自行收生與操行

ryanmother

各位可唔可幫忙呀!  我依家為仔仔選校而忙碌地收集資料, 由於冇任何經驗, 所以都好頭痛怕選錯校, 以下有此問題想向各位有經驗人士請教:
1. 囝囝小學分精英班, 學校話keep住名次在精英班內, 基本已是band one生, 我囝囝係keep住係精英班中中地成績啦, 但操行在五年級時就較差, 四次考試中, 3次操行竟然得B-, 1次仲係c+, 而全總操行係 B-, 您地話啦, 係咪就算BAND 成績我們都唔可以在自行收生時有面試機會呀。
其實我就唔明佢間小學, 鬼死咁嚴, 囝囝冇試過見家長, 老師又冇打電話投訴過我, 手冊又冇唔好嘅評語, 真唔明操行點解咁差, 真係想累死個小朋友咩?

如果真係冇希望, 咁我應該點呀, 係咪要找尋直資英中比佢讀呀, 因為由細到大, 佢英文係比中文好, 所以佢都好想讀英中, 但佢操行咁樣, 我相信冇英中係會係自行收生見佢, 到時佢實好UPSET 了, 我希望了解多啲, 同幫佢多啲啦!  大家教吓我好嗎?  唔該哂!

ryanmother

亞仔學校有升中講座了, 到時等我睇吓會唔會見到佢班主任, 等我同佢傾傾先, 因為我都有去聽中學嘅簡介會, 係現時自行收生, 好似真係幾難架, 因為要在幾佰人中選出, 係要幾佰人中最top 60 位內, 真係對小朋友來講極大挑戰,等我再取多些資料才作打算了

judywan

原文章由 yanyan-mummy 於 07-12-2 23:58 發表

多謝安慰,有時姐姐會自我安慰咁諗,就算操行A,band 1都未必收  
la!希望大抽獎會好D,寫得踏實D,吾好太進取,博返間英中返黎la!

都係果句，盡力而為啦，我妹妹小朋友今年升中，佢操行都係得
B-，佢策略就係KEEP住小朋友BAND 1 ，等大抽獎。。。。。。。

yanyan-mummy

原文章由 judywan 於 07-12-2 23:40 發表


”會否好一點?”真係好難答你，但你可以諗下，有約三成多
BAND 1 學生，大部份都希望入英中，而英中學位根本就唔夠分，學校有大量學生選擇之下，佢地會點揀丫。聽過一個BAND 1英中校長講過，佢地都好擔心收唔夠高水準既學生而跌B ...

多謝安慰,有時姐姐會自我安慰咁諗,就算操行A,band 1都未必收  
la!希望大抽獎會好D,寫得踏實D,吾好太進取,博返間英中返黎la!

judywan

原文章由 yanyan-mummy 於 07-12-2 23:13 發表


如p.5,p.6,4張成績表只得一張C,會否好一點?

”會否好一點?”真係好難答你，但你可以諗下，有約三成多
BAND 1 學生，大部份都希望入英中，而英中學位根本就唔夠分，學校有大量學生選擇之下，佢地會點揀丫。聽過一個BAND 1英中校長講過，佢地都好擔心收唔夠高水準既學生而跌BAND，所以佢地自行收生階段，一定會精雕細選，暮求第一階段所收學生盡是精英。但都唔使太灰，見過有BAND 2 生大抽獎入到
BAND 1 英中（其實連學校都話唔知點解），盡力而為啦。。。。。。

yanyan-mummy

原文章由 judywan 於 07-12-2 17:24 發表


操行得C，自行收生皆段報英中機會就似乎微D喇。。。

如p.5,p.6,4張成績表只得一張C,會否好一點?

judywan

原文章由 yanyan-mummy 於 07-12-2 17:08 發表
其實我都想問下如果band 1生但操行差(C),咁第一輪自行收生是否一定無望?
因為姐姐的兒子今年小六,平日很乖,p.5操行(A),但p.6做錯事,操行只得(C),雖然他是band 1生,但自行是否無望?如面試又應否坦白承認過失?另他在元 ...

操行得C，自行收生皆段報英中機會就似乎微D喇。。。

yanyan-mummy

其實我都想問下如果band 1生但操行差(C),咁第一輪自行收生是否一定無望?
因為姐姐的兒子今年小六,平日很乖,p.5操行(A),但p.6做錯事,操行只得(C),雖然他是band 1生,但自行是否無望?如面試又應否坦白承認過失?另他在元朗區,英中較少,應該怎辦?希望各位幫忙,因看見她極度困擾,謝謝!

Hi-Fi

原文章由 ryanmother 於 07-11-30 14:16 發表

我會係12月份內做好囝囝份履歷表先, 之後就睇睇心儀嘅學校有冇機會, 如果冇, 果份履歷表都可以留反叩門用如果萬一派位唔好, 所以聽完各位的指示, 我學了很多嘢, 真係多謝哂!

如果有直資嘅資料, 可唔可以介紹比我呀 ...

其實你可以試吓問班主任,
可否要求校長寫推薦信。

ryanmother

原文章由 chuiiris 於 07-11-30 22:08 發表
其實板主都吾駛咁擔心, 起碼你知道已穩屬 BAND ONE
博左大抽奖先.

我小兒現屬  BAND TWO 頭, 仲谷緊佢標上去,
老師說要全級頭 30 名內才穩守 BAND ONE, 個班學生差不多科科 98-100分, ( 呢班人都吾知用什麽構造 )  ...

您真係要 check吓囝囝小學上年及以往派位程況, 我囝囝學校每年都有 around 55-58% 係可以派去band one學校, 所以要睇您囝囝學校嘅程度, 以您囝囝嘅分數, 算ok架, 除非佢學校程度低, 所以在調整機制會將學校程度調低,所以您都係問清楚, 同check 吓以往派位記錄先, 唔好傷心住, 可能唔係咁呢, check 完講反比我地聽, 一齊研究吓啦!

Goody

全級190人照計60名內都係band 1。你間什麼學校d學生咁犀利架!  我覺得以你仔的條件應該好多學校都會收喎!  你有冇參考你校今年的派位結果? 可能band 1 不只30 名呢!

原文章由 chuiiris 於 07-11-30 22:08 發表
其實板主都吾駛咁擔心, 起碼你知道已穩屬 BAND ONE
博左大抽奖先.

我小兒現屬  BAND TWO 頭, 仲谷緊佢標上去,
老師說要全級頭 30 名內才穩守 BAND ONE, 個班學生差不多科科 98-100分, ( 呢班人都吾知用什麽構造 )  ...

chuiiris

其實板主都吾駛咁擔心, 起碼你知道已穩屬 BAND ONE
博左大抽奖先.

我小兒現屬  BAND TWO 頭, 仲谷緊佢標上去,
老師說要全級頭 30 名內才穩守 BAND ONE, 個班學生差不多科科 98-100分, ( 呢班人都吾知用什麽構造 ) 全級 190人

我個仔最差個科 85 分, 英文最好才 97 分, (都吾知點谷)

雖然綱琴已考 7 級 取 DISTINCTION, 在校內是伴凑.
藍球, 足球, 普通話, 全部校隊, 法文非常好, 各位老師都喜欢他, 但都只是 BAND TWO 咋, 我都吾敢博大抽獎, 找直資.

自問我同 C6 讀書都冇小兒咁叻, 但又點呀!, 標簽是 BAND TWO 生.

ryanmother

原文章由 sally.cc 於 07-11-30 13:42 發表


今年我好很定咁同你講！大多直資收生非常理想，因近年真係好多家長以經接受咗直資辦學理念，又或者是經濟好咗好多關係！呢個係事實，但ryanmother家長又唔洗咁擔心住，因你小朋友係屬於band 1學生，放榜後叩們都有一ｄ優勢，今年應該 ...

我會係12月份內做好囝囝份履歷表先, 之後就睇睇心儀嘅學校有冇機會, 如果冇, 果份履歷表都可以留反叩門用如果萬一派位唔好, 所以聽完各位的指示, 我學了很多嘢, 真係多謝哂!

如果有直資嘅資料, 可唔可以介紹比我呀?  Thank you!

ryanmother

原文章由 Goody 於 07-11-30 12:08 發表
你唔好咁心急找直資先啦。據我所知好多直資(唔係一線果D)放榜後都會收生，到時真係派得唔好先考啦。 不過你事前都要做功課，target 邊幾間, 攞晒料sin。 我覺得你果區都好多英中, 就算攪珠都應該有機會架。

...

我真係好擔心, 因之前我就係未收集資料, 所以唔知操行咁重要, 而家可以做嘅, 就係取多啲資料, 因而家還有時間, 咁我可以去啲學校親身睇吓, 同留意佢地啲升中簡介呀!   

聽完您們咁多位寶貴意見, 我都會先試大抽獎先, 如果結果唔好, 我先會試直資英中架, 但我想先看看好的直資學校環境及收生要求等資料, 待日後有目標去叩門呀!   如果現在還不收集更多資料, 恐怕日後會不知所措, 各位可否提供更多意見或資料供我參考呢?

[ 本文章最後由 ryanmother 於 07-11-30 13:04 編輯 ]

Goody

你唔好咁心急找直資先啦。據我所知好多直資(唔係一線果D)放榜後都會收生，到時真係派得唔好先考啦。 不過你事前都要做功課，target 邊幾間, 攞晒料sin。 我覺得你果區都好多英中, 就算攪珠都應該有機會架。

原文章由 ryanmother 於 07-11-30 11:04 發表

我都明操行B係最基本, 所以現在取多啲資料, 希望幫囝囝。您都找沙田直資, 咁可唔可以分享吓邊間好呀?  我對沙田啲直資不熟, 所以唔知邊好, 另東涌"港清基信" 知唔知好唔好呀?  比啲意見好嗎?  唔該哂! ...

MISSICE128

有個同事仔做風紀, 操行 a  

ryanmother

原文章由 chuiiris 於 07-11-29 18:12 發表
操行 B 只是最普通, 最低要求, 其實你都可以照報直資, 看下有冇機會,

我住深井, 最近的直資也要找沙田區, (就算人地肯收), 都煩緊交通安排

我都明操行B係最基本, 所以現在取多啲資料, 希望幫囝囝。您都找沙田直資, 咁可唔可以分享吓邊間好呀?  我對沙田啲直資不熟, 所以唔知邊好, 另東涌"港清基信" 知唔知好唔好呀?  比啲意見好嗎?  唔該哂!