德望 = 失望 !

cattylui

德望係一間出名好學校，今年第一年搞幼稚園。我地帶過囡囡去睇校園，佢鍾意到唔捨得走，令我地好想考到呢間學校

7/11 interview，有去in家長都講得出當日有幾混亂，場地好嘈，音響又差，安排失當

我係大喇叭受害者，叫左我地入房in。出面又叫我個女個名，我老公話入左去成半個鐘喎，先發現我個女係班房in，佢份資料漏左係出面 唔怪之得老師無咩點問我個女問題！我問老師咁使唔使in多次，佢話唔使啦，老師都觀察到架啦。咩叫都觀察到

我一直都好擔心，究竟佢地有無睇過我個女？終於都係打電話去學校問。初頭個老師死都唔認份資料有埋marking scheme, 直到我可以好詳盡咁話俾佢知當時情況，咁佢都O哂咀 只係話要問下校監再覆我，仲叫我唔好講出去。

覆覆覆,一直都無覆 最終我地梗係收到reject信啦 你唔收我唔緊要，但我真係想搞清楚件事，係我個女表現不如人，定你地根本當佢透明 我寫信去俾校監，想佢了解下，最好可以俾個答覆我地。成個星期啦，鬼影都無覆

德望由始都終我都相信係一間用心辦學教會學校，勢估唔到佢地係咁黑箱作業，態度傲慢 咁多年歷史，都係浪得虛名

pignet88

唔滿意就退學.....搵一間你認為合你心水先至比你個女讀，咁就唔洗咁失望lor.....

elmolly

原帖由 mimimomo6 於 10-10-14 15:53 發表
樓主個女好似讀左GH 呵, 仲係咁失望嗎 ? 如果唔係就改吓個標題啦, 呢個 標題對我地十卜的家長同學校,唔多唔小都係負面

我覺得學校做得好好, 99分喇 ~~ ...

我記得佢出過一個post問人好唔好讀GH, 因為要比錢, 同埋佢好似仲有個細既咁上下...

mimimomo6

原帖由 B.B.BaBa 於 10-10-14 17:13 發表


係喎，o係 facebook 果邊見到佢 join 左
不過 bk 呢邊，樓主已經半年無 login 過了......

係呀,佢有份評論校車安排,同學校安排

B.B.BaBa

原帖由 mimimomo6 於 10-10-14 15:53 發表
樓主個女好似讀左GH 呵, 仲係咁失望嗎 ? 如果唔係就改吓個標題啦, 呢個 標題對我地十卜的家長同學校,唔多唔小都係負面

我覺得學校做得好好, 99分喇 ~~ ...

係喎，o係 facebook 果邊見到佢 join 左
不過 bk 呢邊，樓主已經半年無 login 過了......

mimimomo6

樓主個女好似讀左GH 呵, 仲係咁失望嗎 ? 如果唔係就改吓個標題啦, 呢個 標題對我地十卜的家長同學校,唔多唔小都係負面

我覺得學校做得好好, 99分喇 ~~

Littlepa

me too.  I fully support GHS.  We can feel how good the school treat our kids.  I am very happy that my girl can study here and she loves GHS very much!

MyAshley

FULLY SUPPORT!!! PROUD OF MY DAUGHTER! PROUD OF GH!

ahchungma

十卜十卜

yee2005

100% Support!! 幼稚園停左咁多年今年再攪番, 有呢個成績已經係好好. 問心有邊個校監會成日去幼稚園度睇住. 亞女之前o個間, 我就從來都冇見過校監o攞.

wincyho56

Me too. GH really a very good school. My girl love to study here. I also proud of her.

yeung1

I like GH and support

sam9035

本來想讓這Topic沉底，但忍唔住要講些公道說話，我是幼班(即K1)家長，小女已經返左一個多月學了，無錯，幼稚園停左咁多年今年再攪返係會有啲亂，但係so far我所感受到嘅係每一位教師和職員都係有熱誠同埋充滿愛心，以前我女女讀Nursery時都未試過有老師打咁多電話比家長，但係喺德望就有老師可以晚上九點後都用自己私人時間打比家長交待小朋友在校狀況，而且不是單單一次和只係一位老師，而係好多老師甚至校長都會好有耐性同埋唔吝嗇自己私人時間去真心付出。

我感受到有些人在中傷學校的背后動機，可能是吃不倒的葡萄、可能是想嚇退有意報名的家長，可能真是對德望有意見，但一些不負責任和沒有證據的指控對學校的老師和校監阮修女有多大的傷害，這些人知道嗎？

最後，我會好自豪咁同各位講我的女兒在GH幼稚園上學，我對學校充滿信心！

chuihiuyin

其實無謂爭議
我見到德望收生個邊話
比佢reject咗..係waiting list生只要寫信返學校
十成有九成都收返
始終係新校..好唔好見人見智
但話晒一條龍..仲實收甘
好多怕in嘅家長咪全部去報..
真係要佢年先知
不過老實如果讀緊..唔好
你都唔會話比人知...
算吧

小柔2010

考幼稚園原來這慘我們考小學一班三十幾人一起去一個課室畫圖畫10分鐘我的家為主題跟住有個老師問你圖畫表達什麼

foggyao

樓主，繼續盡力同學校聯絡搞清件事啦，講真，學校唔覆真係無辦法，始終係盡左父母責任就算喇，同埋學校一次過收晒k1-k3生，我由頭到尾覺得佢地安排得都算係咁喇，又安排埋d中學生幫手，都算係咁啦!  睇得出學校係做左好多野，由頭到尾，由上至下d人都好nice，無架子，同我舊年見到某名校 d人真係好唔同(當時都係排一餐，但d人係電死面，超cool)，報左咁多間，唔會見到有搵自己學生來幫手，搵義工家長就有，所以我覺得學校搞得好好，學生會有歸屬感! 見到間學校應係一定會好用心教d學生。

我都係o個句，同學校無緣，有時d野係個天安排定，盡左力做好自己本份，無謂強求。

但有d人話，點解有d人又鬧又要報，講到呢點，我又想講下，個日排隊報名，曬住一邊面，等等等，我身後真係有位mami用d都叫粗濁(not 粗口)既語言，一路排，一路係電話度同人鬧鬧鬧，係咁講唔滿意呢樣，個樣，又話唔知間學校有乜咁矜貴，鬧到我都真係好想問問佢，你咁多不滿，點解仲要報？
跟住聽到佢同電話中人講，專登黎到，梗係要排啦，又鬧鬧鬧，唔同走咩!
所以原來去報名 ~ 但又好不滿既人，真係大有人在，我都好想知佢得唔得


申報：我個女被rejected。

mum0724

原帖由 junengai 於 09-12-3 21:30 發表


我都冇話我唔鍾意GOOD HOPE, 而我亦知我係OLD GIRL一定會先收我個女! 所以你唔需要去WONDER I'M A GOOD HOPER OR NOT! 我只係幫啲想入GOOD HOPE嘅人提個意見唧! 另外, 我只係話佢安排攞報名紙同INTERVIEW冇效率之 ...

以我所知,old girl的女兒不一定先收的,家姐在校就讀也不一定先收的,因為有好幾個例子已經reject咗

Yorkie

Chidren can't be brought up without love, I am glad my child can study there too! Apart from academic, one's self manner/esteem is the most important thing to me!

RCC

我可以肯定話你知GH的sister一定會比機會任何一個有心人, 交留位費當日, 我在大堂又暈又嘔 (因為我有點不舒服), 在場有位sister (我估是校長)立刻親自拿張椅子,熱飲及藥油比我, 還很關心地問我是否肚餓,須不須要點食物, 還親自幫我做留位手續, 而在場的其他工作人員也有關心地問候我....她們的行為是令我很感動的! 所以不要放棄, 你的誠意sister是知的, 我很感謝上天賜機會給我女兒可以在一間充滿愛心的學校讀書

B.B.BaBa

我都好欣賞企出嚟幫母校講說話的版友，等多 d 人知道間學校有幾好。

唔好俾某 d  人單憑某 d 無證據的言論o係度危言聳聽