵到平書買. oxford reading tree 都有很多, 十多元一本.
我每次買廿本左右. 只是三百多元. (自己帶飯. 早餐一塊包包.) 唔捨得買衫. 都買書給女兒看. 總之,先選自己喜歡看的書. 再和女兒一齊看.

cowmoon

同意，四歲前不要用 iPad iPhone 電腦，少睇 DVD。每天陪閱讀圖書（不論深淺），其實要培養閱讀興趣一點也不難。

之媽

原帖由 yipcharie 於 12-04-10 發表
咁每日要閱讀多少時間? 我女女k3, 每日只係拎d 書睇5-10mins 就算, 咁係咪都當係愛閱讀呢? ...

又唔可以用時間衡量既，最初我囡囡2歲時都係睇得一本（每本得幾頁），我讓她感覺伴讀是開心的，好玩的，故事我會講得精彩D有時分分鍾加埋手勢唱歌及模仿，佢分心我就停，有禮地話佢知佢一定係倦了，下次再讀。
之後佢會認為有媽咪伴讀，就好似俾糖果一樣，追住你，想你讀。依家快3歲，如果我們一整天在家，會一日追我三次講故仔，每次5-8本書仔。佢年紀細，集中力有限，呢個程度我滿意Lu ,我也努力中呢！
重要的是佢對reading 的熱誠同興趣，不在於時間同數量！
(同樓上有家長講的一樣，家庭配合也緊要P.S.我唔多開電視）

猴子爸

自己不喜欢读书，但想仔女喜欢读书，于是找其他人令到他们喜欢读书。。。
自己不用功，但要求仔女殷勤读书，将来有好日子。。。
我们都喜欢不劳而获，心想事成，马到功成，东成西就。。。但不喜欢愚公移山，铁柱磨成针。
可惜，世事往往都是事与愿违，徒叹奈何！

manmanchubb

回復 yani8322 的帖子

要小朋友鍾意睇書首要係點樣引起佢閱讀興趣,
再睇得多時佢會更愛吸收知識,更有推動力,
不過如果屋企經常開住電視,家庭成員又經常用 i 產品,甚至比埋小朋友玩,
就要改善呢個環境同習慣先,
建議先拌讀,及以書中小朋友喜歡的人物/物件引起佢注意,
讚下佢,唔好要求佢可以睇幾多頁,鼓勵下佢,希望可以一次比一次更留意內容便可以了,
閱讀可以是先養成習慣,再就呢個習慣養成興趣,到時就會成日拎書睇,加油

kbi

亞囡18個月，而家每晚瞓前會係大床度攬住佢一齊睇故事書。d書得10頁左右，以圖畫為主，再加一小段英文。我會讀比佢聽，如果佢對圖畫中的物件有興趣，我會講下d物件既野比佢聽，因應佢既興趣黎講。亞囡超鍾意，每晚食完奶，會好大聲同好開心禁講book please.