我們一起向升中結果進行倒數

panbaby

大家relax 吓, 有時機關算盡, 不如天公一算


我分享一則升中的小故事給各位偉大的家長, 唔到你唔信, 細節我可能會miss 少少, 但結果是一定, 因是我的親朋.

話說佢有個囡幾年前升中, 小學是九龍城一間有名的官小, 成績Band 2 (約90 名上下), 咁老師意見好似係唔知是銀X定何XX官, 咁上下, 但佢父母好喜愛黃X南, 明知山有虎, 自行統一唔理咁多照去黃X南第一, 其他第二,   考直資就有李國X掂, 不過是Waiting 完又wait 至尾幾乎唔得嗰批, 所以時間上好遲...因佢真的勁愛黃X南, 所以唔敢好快答應李國X, 拖吓間學校...李國X是新校, 好想有名校人來讀, 又俾佢拖(其實已經CALL 到WAITLIST 尾)...咁交完統一, 拖唔到心知BAND 2, 點會收你, 抽唔中仲死得慘, 便答應李國X...

是不是有了直資, 唔去得抽獎? 咁我哋問佢, 升中邊間? 佢答: 李國X

OK, 到審判日, 佢諗住唔關佢事, 點知老師問, 點解仲唔擺成績? 佢話我哋去李國X... 老師話: 你個囡去黃X南!! 快啲嚟!!

各位家長, 換了是你, 仲唔仆番學校查, 唔通個老師點我? 原來是真的.  咁奇噃, 直資收了都可以去黃X南?? 就算我自行得都應該去唔到?

佢立即打去李國X 話唔讀, 咁李國X 回應說: '咦,  等我查吓先... 哦, 唔好意思, X太, 我上次太忙, 你又咁遲, 仲未上呈教育署, 等我立即幫你搞..."  

咁我哋問, 自行定統一入? 佢話唔知.

結果, 佢個囡今天好happy 咁响黃X南...

所以, 希望在人間

[ 本帖最後由 panbaby 於 11-5-6 12:31 編輯 ]

小B媽咪

如果真係用小朋友成績高低去分派學校，我諗家長們條氣會順啲。好可惜! 因為一個"隨機號碼"，有好多成績屬band 1中or 尾o既小朋友，真係有機會去咗啲唔理想學校，所以先至有咁多家長担心。

小B媽咪

係setting裏面，揾到"Phone"呢個tab, click入去，就會見FaceTime，跟住推去"on"。之後o係自己電話簿，揾你想揾嗰個人，click入去按"FaceTime"個制，等對方接你就得o架啦!

leeleelumlum

原帖由 dickychui 於 11-5-6 02:01 發表
不管時間如何快, 但 7月5日是一個很........ 重要的日子, 學校只讓家長在操場等待, 我已經準備好, 我把 IPHONE4 用 FACETIME 開著, 可以現場立即知道結果 ! ...

我都用緊 iphone4, 請問點可利用上述的function呀?

alice44

原帖由 minijelly 於 11-5-6 10:24 發表
hehe~~有無再誇張d呀?等你好消息呀!

無誇張呀!! 每個人的生命每日都係倒數緊呀!

兔仔得媽

從最好方面諗 [我當自行嗰時兩間學校都收左，e+大抽獎只係例行公事]
作好最壞打算 [叩門功夫要準備好，7月5日一收消息即刻出發]

pandato

又唔係得iphone先有視像功能嘅。

minijelly

hehe~~有無再誇張d呀?等你好消息呀!

OfficeMgr

Relax!  The results won't be changed if you keep nervous.

alice44

放榜倒數, 就好似我的生命倒數. 有d攞命嘅感覺.

minijelly

仲有兩個月,眨下眼就到,而加交晒表反而個心安定左,亞囡都著手畢業營&畢業典禮既野,唔理lu~~~5/7先再癲過喇

csk家長jj

我都無 iphone,唯有「收風」......班主任會早一晚知結果,我打算一早返學探聽口風。

Yanamami

米已成炊, 憂有何用?

原帖由 20091 於 11-5-6 00:06 發表
有時想,會不會博得太盡,
有時又想一想,會不會排錯位置,
天呀!重有咁多日才揭曉,mouth:" />

Yanamami

無iphone....

cameo

原帖由 panbaby 於 11-5-6 00:29 發表
統一已統交表了, 唔會太阻你哋, 想請教一下, 孩子到小六應是大約十一, 二到, 咁其實佢哋會唔會參與這個升中工程?  有冇話自己想點想點咁?

呢個年紀都清楚知道自己唔可以想點就點o架,但佢有冇參與就視乎家長態度!
我女全程有份俾意見及參與,佢都好清楚現階段已交左表,下一步係預備叩門,佢都知咩情況要叩門,,
其實你講幾多佢知幾多,唔明講到明啫,幾個月後就係中學生咯,俾番適當o既壓力佢都係為佢好^^

goodenough

原帖由 dickychui 於 11-5-6 02:01 發表
不管時間如何快, 但 7月5日是一個很........ 重要的日子, 學校只讓家長在操場等待, 我已經準備好, 我把 IPHONE4 用 FACETIME 開著, 可以現場立即知道結果 ! ...

你地又好啦有D咁新ge科技幫手,我重諗住叫仔仔在課室如果派得好就打個乞嗤,唔好就打2個咁炸.

dickychui

不管時間如何快, 但 7月5日是一個很........ 重要的日子, 學校只讓家長在操場等待, 我已經準備好, 我把 IPHONE4 用 FACETIME 開著, 可以現場立即知道結果 !

goodenough

回覆#9
唔多唔少總會有。因為佢其實都係從我地大人，老師口中得悉那些學校好，那些學校唔好。總言之，我地話邊間學校好，佢就想去那一間。
講番正題，佢參與得最多就係回校收風。每一日回來都有新發現，邊個揀左邊間，一一匯報，好讓我知己知彼。最弊就係佢更係講番比人聽自己揀左邊幾間啦！

[ 本帖最後由 goodenough 於 11-5-6 01:41 編輯 ]