2016-17 排到S位入黎傾下

pegand0102

methy 發表於 16-5-3 08:17
S位家訪
係學校自己既行政，社工可能唔會知。主要係入學後，班主任治療師家訪，睇下點配合家校合作。
我仔 ...

明白晒，謝謝

methy

原帖由 pegand0102 於 16-05-02 發表
讀S位要家訪？先前醫務社工無講

S位家訪
係學校自己既行政，社工可能唔會知。主要係入學後，班主任治療師家訪，睇下點配合家校合作。
我仔第一年係物理治療師+特殊老師家訪，睇下家居環境，當時仔未行到，連去廁所要扶，物理治療師就建議邊到加裝扶手，屋企坐姿要點，可以利用家居物品幫助，即場教在家可以做既訓練，老師就了解下佢日常生活起居，做下認知訓練。
第二年就職業治療師+特殊老師家訪，職業治療師建議買可以升起既枱板，去改變寫字姿勢，傾下升學；老師同小朋友做認知訓練（我們在旁學野）
第三年，因為同學校關係都密切，溝通得好好，就叫佢地唔使黎。

有個同學在學校唔多講野，音唔清唔準，治療師家訪後，驚訝小朋友在家講好多野，理解明白好多野，於是就調整學校教授既內容，呢個得著好大，幫助到小朋友。

sshoney

2歲2個月開始排至3歲10個月，排到元朗協康。

DollyCC

開左學先家訪，主要睇下屋企平日流程，講下點改善屋企設備，幫小朋友訓練。

pegand0102

lwy_brenda 發表於 16-5-2 15:33
我囝囝三歲半A仔， 一歲九個月開始排位，今年排到/派到尚德協康陳宗漢S位，五月中會見社工及家訪。現在返緊 ...

讀S位要家訪？先前醫務社工無講

lwy_brenda

我囝囝三歲半A仔， 一歲九個月開始排位，今年排到/派到尚德協康陳宗漢S位，五月中會見社工及家訪。現在返緊私人密集班

pegand0102

lucinang1130 發表於 16-5-2 00:01
我女现在3歲幾，1歲3個月開始排，我排到大窩口協康。你呢？

我仔就黎4歲，佢2歲3個月開始排，上年派左I位，但老師話佢上堂遊雲，成日攪同學，有感統問題，言語慢，未能表達自己，所以轉S位會幫到佢，我排到隆亨耀能，你呢？

lucinang1130

我女现在3歲幾，1歲3個月開始排，我排到大窩口協康。你呢？

pegand0102

Hi,我星期五收到電話派到S位，我排左年幾，你,排左幾耐同埋派左邊間中心？