小朋友有嚴重鼻敏感, 可分享如何改善嗎?

TINGMUM

我仔仔有多年嚴重鼻敏感,+濕疹, 看過多個耳鼻喉專科, 食藥, 噴鼻又用過不同牌子, 睇中醫, 食中藥, 都沒有改善.  昨晚做功課, 又搞到不斷"什"鼻涕, 眼都腫埋,  最後我怕鼻會比佢捽爛, 所以噴完有濾固醇的藥後, 比粒有睡意的藥佢食, 比佢去早d去睡. 再咁落去, 唔係辦法.

咁多年, 一年比一年嚴重, 想去打針, 又話佢不合適. 針灸有效嗎?  唔知點先至幫到佢.

TINGMUM

唔該晒你, heidikl.  好耐冇見了.Rainbow個sales 話要2萬9, after discount, 約是 2萬7千5.  原來你sister可以平好多.  

而家我剛買的牌子都大部, 平好多, 不過冇拍打功能, 因為我換sofa同matress幾密, 所以可以唔要呢個功能, 暫時唔知好唔好用,用完我再話你知效果如何. 我有keep 你電話, 如效果唔好, 要買rainbow我會contact你!
thanks again!

heidikl

Hi, Tingmum,
How are you? Haven't talked to you for a long time.
My sister said that the Rainbow 用水除塵機 works very well. Some of my relatives had bought it.
She can help to coordinate to offer a free demo to clean your house. So you could have a try.
You can call me if you're interested. (I still have your mobile#, just in case you lost my mobile, I pm you my mobile again.)

lbywhljs

我個仔都有鼻敏感，不知可以找哪個醫生check敏感源，請PM我

pandabonita

今天的都市閒情講鼻敏感和氣管敏感.

janelle00

我自己及阿女都用緊一個好簡單的方法，就係用棉花棒蘸“花士令”在早上和晚上清潔鼻孔。通常空氣好差個日才會有小小鼻敏感，頂唔住我地就會食幸x（蘇媽媽買廣告個隻）。

另外，阿女游水後，晚上的鼻塞也有明顯改善。我地也會少吃甜食，因爲糖分會減低身體的免疫力。

TINGMUM

多謝你提供的所有details 同方法!

TINGMUM

其實呢幾年我都問過分別3個醫生有關check 致敏源 同打針, 佢地向我了解後話我仔連空氣都會敏感, 有很多致敏源,不是打針便能解決.

bb560

原帖由 TINGMUM 於 11-11-28 12:28 發表
夏天要完全介飲凍野真係唔容易,  真係要強制性再嚴d先得!

你都倍佢唔飲咪得羅！

TINGMUM

唔該晒! 你的情況同我地好似, 不過avamys我地冇效.  幾個牌子嘖鼻都冇物效.

考完試, 我會去睇醫生check敏感源.

TINGMUM

唔該晒, 放工會去買.


為了幫個仔, 都花了不少心機, 濕疹明顯有改善. 多謝大家意見,  我會逐一摸索, 睇下邊樣最幫到亞仔.

TINGMUM

夏天要完全介飲凍野真係唔容易,  真係要強制性再嚴d先得!

小魚兒正正

吓睇中醫...同幫佢穴位..按摩.去圖書館找書有教都幾ok..我仔氣管敏感..我同佢睇中醫加swimming...巳有好大改善

Omerkion

想問各位有無好的空氣清新機介紹？謝謝！

bb560

我十二三歲已經有鼻敏感。。。到考會考時是最差，因少少運動都無。。。囝囝唔可以游泳，你可以俾佢學打羽毛球或者乒乓球。。。。再無時間可以到樓下急步行也可以。。。。。出微汗也已經可以了。
我用了兩年時間介飲凍野（少少都唔飲），身體會無咁怕凍（連我老公都話我身體好咗好多）。。。。夏天最熱也是飲室溫水。

改善新陳代謝是唯一醫好鼻敏感的方法。

bb560

樓主如果同囝囝捏脊,需要五星期才會見效. 你可以去書局看一看這本書.....特效按摩1 神奇穴位使用手冊 p.290 有提及關於捏脊，前一兩頁有提關於腸胃保健 ， 按摩腹部。。。。我看見有另外一本書說濕疹的成因是便秘。
書局還有其它關於保健的書，你可以去看看。

林嬌嬌

我仔九歲，鼻敏感，氣管敏感，濕疹，食物敏感，都有。

我覺得冇方法解決的，只有見步行步，小心留意有咩不妥立即出手。 我分享自己方法。

1）不要游泳池，因為泳池水太多化學物致敏。我仔本身冬泳亦有游，去年決定不再游。的確減少經常鼻子不適。

2）鹽水是可經常使用的，牌子是sinomarin. 天然成分。早晚及任何須要清潔時。

3）有時在街上冇藥冇鹽水，可以找一杯熱水來蒸鼻腔，然後 *sang* 出鼻液分泌。重點是清潔鼻腔污染物。

4）鼻子和頸不要著涼，早上出門冷要用口罩，夏天晚上睡覺只用風扇。

5）天灸有做。manuka有需要時有飲。有時候做多些運動，行山呼吸新鮮空氣，單車跑步。一個月平均一兩次。重點是，放假要多接觸戶外空氣及深呼吸。

6）一見亞仔有打噴次，我已立即action,叫他噴avamys.(代替睡前一次）用三天至七天不等。這藥是低劑量類固醇，吸入最直接解決又不進入身體循環系統。

7）當狂打噴次，要立即服抗敏。xyzel.加傷風藥，有鼻塞，加服zytecD很見效。當然要洗鼻及噴鼻。

8）rainbow 吸塵機有用過，不過我不覺得其他吸麈機會差些。重點是睡房要少塵埃。

9) 天氣轉乾，我用放濕机加尤加利精油。空氣會清新舒服些。

10）每星期煲一款雜菜湯，蔬菜隨便加三粒蒜頭一個洋葱，（紅菜頭如有更好）增強抵抗力。

11）青蛙仔，食過不知多少盒？！我仔大半年冇食了，似乎冇食都可以。

我仔的鼻要好小心睇，鼻水會引起咳，變成氣管咳，食唔到睡唔到，辛苦到入院住要聞氣。好彩沒有哮喘。試過鼻水流去胃，他會反胃，胃痛。

總之，盡一切能力阻止他病。其實，鼻敏感，氣管敏感，濕疹，食物敏感，冇離開過亞仔，只是，能夠控制便是，不會好像之前般受苦。

加油，不要氣餒！一定可以控制的。

meemeefung

這是一個中醫教我的，如有鼻敏感可以每天早晚用鹽水噴洗鼻子，作用是清潔鼻孔。據我一家人的經驗所得，效果良好，但需持之以恆起碼一個月才有效，這些鹽水在藥房有售，不含類固醇或藥物，沒有副作用，且費用很低，可以長期使用。雖然這方法只能治標，但也可對敏感的情況大為改善，減少發作的次數。如情況嚴重我才帶兒子看醫生，吃抗敏藥和用醫生給的噴鼻藥水。另外留意家中環境，塵蟎是主要的致敏原，孩子的床單，枕頭套，被套要每4天洗一次，還要用熱水浸洗，才能徹底沙殺滅塵蟎。

TINGMUM

有冇人用緊果部rainbow 用水除塵機, 覺得好用嗎?  報價要hk$27000, 好大部, 覺得好貴, 但又d心思思想買.