請現在讀將循的家長比啲意見啦

vicng

將循家長你們好:

小兒今年k3將要報小學，請問可否告知一些將循的情況，因本人對此校彼有興趣。

1) 功課多嗎
2) 老師怎樣
3) 其他

因為這是一間只有幾年的學校，所以想知多些情況。
多謝幫忙。

vicng

meilo

connielamyee 發表於 12-6-13 17:43
好奇怪將循的家長意見咁極端~~

我都有同感,有點無所適從....

evans712au

你囡囡讀將循後仲需不需要出去外面找補習呀？

我剛交了表格，好緊張哦，希望收我仔仔啦

chowkarman

我個女都喺將循讀咗幾年, 完全唔覺有唔好o既感覺, 相反無論我同個女都冇後悔過, 我哋全家都冇宗教信仰, 冇聽過有黑暗中進行o既宗教活動, 每星期有一堂宗教堂, 佢自己好鍾意返學, 鍾意間學校, 老師, 到目前為止, 我都好滿意個女入讀呢間學校

yyyvonne

我一個係第一屆畢業生，另一個係應屆畢業生，派往St .Marks School . 將循係一間好學校，功課不算多，老師都有愛心及經驗，每間學校老師都不會十全十美，將循也是，一兩個老師啦，學校會比同學多方面學習及發展，朗誦、音樂尤其強項，學校也很關心每一位學生。聽聞今年都好多學生想入讀小一，有百幾人叩門都唔收將循都不斷進步既

靚寶

我覺得有好, 有不好, 聽隔離班講家長講, 班主任乜都唔理, 比意見又唔理, 但我仔果班班主任都叫盡責, 亦都叫照顧我仔, 而且我仔好鍾意返學, 當然每間學校都有優點, 缺點, 但我覺得我可以接受呢間學校, 暫時都無特別令我反感既老師及事情, 佢地有科探日, 仔好鍾意玩, 功課我都係偏愛功課多, 平時六樣冇走雞, 星期五功課八樣至少, 但我仔已經習慣了, 開始辛苦好過鬆開要催谷佢黎得容易, 呢間學校既宗教氣份係濃厚, 我係基督徒, 所以好滿意呢方面對學生的宗教培養, 我暫時無後悔比仔讀呢間學校, 亦都感謝老師對仔的豉勵, 個人覺得OK, 除左副校

kikicandy

評論也真的太極端吧?

cleokiko

留意返：差評是2009年！所以可能是極端關係！但如果功課唔多，我就不喜歡了！唉！有基德家長竟然同我講！基德功課都多…！笑死！有幾多呢！都三四樣我想講！以前自己讀書三四樣叫小，七八樣叫多！但相比陳瑞祺！七八樣叫小喇！所以我心目中的小學，最小要有七樣！才算功課多。我朋友中三時讀Band1 ,中四發神經揀間Band5，佢話入到去中四佢咩都識，因為中三已學過哂！這是我揀深程度的原因

cleokiko

但果日去簡介會覺得佢好好！英文課程不錯（相比梁省德）。真的這麼差嗎？

connielamyee

好奇怪將循的家長意見咁極端~~

朱MayMay

小兒今年九月將升讀小四, 到目前為止, 我都好覺得將循的老師好有愛心, 好關愛 D 學生。雖然小兒聰明, 但都比較活躍和不專心, 要處理佢的行為和情緒都幾辛苦, 起初上堂表現和成績都一般, 好彩在小二兒時, 得到班主任的鼓勵和協助, 又用心去發掘小兒的長處, 更鼓勵佢加入數專和田徑隊, 從而令小兒的自用心得以提升,現在見小兒一日比一日的進步, 真係好開心呢 ! 亦好感激將循的老師。

功課方面 : 將循算一般 ( 因比較過其他學校, 將軍澳區的小學, 其實間間都哪麼多)
程度方面 : 英文比同區深少少 (聽補習社講) , 其他一般, 數學無教快, 將循有四 次評估, 一, 三評估主力考中, 英, 數, 常, 二, 四許估先再加埋其他科,如同出面區學校比較, 唔算有太大壓力.多
補底方面 : 因眼見香港越來越不同程度的學習障礙, 將循亦提供很多特別課程, 訓練 和調適去幫助有需要的學生, 這方面亦做得唔錯 !

以上是本人小小感受及意見.

另外, 本人想捐出 小一, 小二 及 小三全套課本, 如有將循家長有興趣, 請聯絡我.

May : e-mail : [email protected]

WPHo

小女現在就讀四年班（將升五年班），小兒在九月都會升讀這間學校小一。我們不是基督教，但很欣賞教師們的愛心。因為小女比較缺乏自信，老師都會很鼓勵她參加課外活動。功課在這區來講不是最多那間（其實有些家長話太少功課！），我自己覺得適中。另外他們小五開始會根據成績分班。

Hay_Ma

我個女今年讀五年級,我十分後悔入讀此校,我對學校十分不滿和氣忿!好的老師唔多,大部分都會放在一年級任教,因為要給好印象給新入來讀的家長見到,所以一年級的學生大都很滿意. 其餘的老師我都唔覺得有什麼特別好,d老師太young, 經驗唔夠. 表面很有愛心,但當你時常表達意見,佢又覺得你地d家長trouble!

最近我更不滿的是 : 因為今個星期要exam, 兩星期前已要學生每日抄寫英文默書範圍一次; 中文溫書, 唔識又要抄寫, 上星期開始連常識課文都要每日抄一課; 昨天仲發神經,要抄常識課文兩課, 日日抄抄抄, 想溫習其他科都無時間, 我都唔明,今時今日仲要咁多抄寫,仲咁"out", 這真的幫到學生溫習嗎? 我都覺得學生很可憐!

仲有,通常exam前好多時都教唔駛d書,他們會在最後兩星期, "嘭嘭"聲加快速度草草教完就算, 試問學生點會學到嘢,簡直填鴨式教學!

總之要三思和問多d係度讀的家長!所以我第二個小朋友都無再選讀此校,免得多個犧牲品!

包包mami

我都係想幫阿仔搵間好學校，哩間係其中一間會考慮既學校，因為我朋友個仔係度讀3年班，加埋我剛剛去左佢地5月尾既學校簡介會，有以下睇法：

來自朋友個仔既感覺 ：
功課唔算多，可接受。小朋友鍾意返學，因為學校用活動教學，重視關愛同欣賞，同埋老師都好有愛心，同學生關係好。(冇聽過要係黑暗環境祈禱，早會主要講公民教育，係培養品德既。而祈禱會係開學、聖誕、復活個D先有，係唱下詩歌，話劇表演，同埋學生帶領全體同學祈禱)

睇過一次學生早會：
佢地逢星期五都有早會，比家長入埋去操場，首先，有得比學生選擇做A.B.C.D四種唔同早操，如最多人選C就做早操C，好攪笑。
另外，好似朗誦幾強，因為我見佢地普通話集誦同廣東話集誦都攞全港冠軍。重有個咩關愛教職員團隊獎

學校簡介會：
有示範課睇，而且每個特別室都由學生負責介紹，感覺學校都幾肯比學生參與，佢地都好有禮貌。
校舍好大，設備齊全，新過千僖學校。有網球場，初小已經有網球課外活動，都幾吸引

黎緊會睇埋佢地第一屆畢業生既派位再進一步考慮。

leemou

原帖由 MMLFION 於 10-4-15 15:53 發表


可否詳細講吓你嘅感受, 因為我想今年9月為小女轉讀該校

該校的校長本人感覺是一個無能的校長，老師及主任處事不成熟，但這是見人見至，但至少不是我本人這樣說，有很多家長也這說，小兒本年是最後一年，有件事在小兒二年級發生的，礙于小兒仍在該校就讀，本來打算在小兒離開該校後才作出投訴，但惡夢在今年3月尾放復活節假前一天發生，最終要在最後一年帶著兩個缺點離開，我本人將二年級發生的事連接起來，因為當年的那位老師就是現在處理我小兒那事的太太，我還是那句，我後悔把小兒交托該校，加上小兒向我投訴說那位負責該事的主任，用手掀著他的衣領行，由于尚有幾個月才放暑假，所以任何投訴也要在放暑假後才能進行，這是要保障小兒在學校不會受到不公平對待，所以你可以自己考慮一吓是否將小朋友交托這學校。

MMLFION

原帖由 leemou 於 10-4-1 16:44 發表
我的兒子是這學校的學生，我只能說一句，很後悔把兒子交托這學校。

可否詳細講吓你嘅感受, 因為我想今年9月為小女轉讀該校

leemou

我的兒子是這學校的學生，我只能說一句，很後悔把兒子交托這學校。