好耐冇大家既消息~~~ 暑假又到喇....
今日再鼓起勇氣帶阿女去針灸....事前同阿女brief左去做咩, 畀左張人地做針灸既相畀佢睇.... 去到個度, 好彩醫師好nice同好識同小朋友溝通, 所以阿女唔係好驚.... 醫師係我同老公個頭度各針一針畀我地感受下.. 由於我同老公事先有心理準備同有共識, 我地都表現到冇事一樣... 事實其實真係唔痛... 阿女望住我地.. 到佢針, 佢只係好奇... 不過好叻, 冇喊冇mun 針... 乖乖睇dvd... 不過今次係第一次... 佢之前做咩treatment第一次都好順攤.... 所以之後幾次先睇到阿女頂唔頂得到... (同埋今日第一次, 只係針左10針, 留針半小時... 之後要成個鐘, 又多好多枝)
anyway... 其實我同老公都覺得阿女已經好叻.... 試想想... 叫normal 小朋友go through 我地小朋友做緊既training, 佢地都未必合作.. 但係我地既小朋友唔止做一日半日training,, 而係以年計.... 所以真係好叻.... 佢地能力可能唔及其他小朋友, 不過性格上, 佢地堅強得多....
加油呀, 各位mami~~~
|