中三不妨考慮中四考IGCSE或兼讀OSSD/申請加拿大大學資料

b3410

如果留港讀大學，學校只考慮公開試成績，齋考試似乎可行。不過，如果有大學去海外升學的計劃的話（特別係你所講香港所面對問題）只靠一個考試成績是不夠的。
準備兩種公開試，所需時間精力都唔可以小睇。全人發展方面可能會做唔到。

cafeva

今年五月的iGCSE 考試取消左. 希望你順利考到

小時了了

happiemm 發表於 20-4-1 11:04
咁不如直接考IAL, 唔洗讀咁多野，再問，英國同香港既大學都可以淨睇IAL既成績嗎？thx!
...

可以
考IAL 係主(希望唔洗考DSE, 亦唔想考DSE)， 我唔想阿女花太多時間預備DSE (尤其係中文及通識呢两科)

happiemm

我都有睇過IAL既Syllabus, 一定深過多過DSE, 始終叫讀多1年，所以要考慮清楚。

happiemm

咁不如直接考IAL, 唔洗讀咁多野，再問，英國同香港既大學都可以淨睇IAL既成績嗎？thx!

小時了了

rw 發表於 20-4-1 10:09
請問您在那centre 上igcse?  報考試方面，系centre 代報，還是自己到考試局報？
...

詳情，請參考#1 HKDSE (JUPAS) Vs IAL / GCE AL (Non JUPAS), 裏面有好多資料你可以了解及研究吓先

小時了了

happiemm 發表於 20-4-1 10:40
如果唔考IGCSE, 到S5,6時直接考IAL, 大學收唔收?

收

小時了了

IloveJJ 發表於 20-4-1 10:04
其實你女認同你想法嗎？
要考多個公開試，唔係講笑架喎！

如果佢留係香港讀中四至中六，每年一次，考3次。
如果佢去英國讀嘅話 IGCSE 及GCEAL 其實最少都要考2次的; 如果英國某啲地區考IGCSE丶AS 及 A2 課程又係3年考3次的;紐西蘭讀高中都係3年考3次國家試的。(因為，英國或纽西蘭高中原本打算明年俾阿女過去讀的，依家疫情咁嚴重，唔知出年仲會唔會走嘛!)

昨晚我亦同佢講，依家好似小學高小應付呈分試咁，一上到高中S4(高小四年班)開始，要努力用力讀書備戰應付终極公開試。我及阿女都係呢個星期開始嘗試實踐，是否成功要實踐要往後幾年先至知了(如果最後留係香港讀高中)

happiemm

如果唔考IGCSE, 到S5,6時直接考IAL, 大學收唔收?

rw

請問您在那centre 上igcse?  報考試方面，系centre 代報，還是自己到考試局報？

小時了了

S-Kwok 發表於 20-4-1 09:07
你有冇研究過考嘅範圍係一樣？
如果唔係，夠時間讀嗎？

我有IAL vs DSE  課程範圍比較 % 嘅 Maths丶Econ丶Business 呢3科資料(呢3科我暫時計劃俾阿女自修考)(DSE Maths如無修讀M1或M2 lAL 只重叠~50%; Econ ~有啲unit80%，70%，30%)
我諗住用~2年要自修出外補習，我估阿女勉强應付掛。

所以，我打算出年阿女自修考IGCSE，其中一個原因俾阿女親自體驗又 rehearsal 同一時間佢要讀DSE 及IGCSE 課程佢應唔應付到? 如果佢同步自修IGCSE 都應付唔到，咁可能到時要非常認真考慮(實情係要非常落力游説阿女)轉校考IAL 有呢商科提供嘅學校了

S-Kwok

小時了了 發表於 20-3-31 23:51
其實，以前從無想過及計劃過阿女 S4 自修考IGCSE，只係身處大時代，19-20學年嘅上半年社會運動斷斷續續停 ...

你有冇研究過考嘅範圍係一樣？
如果唔係，夠時間讀嗎？

如果以數學為例，我仔學校一直有比啲IGCSE 嘅練習當功課做，但有啲會唔係仔現時嘅讀嘅範圍之內，不過考試範圍我未研究過。

我相信你女可以亦願意同時兼顧2種不同嘅考試，但我仔一定唔可以，佢好目標為本，亦唔願意做多。

小時了了

S-Kwok 發表於 20-3-31 22:44
其實我一直都有考慮，原因係阿仔啲中文唔得。
仔學校有IGCSE同 DSE讀，但係要睇成績。
仔唔會出國讀書，我擔心仔無能力跟其他考IGCSE嘅考生競爭。
煩

其實，以前從無想過及計劃過阿女 S4 自修考IGCSE，只係身處大時代，19-20學年嘅上半年社會運動斷斷續續停課，下半年疫情下又無了期停學，我先至突發奇想迫阿女唔好浪費時間，我自己個人想法讓阿女去考公開試迫佢去讀書及好好學習咋。

我都係今日鑽研 ITS 考試中心 IAL 嘅考試日期及科目，我先至知係香港考 IAL 1年可以有 3 次機會考 (因為阿女學校幫學生報名只報考 5、6月嗰次，所以以前我一直以為IAL 1年只可考1次），如果 S5開始考IAL，S5 - S6可以有機會考 4次呢！（DSE 1年只有1次機會。）

另外，有網友今年寶貴成功經驗分享，佢孩子自修 IAL 考今年1月嗰次，3月4日出成績，上兩星期 3月18 日同3月27日分別收到 UST 同 HKU既 Firm Offers （唔係 conditional offer CO 條件性取錄）

照推論，如果想 3月考DSE前提前有香港嘅大學 Firm Offer，IAL S5 時 考 5、6月嗰次 rehearsal 當 Mock Exam 實戰實習，S6 時考 10、11月嗰次，又或者補考下一年1月嗰次，10、11月或者下一年1月呢2次 IAL 成績如果考得好的話就會有香港嘅大學 Firm Offer， 連3月嘅 DSE 都唔洗考了。

以我自己個人做事作風：阿女升中考直資，自己及阿女都會報多幾間直資用作實戰實習，作為多方後備方案，劍指某一、兩間直資，最終如我所願考入最心儀嗰間。

依家，當阿女升高中準備考大學了，以我性格及處事方式，以實戰經驗落場考多幾次我個人認為不失為一個好好嘅實習機會，最後攞成績最好嗰次 IAL成績單交俾大學，而阿女有幾次機會考，我估佢心理壓力無咁大掛  (DSE 只有1次定生死，考得唔好要明年再考過，個人感覺都幾大壓力) ！希望幾年後，阿女亦可以升中學咁考到最心儀嘅大學。

S-Kwok

其實我一直都有考慮，原因係阿仔啲中文唔得。

仔學校有IGCSE同 DSE讀，但係要睇成績。

仔唔會出國讀書，我擔心仔無能力跟其他考IGCSE嘅考生競爭。

煩