今日終於收到最後一間私校封信......reject但我好開心 - 小一選校

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 小一選校 › 今日終於收到最後一間私校封信......reject但我好開心 ...

12 3 4 5 6 7 8 9 下一頁

查看: 46857\|回覆: 176	go 今日終於收到最後一間私校封信......reject但我好開心 [複製鏈接]

Pikafung

洋房

Rank: 2


	35

1^#

發表於 11-12-1 18:00 |只看該作者 |正序瀏覽 |打印

我好開心，今日終於收到私校最後一封信。記得那次second in的最後一條問題，"你覺得你小朋友最優勝係乜？"......... 我囝囝係單親家庭大仔，性格內向，社交能力弱，最多說話只會在家與爸一起時。我幫他報了共4間直資及私校，最後獲得這間私校的second in機會。還記得這是最後一間，早上往first in途中與囝囝在地鐵打電話俾老闆，我話下午都係唔返，想陪個囝，還交代今日in最後一間小學，講講唔記得囝囝響度，重話佢應該唔得。我諗佢知道係last chance, 所以那次First in有超乎平常怕醜的表現，獲second in機會。Second in 共5組家庭與各自小朋友，當然只有爸爸的家庭我們很突出。最後一條問題，"你覺得你小朋友最優勝係乜？其他家庭出盡力，有個話小朋友識講西班牙文，重即場講句，我用技驚四座形容。有組重勁，佢個囡囡會彈琴，跳舞，游水，學緊普通話，留冰，甚麼珠心算，兒童合唱團，睇睇俾我認得佢老豆係一個政府官。心諗....囝囝平時返幼稚園外，就只有學畫畫（好靚，佢自己話學，因為唔駛同人溝通掛）其他時間就係我陪佢去公園，沙灘，圖書館，外婆家。我係最後一個講，我話呀，頭先每組家庭所講我個囝都........冇學過，佢所有最珍貴係我，我由佢出世到衣家一路陪住佢，我俾唔到最好佢，但我俾到佢學習成長機會，我會由佢跌跌碰碰咁等佢學習......講到自己都唔知講乜，講有起碼拾幾分鐘，當中廢話九成........之後我食螺絲，全場靜幾秒，突然我個囝囝話：「爸爸我邊間學校都鍾意，唔想讀咁多間。爸爸我最開心係有你成曰陪住我。」..........我見到囝囝塊面紅灑，我知佢鼓起好大勇氣去講，一我個心好痛，我知佢原來都有壓力。我忍住，大家出學校我終於攬住佢喊同講對唔住。晚我攬住佢得好好，第朝我讚囝囝勇敢，佢問我佢叻唔叻，我話尋日之後你永遠響爸爸心中係最叻個。今日我住呢封reject信，我冇本事幫佢考到好學校，但我知道我原來響囝囝心目中係俾任何一間名校學位重要。
我決定6月會開開心心去接受任何一間津校或官校，因我已擁有世上最寶貴的東西，我囝囝。

[ 本帖最後由 Pikafung 於 11-12-1 10:08 編輯 ]