加南 vs. 啟思

oo_chiu

邊間好d??

MAMAMEEE

同埋又有幾多NET係啟思呢? 我都聽過佢哋用中文為多. 英文教學又佔多少呢?

LauC9

揀學校要配合小朋友性格, 家庭教育和關係亦好重要, 我個女係啟思畢業生, 性格活潑好動主意多多, 放暑假後升中四啦

回想當年嘅啟思課程着重啟發每個小朋友嘅腦袋, 書本上嘅係好基本嘅知識, 我覺得多咗空間比阿女自由發揮, 啟思D老師好關心同重視每一個小朋友, 阿女讀得好開心.

每天放學係玩耍睇佢喜愛嘅書和卡通片, 我放工後同佢玩和倾偈講故事時玩角色扮演, 佢K3先有小小功課, 每天一放學主動坐定定十幾二十分鐘做功課, 下學期才學個位 + / - 數. 我地有好多時間研究恐龍, 昆蟲, 鯨魚......呢D係佢感興趣嘅課外知識. 主動性高, 喺K3阿女用圖畫作咗個有關動物冒險嘅故事書, 都有8頁纸16幅圖畫桇. (依家中英文作文都above average 架 )


當時婆担心佢學得太小字, 而我對阿女有信心, 阿女讀果間小學有7個啟思畢業生, 升小二時有5個啟思畢業生入咗精英班(全班30-32人)直到畢業.

而呢5個同學亦順利升到首志願Band 1英文中學(初中冇乜功課, 反而好多課外活動), 有2個喺初中讀緊精英班, 除咗讀書, 其他才能都唔弱, 阿女喜歡運動, 繪畫, 佢d同學喺音樂,運動,繪畫方面各有所長. 佢地好活躍架, 絕對唔係死讀書一族.

[ 本帖最後由 LauC9 於 09-7-7 21:14 編輯 ]

kateholly

啟思 is a good choice if you don't want to attend a traditional KG

chrislpy

想問吓啟思係咪由k1-k3都無功課做?

LHK820

我個仔讀迦南k2, 中文字都寫到幾深, 中英文字咭都讀到, 有次去觀課主任話中文字咭,例如:蝴蝶, 淨係識得讀蝴蝶都未夠, 希望家長同佢地一齊用蝴蝶造簡單的句子!

恩林

真係好唔易做........過完一關又一關, 自己見工都冇咁辛苦.................

原帖由 yokolee 於 09-4-29 16:09 發表
我個仔今年9月會讀啟思n1班.....因為藍田n1幼稚園不多，我們只in了啟思同迦南。可能亞仔較活躍，迦南interview要坐定定...佢肥左。而啟思在課室內小朋友各自玩玩具，老師會走過來傾計及作觀察，過程比較興鬆...touch wood收 ...

yokolee

我個仔今年9月會讀啟思n1班.....因為藍田n1幼稚園不多，我們只in了啟思同迦南。可能亞仔較活躍，迦南interview要坐定定...佢肥左。而啟思在課室內小朋友各自玩玩具，老師會走過來傾計及作觀察，過程比較興鬆...touch wood收左上午班。初初都諗住k1再考其他幼稚園，到現在...半年後..覺得上天總會有一定安排...因為亞仔愈大愈活躍...現在2歲了...不知是否terrible two, 脾氣有時都幾大，所以我覺得佢在啟思讀n1班比較合適。不過，今年我都會考其他幼稚園for佢k1班。但是會讀那一間，仍然有待觀察他的發展及能力。

所以，好贊成其他發言人說...最緊要是合適你自己的小朋友.......唉!原來做父母係一件不容易的事....

粉紅虎

我果女讀梗麗港城

easonkinki

我仔讀荃灣迦南,學費勁平(對比九龍塘)問過校長佢地話一樣,有朋友仔仔讀麗廣城果間,我覺得英文佢地會教得多d,其餘係一樣,
我地成日問大家仔仔的學校進度,佢地會教快一課,暫時對學校整體幾滿意,大人可能覺得深但我仔接受&吸收到,就算之前派過的學習咭,佢久唔久都會拿出黎睇,一次過讀晒都記得,可能佢而家只係讀緊k1字咭會有圖案

恩林

哈哈哈, 我小朋友都係成日係屋企唱歌....hahaha

啟思教小朋友唱好多兒歌, 全部都係趙校監作的, 我細仔宜加讀緊n1, 佢唔識字都日日攞左本歌書係咁唱.... 好好笑~

d個係啟思成功的地方, 啟思理念係要小朋友唔怕讀書, 喜歡讀書....的確好成功,
不過成功有代價, 啟思由淺開始, 所以學o既野少左,
所以我細仔會k1轉去其他幼稚園, 因為佢性格主動, 吸收能力高d, 所以可以學d深d o既課程~
但我大仔性格被動, 遇到問題會停左係到, 所以啟思的"唔怕讀書"理念好啱佢.........

所以冇話邊間好唔好, 只係小朋友適合讀邊一間.

ps: re. eycyw, 我剛剛相反, 我大仔間間都唔收, 得啟思收左佢.........哈哈哈哈

原帖由 eycyw 於 09-1-10 00:28 發表
我個仔今年都in k3喇，記得之前考咗七間Nursery啟思同cannan都有，間間都有收我個仔，淨係啟思一間唔收，所以我一直都覺得佢嘅收生標淮好嚴，最後可能有家長唔鐘意讀下晝班，我個仔先有得讀。雖然係下晝，都想比佢試一試
無可否認， ...

maybaby

迦南好好多，我仔讀得很開心，字卡英文中文原全冇問題，好釆我有揀錯

joecbobo

迦南- 深就深左小小, 但對小朋友升小學時好有幫助.你地都知香港系用什麼教育方洗啦

余魚媽

大家所講既迦南係咪九龍塘果間？
唔知分校既課程同九龍塘有冇分別？
正考慮比亞囡讀荃灣海濱迦南N班（揀緊迦南VS 青衣康傑），ANY COMMENT？

粉紅虎

我是路過這處, 見到話題是講迦南,我都想發表一吓  , 我個女今天讀梗k2, 這校的程度比較深, 中文寫字已開始寫"爸/羊毛/青豆/水果等, 同啊女做功課寫字無問題, 數學已教到1-50 亦開始學單/雙數, 啊女都應付到,英文字卡"biscuits/bread/noodles等等,都唔係淺ga, 至於字卡,無錯係深,例如...聖誕節/蔬菜/麵包/蛋糕/禮物等等, 我收到字卡果時都諗 梗深,又無公仔,識唔識讀ga, 原來係我地家長低估佢地, 佢地真係識ga ,每個字都認到, 個女讀這校好開心,放學都掛住老師,每日都同我講學校d 野,見個女梗開心,我無簡錯,雖然這學校比較深,係谷個隻, 但對於升小一比較好d, 我本人like 全統教育 , 另外學校好主動接觸家長,d 老師又好又關心d 學生,我個人覺得這校幾好 .

至於啟思我只知道係活動式教育, 一d 都唔料解, 係朋友話我知佢e 生之前讀這間,真係無功課做, 無寫字, 上了小一佢讀得好幸苦,追唔上,因為好多字都唔識.

所以各位家長要清楚自己要d咩,清楚自己女兒性格.

FITTI

原帖由 oo_chiu 於 08-2-3 20:50 發表

啟思都收左我bb? 但有mama話cannan好d, 啟思太淺...我都唔知點ar?大家可否俾d意見?

啟思英文好啲...