- 在線時間
- 2 小時
- 最後登錄
- 09-12-11
- 國民生產力
- 0
- 附加生產力
- 0
- 貢獻生產力
- 0
- 註冊時間
- 09-7-11
- 閱讀權限
- 10
- 帖子
- 23
- 主題
- 0
- 精華
- 0
- 積分
- 23
- UID
- 520865
|
其實要搵方法令小朋友練琴, 要先了解點解小朋友唔想練, 然後再解決; 我自己是鋼琴老師, 不過得承認對於小朋友學音樂, 屋企人先係最重要:-
-
小朋友的個人性格, 對自己的期望和對於別人的期望的反應; 天生好乖或者有鬧心既小朋友, 不論自己有冇興趣都會練習架; 相反本身唔勤快力唔聽話既小朋友就要出好多方法, 罰下tum下, 不外乎唔練琴就要罰d乜野, 練左小朋友又會得到d咩, 家長最清楚自己小朋友怕d咩鐘意d咩, 自己諗諗點賞罰~
-
家教; 睇下家長平日怎樣處理小朋友學習, 最忌小朋友撒嬌, 家長就妥協; 另外是set好要嚴格執行的時間表俾小朋友都好重要; 而且我見好多家長都視學音樂是一種純粹課外活動, 咁既情況下, 小朋友都會見到家長對於佢地中英數常與音樂方面的嚴格度有分別, d小朋友好精架, 家長點睇佢地就會相應調節自己的態度; 如果家長冇時間揍小朋友又或者不夠嚴, 咁樣最好不要在家裡練而去琴行租琴室吧, 起初小朋友去到琴室都可能唔練, 只係坐同扭計, 會浪費租房錢架, 但家長不可肉痛, 要俾時間小朋友; 帶佢去琴室練琴既人唔洗點理佢, 坐在後面就得架喇, 好快佢地就會覺得日日去到 ”面壁又唔走得” , 面前得個琴(當然唔可容許小朋友帶任何玩具去或者租果d本身有好多玩具的琴室), 就會開始試下揭開d書彈下; 經驗所得, 初級至二三級而去琴室練習既小朋友通常會比在家練琴的小朋友進步快d同埋可持續學落去的機會高d!!我有d學生本來家中有琴, 但發覺小朋友唔練琴就會同家長講, 屋企有琴都要去外面租練(屋企有琴=/=會練多d), 咁樣小朋友就會在練習方面有明顯改善, 到左習慣穩定下來, 就可以留番在家練了; 肯洗錢同有心諗辦法搵人帶小朋友去外面練既家長會有回報!!
-
興趣與困難; 學音樂一點都唔容易, 通常會比小朋友平日在學校中的學習深好多, 只不過係有興趣就會比較想去克服困難; 試想想在香港/外地, 皇家器樂考試通常達到8級程度和樂理約5,6級就可以準備考大學音樂系(咁當然同級的人有d好叻有d麻麻, 差距好遠), 以咁既尺度去量度, 其實奏樂器到了3級程度可以話已經好似日常番學讀書既科目去到小學畢業程度咁, 如果小朋友本身不是在音樂方面有點天份, 要細細個既小朋友學d”咁深既野” 很可能因為力不從心而抗拒, 睇下家長肯唔肯比小朋友慢慢學啦, 如果家長肯但老師教得太快, 咁就要同老師傾下喇; 小朋友可能學d熟悉既歌仔就有興趣, 一學d冇聽過的就不喜歡; 不過冇聽過冇興趣咪聽多d law, 番學音樂堂唱既/電視卡通兒童節目的歌仔, 小朋友實好有興趣, 原因只是因為聽慣左咋; 對於唔肯洗錢買CD的家長, 我平時會燒埋CD俾學生, 有d琴書本身冇出CD, 咁唯有我彈, 錄MP3啦; 不過有時我出錢出力幫助, 有d家長都會將隻碟丟在一旁唔播, 我都好鄧個小朋友既學習可惜~_~(而家d小朋友咁公主少爺都唔洗旨意佢地自己會走去播, 屋企人要幫佢地呀); 聽音樂時唔洗監住個小朋友咩都唔做坐定定聽架, 佢可以一邊玩一邊聽, 走黎走去都得, 一邊做功課一邊聽亦可以(但小朋友如果要背書時就唔好播喇), 最緊要聽得多!!!當然播CD時, 家長都要犧牲唔好開住個電視啦~
|
|