做錯了決定

dickychui

小女入了九真已二個月了, 當初自行都係(一)培道 (二)九真, 因為住油塘區, 結果入了九真, 小女要求叩門培道, 後來因為感覺上九真交通方便及英中, 培道曾校長在叩門時說過小女入讀了派入的中學後, 認識了新同學, 佢唔會再想轉校, 所佞我就瞞了小女培道叩門成功了. 可能佢在九真感到壓力大及班中同學負面情緒較多(因為好多學生是不喜歡九真,是家長喜歡), 後來我比佢知道左培道叩門收左佢, 佢有好唔開心, 因為我沒同佢講, 我都有d後悔, 所以我想等佢下星期考完uniform test 後再同佢商量一下再找培道曾校長, 因為我想佢讀一間佢開心的中學, 因為佢真係好鍾意培道校舍, 我唔想再因為大人的自私想法令佢六年中學生活唔開心. 我呢個爸爸真係失敗.

黃巴士

原帖由 yan98 於 11-11-5 15:26 發表
小朋友好多時係＂先入為主＂，相信係你女兒鍾情培道原因。不如俾一年時間認識九真。（同你女皃講今年努力讀書，要成績好，中二才轉到校），話不定到時你女兒唔捨得轉校,假若佢仍堅持要轉校，就一定要幫佢轉，免得將來後悔。 ...

AGREED!!
如果係我囡, 我會觀察耐些, 始終中一是適應年.  依家小朋友年齡話大唔大話細唔細, 她們好多時都依靠主觀直覺, 唔識衡量輕重.  用心態LABEL此校, 是否對現校好唔公平呢??
我想 - 到家長覺得好唔對路, 唔洗問大家意見, 自己都決定即時轉校.
但又如果轉到培道, 到時囡囡發覺唔同心目中咁唸的, 唔通又再轉???
有時人可能有多左選擇而放棄了堅持和克服.
調校好囡囡心態去分析,  可能自自然然有佢都要的答案.
做家長無話做錯咩決定嘅, 隨遇而安啦!!
始終有些路要行過至知啱與否?? 可能仲要行多好多路至知答案.

[ 本帖最後由 黃巴士 於 11-11-6 11:55 編輯 ]

kls12

原帖由 khmama 於 11-11-5 16:20 發表


redkoni, 你唔幫ANChan59真係徙晒 . 其實九真係一間唔錯既學校, 我見樓主都只係對o的飯同埋同學仔唔滿意啫, 對校長同老師都冇唔滿意. 我地o的供應商係家教會監察既, 唔知樓主間學校係唔係, 樓主可以向佢地反映. ...

小塘大魚是我的理念，我覺得自信心是極之重要。若小女在一小塘不能成為大魚，我會考慮讓她游到更小的塘。

khmama

原帖由 redkoni 於 11-11-4 23:00 發表
恕怪我多事和多口, 九真自行收了令千金, 假假地都叫做賞識她, 你好似一點感恩也沒有, 對九真只有數落, 有彈無讚, 人哋學校、老師, 假假地現在都叫做教緊令千金, 你連多謝都無一句, 還要數落埋啲同學仔 - 人家父母的 ...

redkoni, 你唔幫ANChan59真係徙晒 . 其實九真係一間唔錯既學校, 我見樓主都只係對o的飯同埋同學仔唔滿意啫, 對校長同老師都冇唔滿意. 我地o的供應商係家教會監察既, 唔知樓主間學校係唔係, 樓主可以向佢地反映. 不過樓主要留意o的小朋友口中難食既食物, 往往係最有益o個o的, 最好了解下先. 阿女學校中一下學期就開始出街食, 所以點唔好食都係幾個月. 大魚係小塘唔係壞事, 對培養自信心有幫助.

yan98

小朋友好多時係＂先入為主＂，相信係你女兒鍾情培道原因。不如俾一年時間認識九真。（同你女皃講今年努力讀書，要成績好，中二才轉到校），話不定到時你女兒唔捨得轉校,假若佢仍堅持要轉校，就一定要幫佢轉，免得將來後悔。

HY412

當時人+ 旁觀者都得益不淺, 仲散發正能量!

原帖由 Yanamami 於 11-11-4 23:05 發表
Redkoni,
修改後的確是順眼得多了...

原帖由 redkoni 於 11-11-4 23:00 發表
當中微妙之處

csk家長jj

原帖由 Yanamami 於 11-11-4 23:05 發表
Redkoni,
修改後的確是順眼得多了...

係
最少,九真嘅家長和老師會順眼好多

Yanamami

Redkoni,
修改後的確是順眼得多了...

redkoni

恕怪我多事和多口, 九真自行收了令千金, 假假地都叫做賞識她, 你好似一點感恩也沒有, 對九真只有數落, 有彈無讚, 人哋學校、老師, 假假地現在都叫做教緊令千金, 你連多謝都無一句, 還要數落埋啲同學仔 - 人家父母的女兒, 將來俾你哋轉咗校, 你咪更變本加厲!  我真係唔明, 你一句錫女, 動之以情, 大人大姐都人人錫住你, 你忘本數自己學校都無人話你;  相反, 之前 yinpang 寫錯一句"點解學校咁絕情", 絕之以情, 就算係青少年都人人教訓佢, 佢想表達自己應得但大人就話佢忘本.  哈哈,  反差都很大, yinpang如果你睇到便要學嘢, 學吓當中微妙之處, 你這600蚊絕對是超值!


我將你的話作少少的修改, 比較一下甚麽是負面情緒?  甚麽是正面思維?

原帖由 dickychui 於 11-11-4 13:05 發表

我個女個班同學剛剛完成UTEST, 小女中,英,數,GEOG,SCI 都佢全班頭三名(佢個班唔係最叻), 佢數學全班最高分, 中史及西史真係一般般, 但係佢個班好多同學真係唔合格好多,係測驗卷畫公仔 ! 真係........... ! 佢今次UTEST 六成力左右, 比起佢小學差好多, 今年真係响心理上好好同佢講多D.

因為九真今年轉左新校長, 有好多舊制改革. 新午膳供應商的飯真係好差. 希望九真可以令學生愛九真方面花多點工夫, 否則學生只有一個軀殼上學, 因為唔係個個家長可以花時間關心自已小朋友.

【我個女全班同學剛剛完成UTEST, 小女很幸運, 中,英,數,GEOG,SCI 佢都全班頭三名(佢個班唔係最叻), 佢數學仲攞全班最高分, 值得鼓舞! 中史及西史真係一般般, 我想她吸收教訓下次會進步. 但係佢果班好多同學真係唔合格, 相信因為中一的蜜月期, 俾啲時間她們適應, 情況應該會改善 ! 真係.......同學之間應該互相扶持, 要多啲提阿女幫吓人. 阿女佢今次UTEST 得六成勤力左右, 比起佢小學差好多, 今年真係响心理上好好同佢講多D, 「勤有功，戲無益」。

因為九真今年轉左新校長, 有好多舊制改革, 推陳出新是好事. 新午膳供應商的飯比較唔啱胃口. 希望九真可以在學生俾意見方面花多點工夫, 否則學生難保帶著一個瘦弱軀殼上學, 希望個個家長也盡量抽空叮囑自己女兒要珍惜食物, 好又一餐唔好又一餐.】

fallenleaf

我覺得樓主似乎係你唔喜歡間學校多過你個女喎，又話d飯唔好食，又話得個軀殼返學，又話d同學成績差，無心測驗攪到係測驗卷上畫公仔。
唔好話band 2學校，我相信就算band 1學校若果唔係精英班都一樣係負面，如果唔係學校就唔駛分精英班啦，我睇到呢度都好多家長呻。
好彩我早幾年上BK已經睇到，個PS1係好緊要，對自己對師弟都好，不過唔知點解上年又真係好多人話唔好再谷d小朋友考PS1。

dickychui

不管氹仔或小塘, 小朋友喜歡便可, 你比佢去到太平洋都無用. 每個人做任何事唔會出於理性, 因為我就喜歡. I LOVE IT.

請勿覺我在曬命, 中史及西史亦只是合格而已, 有D同班同學都 80 多分.

dickychui

去到真正英中就面對一班唔同嘅學生, 我只是話佢係同班中三甲, 如果跟九真精英班比較不知差多少 ! 你地真係有點大跨張了maryknoll. 因為utest真係都唔知點考, 佢只讀一間普通小學, 另外好多科又是英文, ws 又無, 科作業又唔夠應付test內容,經過今次utest, 可以了解多d test嘅形式, 下次可以再了解多左.

霖霖B媽咪

原帖由 csk家長jj 於 11-11-4 15:11 發表


同意 ！
你在另一topic講囡囡數科係超强,中文科又叻,現在除了歷史科一般外,其他各科都好ok...以佢咁突出嘅成績,點解當初自行選校揀中中咁保守呢？
既然出6成力都咁好成績,不如今年鼓勵佢全力以赴,明年考入 ...

係啊....好爸爸果然出叻女....

不如就叫你個女出埋果4成功力, 下年考maryknoll, 到時就唔會有學生得個殼返學吧 !!!

HY412

既然囡囡有能力更上一層樓, 比心機完成 F.1 , 考取頭三名, 目標定位向英中, 窩打老道真光女書院好好架 ^^.

原帖由 dickychui 於 11-11-4 13:05 發表
我個女個班同學剛剛完成UTEST, 小女中,英,數,GEOG,SCI 都佢全班頭三名(佢個班唔係最叻), 佢數學全班最高分, 中史及西史真係一般般, 但係佢個班好多同學真係唔合格好多,係測驗卷畫公仔 ! 真係........... ! 佢今次UTE ...

csk家長jj

原帖由 redkoni 於 11-11-4 14:31 發表


言下之意是令千金有點兒像「氹仔浸蛟龍」, 我想培道也不礙乎「小塘」, 不如考慮插班Maryknoll Convent School.





咁嚴重!  學生只有一個軀殼上學?  咪好似我咁只有一個軀殼返工!  我諗如果我的老細希望令我哋啲 ...

同意 ！
你在另一topic講囡囡數科係超强,中文科又叻,現在除了歷史科一般外,其他各科都好ok...以佢咁突出嘅成績,點解當初自行選校揀中中咁保守呢？
既然出6成力都咁好成績,不如今年鼓勵佢全力以赴,明年考入更好的中學

[ 本帖最後由 csk家長jj 於 11-11-4 15:27 編輯 ]

redkoni

原帖由 dickychui 於 11-11-4 13:05 發表
我個女個班同學剛剛完成UTEST, 小女中,英,數,GEOG,SCI 都佢全班頭三名(佢個班唔係最叻), 佢數學全班最高分, 中史及西史真係一般般, 但係佢個班好多同學真係唔合格好多,係測驗卷畫公仔 ! 真係........... ! 佢今次UTEST 六成力左右, 比起佢小學差好多, 今年真係响心理上好好同佢講多D.

言下之意是令千金有點兒像「氹仔浸蛟龍」, 我想培道也不礙乎「小塘」, 不如考慮插班Maryknoll Convent School.

原帖由 dickychui 於 11-11-4 13:05 發表
因為九真今年轉左新校長, 有好多舊制改革. 新午膳供應商的飯真係好差. 希望九真可以令學生愛九真方面花多點工夫, 否則學生只有一個軀殼上學, 因為唔係個個家長可以花時間關心自已小朋友..

咁嚴重!  學生只有一個軀殼上學?  咪好似我咁只有一個軀殼返工!  我諗如果我的老細希望令我哋啲員工愛老細, 最實際係加人工.     不過又難怪老細嘅, 我成日嫌自己做阿四, 不求進取, 仲蛇王上EK!

dickychui

我個女個班同學剛剛完成UTEST, 小女中,英,數,GEOG,SCI 都佢全班頭三名(佢個班唔係最叻), 佢數學全班最高分, 中史及西史真係一般般, 但係佢個班好多同學真係唔合格好多,係測驗卷畫公仔 ! 真係........... ! 佢今次UTEST 六成力左右, 比起佢小學差好多, 今年真係响心理上好好同佢講多D.

因為九真今年轉左新校長, 有好多舊制改革. 新午膳供應商的飯真係好差. 希望九真可以令學生愛九真方面花多點工夫, 否則學生只有一個軀殼上學, 因為唔係個個家長可以花時間關心自已小朋友.

Yanamami

原帖由 KK07 於 11-11-2 12:30 發表
九真正逐步轉英中, 你女兒在此校讀下去, 考入大學的機會應較高.  其實你應教女兒看看現在手握有甚麼好,而不是老是掛念'失去'的, 那你的女兒會有更快樂的中學生活. ...