讀緊s 位是否應轉出主流i 位或e 位？請建議。

01shirley

仔仔而家3月9月，1歲9個月時評為自閉証，排S 位
當時除了大肌正常外，語言表達及理解都遲了9個月, 認知遲了3個月，
排位期間我地同佢做了很多不同的訓練
到3歲3個月入了 S 位，
剛剛讀了半年, 前兩天與班主任見面, 講解了上學期的情況, 並解釋下學期的訓練計劃。
現在仔仔情況如下：
1. 大小肌 => normal, 識得扣鈕, 穿珠, 寫直線, 橫線, 勉強寫到1, 2, 3 數目字, 識踢波, 拋球, 接球 等等
2. 認知 => normal, 識晒 a-z, 順序數 1-100, 懂得大小, 長短, 高矮, 上下, 顏色, 形狀, 認字認到大約50-60個,
3. 語言理解 => 日常生活對話佢都大致明白, 如"你要搭巴士定搭西鐵?" 但應該仍有 delay
4. 語言表達 => 最差, 未能表達曾發生的事情, 但一般簡單對答OK, 如"我想自己刷牙", "我想玩LEGO", 但可能都delay 起過1yr
5. 自理 => ok, 著褲, 著鞋, 扣鈕, 食飯 (有時要餵), 飲水, 大小便都可表達及自行處理
6. 社交 => 最差, 唔識同人玩, 只係鐘意自己玩
7. 固執 => 老師話佢係學校無乜固執, 但屋企就有固執行為, 亦有情緒
8. 刺激行為 => 以前會玩眼, 自轉, 而家已無玩眼, 但有時仍會自轉, 但叫佢佢會停

早排新年期間我地曾在主流暫托, 佢以前的班主任就覺得佢語言表達同社交最差,
建議我地比佢係s 位執好先出黎讀 i 位,

但前兩天 s 位班主任話佢語言表達同社交係 s 位好難train 到有大進步,
可能係主流反而比到刺激佢, 建議我地轉i 位或e 位
s 位老師建議我仔如出主流最好由k1 開始讀, 即是如今年9月出去讀, 就repeat讀k1, 唔好讀k2,
唉.. 我都唔知點揀, 打去cac 想醫生做評估, 但又話而家只會升小一前先會評估, 中途唔會再有評估,
只會叫s 位老師send 份評估報告比醫生決定是否可以轉位，大家覺得點？請指教。應該:
1. 留返s位讀多一年, 出年5歲出去讀k2 or k1
2. 新學年轉出去i 位 repeat k1
3. 新學年轉出主流 repeat k1, 轉e 位

唔好意思,  太多資料。謝謝。

BKVIP

你問佢咁佢地加強左你小朋友邊方面另佢地覺得佢可以出去i位。

apple~y

你間S 位又會0甘講?
唔係可以調去能力好些一班
0甘你等派0左i位,見老師再傾0下

01shirley

係啊!!!!! -_-!

apple~y

你間S 位係咪協康會?

01shirley

好似4月派位, 其實我之前已排了 i 位,
如果到時選擇留返s 位, 唔知日後是否可以再排 i 位？
其實對呢間S 位真係有D 失望...
導師話如果我係要求加強佢認知同社交語言呢3方面,
佢話佢地呢度真係比唔到!!!!!
所以建議我地出去試 I 位,
但另一方面, 我係擔心佢學習基礎未穩固,
出去主流是否可以跟上大班？！
唯有再睇呢半年既進度如何！唉 ...

apple~y

唔使煩,總有方法安排好
至少你仔仔有能力出去試0下,我小朋友未得,未走得
我都好期待
我個人覺得班主任係最了解小朋友情況
始終班主任對住小朋友時間比治療師多,所以班主任意見可以再諗諗
係咪就快大派位??

01shirley

上星期四同學校主任及高級幼兒導師開會，
開完仲更加迷惘!!!
主任同我講, 治療師對我仔的case 都有不同的意見,
st 就覺得我仔未ready 出主流, 因為語言社交都未catch up 到!
ot 就覺得我仔應該揀E 位, 因為保證有3T支援!
但班主任同高級幼兒導師就suggest 我地揀 i 位....=_=!!!!!!!
真係開完會搞到我地心情仲亂!!
煩~

Capricorn2521

回復 BKVIP 的帖子

即係話，現在讀緊s位的家長要好好珍惜同ot/st/pt/pst每月的見面時間，講座及學校活動，盡量問多d，學多d。到出咗s位，無論e位或i位都好有限服務，見面時間更少。私人嘅，又分分鐘同你計算。

BKVIP

回復 overcomer 的帖子

無錯，不要將i 位太理想化。i 位只係有個保障，堂s位一出黎有得返主流咁解，但真正可以得到几多服務俾特殊小朋友，真係唔敢講。所以即使有i 位，最好都係出面再補底。

至於e 位，小兒正在e位上堂，講真，每個月所俾到既上堂時間真係好少好少，只得2次pst, 仲要其中一次係成班小朋友小組形式。ot / st / pt 就只得1堂咁大把，真係好靠家長做家居訓練。

overcomer

I位老師就算每日和小朋友做訓練, 但佢地D訓練質素冇保證, 佢地只係讀咗一年PART TIME 課程, 就做得I位老師, 佢地所設計的訓練可能唔係咁好。曾經有I位老師俾的訓練功課, ST一睇, 即刻話, 嘩, 咁都得, 亂來。E位在PST質素方面有多些保證, 起碼管理人員俾普通幼稚園校長更懂得特殊。且好多校長會找I位老師成日做其他嘢, 同家長又點會講我會成日找I位老師做其他嘢呢。

社交小組?  I位那6個小朋友, 由K1至K3都有。K3那些小朋友會被K1的拖累, 學D淺嘢。而E位多人, 可幾個K3程度的學生夾到一齊上社交小組。

有幼稚園老師講過, I位=冇服務。(真正只得ST個別)

01shirley

回復 BeBe媽媽 的帖子

哇！真係多謝bebe 媽媽提醒我,
我今天打左去我揀既其中一間 i 位去問,
i 位老師解答很詳盡,
佢話佢每日都會有個別訓練或社交小組比6位i 位小朋友,
st 大約1個月2-3次,
ot 同 pt 3個月1次,
我講左我仔情況佢知,
佢話佢地會係第一個月去觀察佢, 再決定佢是適合k1定k2。
我仲問埋如果學校老師請假, i 位老師是否要代課？
佢話一般情況下佢都唔需要入組, 但有時如果有多一位老師請假,
佢就會幫下手，
佢都幾關注佢手上的 i 位小朋友！
希望我仔入到呢間 ...
呢間既排位係 10年1月！

BKVIP

講開i 位，真係每間學校投放在小朋友身上的時間都唔同，找間有愛心既好緊要。我仔2歲時俾佢讀i 位幼稚園的普通位，當初老師叫我地帶佢做評估，其實我地一早做左，只係想俾多d 羣體生活俾個仔所以送佢入讀，因為個時咩服務都無。到後來阿仔返4個月病足4個月，最終退學。而當數月後，我地想返個間學校暫托或重新入讀，由於間學校已知道阿仔係a仔，又話學校轉左新校長，所以無人手資源暫托，其實我覺得學校老師係有愛心的，但學校管理層無愛心。i 位學校都咁，其他學校又會點看待我地呢d 小朋友呢

BKVIP

請問所謂既社交班，係咪即係好似playgroup 型式上堂？

Capricorn2521

回復 BeBe媽媽 的帖子

係呀，BeBe媽媽都講得好啱，學校質素有好有壞，亦都好睇老師夾吾夾小朋友。我都係剛剛收到社工通知可以簡i位學校，因為我的舊編號好前(2009/07) ，入心儀校機會好大，所以我只選了一間。不過，其實無論學校的訓練如何多/少，我都會在星期六比亞仔再上自費訓練，穩陣d，自己又可以跟緊d。

BeBe媽媽

我想話不一定一個月2次

BeBe媽媽

仲有，係咪有i位學校都咁明白、了解、支援我地既小朋友？我話你知，我仔果間唔係囉。
所以如果你搵到間包容、有愛心既幼稚園（非i位）時，真係要諗下繼唔繼續番底！
仲有st堂不一定每星期2堂，而係每年有幾多次。
所以有時會一個月得一次35分鐘

BeBe媽媽

我仔有一年i位經驗：但無每日pst,係咪每星期有？我都唔知道。
總之，間間i位都唔同，要每間問清楚呀！

01shirley

回復 BKVIP 的帖子

我都有諗過轉 E 位,
但後來我衡量過,
E 位提供的PT同OT 不是我最需要的,
反而PST 同 ST 的訓練對我仔更重要
I 位的PST 是每天半小時, ST 也是1個月有1小時,
E 位的ST 訓練與I 位一樣,
但PST 訓練反而在I 位每天都有,
所以綜觀各方因素, 似乎I 位比較適合我仔,
理想D 諗, I 位老師可能會特別關注我仔的社交情況, 從而幫助他。
所以我覺得我仔應該較適合I 位。

01shirley

但我不是全職媽媽，如果要讀主流幼稚園, 一來無人手接送, 二來以正式途徑搵主流學位唔係咁易! 我諗都係要返 i 位!
希望阿仔黎緊呢半年可以突飛猛進啦~~~ ><!!!!!