入Yr.12, 入學試問題, 求教! - 海外留學 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 海外留學 › 入Yr.12, 入學試問題, 求教!

發新帖

查看: 8700\|回覆: 23	go [英國] 入Yr.12, 入學試問題, 求教! [複製鏈接]

Rank: 5 Rank: 5


	2169

1^#

發表於 23-7-13 22:22 |只看該作者 |倒序瀏覽 |打印

本帖最後由 9284 於 23-7-13 22:53 編輯

小朋友在香港讀完中三, 打算讀完中四之後去升Yr.12, 在香港多數會讀econ, business, math, english, 但十月份考Yr. 12入學試我只係讀左一個月多D的econ, business, 咁點考人地UK學校果份入學卷呢?
另外, 想問下通常比學校的application fee 係幾時交? interview完? 考完卷交? 間間都千千聲, 報得多又貴, 報得少又怕無學校收, 好矛盾

同埋早D報, 係咪易入D? 因為一路收人, D位少左就難D, 係咪咁架? 因為之前睇過有人話有間學校本身係要考UKISET, 但在香港的展覽IN完, 考完入學試就收左, 係咪真?

如果我報十間, 但間間都係100名以內既(當然唔係好名校果D), 但小女在香港成績一般, 會唔會少得滯?

Rank: 7 Rank: 7 Rank: 7


	12888

2^#

發表於 23-7-13 23:23 |只看該作者

1. 你仔女唔得, 唔代表別人的仔女中四考唔到
2.  小心, ALEVEL 英文科, 本地人都極難讀 , 不建議讀ALEVEL 英文, 子女堅持就無法

3. 一般來說, 如果父母有準備, 中四  之後Y12

是一早就準備中三  準備Y12 入學試( I/GCSE 大部份內容)

同埋通常AGENT  會見你夠分才俾你報

4. 有個暑假, 訓身準備入學試,  應該夠有突

盡快拿本 I/GCSE 相關科目讀

Rank: 5 Rank: 5


	2076

3^#

發表於 23-7-14 00:39 |只看該作者

9284 發表於 23-7-13 22:22
小朋友在香港讀完中三, 打算讀完中四之後去升Yr.12, 在香港多數會讀econ, business, math, english, 但十月 ...

本帖最後由 pharaoh 於 23-7-14 07:54 編輯

本帖最後由 pharaoh 於 23-7-14 00:42 編輯

又嚟econ + business , 知唔知呢個組合報大學有麻麻地，business 呢科大學count 係non preferred subject, 另外有冇睇清楚心儀學校俾唔俾學生take 呢個組合，我上年報時心儀嗰幾間冇一間俾咁報，不過唔排除有些學校唔強硬地唔俾嘅

報10 間？你講笑定講真？－間收你3 千，10 間都3 皮。間間考幾粒鐘試，10 間不敢想像。

Prepare yr12 entrance exam, 大至上要熟悉IGCSE 課程，盡快識咗佢為上策。

至於AL 揀Eng 為修讀科，絕對唔夠當地人玩，份entrance test paper 都未必過到関，請三思。

Rank: 5 Rank: 5


	2169

4^#

發表於 23-7-14 07:49 |只看該作者

pharaoh 發表於 23-7-14 00:39
本帖最後由 pharaoh 於 23-7-14 00:42 編輯

又嚟econ + business , 知唔知呢個組合報大學有雷，另外有 ...

香港小女間學校個combination係咁，我也冇辦法，science stream, business stream都fix左你讀邊D科。咁正常報幾多間？我係真係唔知先問，我都知間間要比$間間要考試，我新手唔識所以先上黎問

Rank: 6 Rank: 6


	6833

5^#

發表於 23-7-14 08:11 |只看該作者

9284 發表於 23-7-14 07:49
香港小女間學校個combination係咁，我也冇辦法，science stream, business stream都fix左你讀邊D科。咁正常 ...

先挑選10間學校，再係裡面抽最想入讀3-5間申請。其實學校都會睇成績比唔比你申請，正常是接受你申請才交報名費，然後先會再安排Entrance test , 面試等。

Rank: 5 Rank: 5


	2076

6^#

發表於 23-7-14 08:17 |只看該作者

9284 發表於 23-7-14 07:49
香港小女間學校個combination係咁，我也冇辦法，science stream, business stream都fix左你讀邊D科。咁正常 ...

咁你要睇清楚uk 心儀中學的選修科目詳情，我上年揀來考的學校真係幾間都寫明唔可以，你堅持揀的話就要睇下邊d 學校俾。香港你女間學校係咁安排啫，唔等於uk 學校也一樣。自己細心閱讀各學校的選科guidelines.

你問正常考多少間，5 間之內，考一間學校做卷要幾粒鐘。

Rank: 5 Rank: 5


	2169

7^#

發表於 23-7-14 08:21 |只看該作者

pharaoh 發表於 23-7-14 00:39
本帖最後由 pharaoh 於 23-7-14 07:54 編輯

本帖最後由 pharaoh 於 23-7-14 00:42 編輯

多謝你回覆，阿女香港中三成績一般，所以中四都只可以得2科elective, 咁就顺理成章得中英數常+2科商，UK大學入學試又冇中文又冇常識，你話我係咪得英數+2商可以讀?另外，唔明何解要識GCSE?真心唔明

Rank: 5 Rank: 5


	2169

8^#

發表於 23-7-14 08:24 |只看該作者

katrinafu 發表於 23-7-14 08:11
先挑選10間學校，再係裡面抽最想入讀3-5間申請。其實學校都會睇成績比唔比你申請，正常是接受你申請 ...

多謝你的回覆，咁我又想問下，係唔係只係好少例子可以喺exhibition 面試完，跟住就可以即刻考入學試，跟住收offer?

Rank: 5 Rank: 5


	1228

9^#

發表於 23-7-14 09:00 |只看該作者

其實好建議你去升學中心直接了解，我覺得你太少準備。同時不坊刨下多D 討論區文章，一定對你有幫助。

Rank: 12


	55052

10^#

發表於 23-7-14 09:09 |只看該作者

本帖最後由 beastiebistro 於 23-7-14 09:58 編輯

9284 發表於 23-7-14 08:21
多謝你回覆，阿女香港中三成績一般，所以中四都只可以得2科elective, 咁就顺理成章得中英數常+2科商，UK大 ...

1. 英國學校系統唔係設計嚟銜接香港學校，所以香港修咩科同去英國可以揀咩科完全冇關係。你喺香港讀history + geography ，去英國揀phy/chem/bio都得㗎，考到入學試收就得。所以無需要因為香港揀科去限制英國揀科。

2. 英國英文係first language咁教，香港係當係second language咁教，有根本性分別。就算香港英文100/5**都唔代表讀得掂A level English，呢樣你上網搵啲A level English past paper就會了解到。我就唔會建議你揀喇。

3. 報英國sixth form最重要係interview同校本入學試，有啲學校會要求UKISET ，有啲會要求IELTS，部分都會考慮埋香港成績。每間學校要求唔同，真係要逐間了解。唔排除有部分會因為exhibition interview表現超强所以跳過其他要求。重點係interview要揮灑自如，又表現到自己實力。

4. 報英國sixth form唔一定要GCSE，但係網友意思係A level課程係銜接GCSE課程，所以香港讀緊乜根本冇關係，反而揾啲GCSE嘅課程/past paper睇下，了解下英國課程學緊乜教緊乜更重要。考校本入學試都係會考英國課程範圍，唔會理你香港讀緊咩。

5. 盡快理解你唔係去緊一間香港國際學校，而係去緊另一個國家，去插入人哋嘅學制。

6. 報學校，間間都三幾千，十間真係多得滯。我認為好似網友提議咁可能先篩選十間八間，再喺裡面揀三四間報就好喇。冇信心嘅，咪揀啲收生門欖低啲嘅嚟做保險，唔好太進取囉。

你有其它問題可以直接PM我討論。

Rank: 7 Rank: 7 Rank: 7


	11913

11^#

發表於 23-7-14 13:27 |只看該作者

本帖最後由 yuyueng 於 23-7-14 13:28 編輯

1）如果系明年9月讀Y12，基本上你而家就要報名，10-12月已經出結果啦，12月至報隨時8成學校已經招滿學生，得番候補位。
2）每間學校考試內容都唔同，有D系比份英數你做再加面試同本身校內成績。
3）正常唔會報10間，最多報5間，揾2間好想入既，再加2-3間中等既，5間入面有3-4間比你申請甘就夠啦，接受你申請就要比報名費。
4）上面好多會員講左讀Econ就唔好讀Business啦，英文都唔好，A Level好多人只系讀3科，科目既野其實等收左你之後或者9月開學後都仲可以轉。

Rank: 5 Rank: 5


	2169

12^#

發表於 23-7-14 14:36 |只看該作者

beastiebistro 發表於 23-7-14 09:09
1. 英國學校系統唔係設計嚟銜接香港學校，所以香港修咩科同去英國可以揀咩科完全冇關係。你喺香港讀histor ...

咁本身UK既SIXTH FORM學生在GCSE都已經讀緊果D科, 如果我在香港讀都未讀過果D科(DRAMA, PE, FILM STUDIES, ETC...)但又去選, 咁咪追返人地既課程都好辛苦囉?我明白英文呢科跟本無得同人比, 而家慘就慘在如果要接軌返人地SIXTH FORM讀過既科, 只有BIO, MATH, CHEM, ENG, 但阿女已經講明唔再想讀BIO CHEM, 想讀ECON, 咁衰又衰在學校必定係ECON + BUSINESS, 咁我先至無哂彎轉啫

另外, 除在ENTRANCE EXAM及INTERVIEW, 其他要考UKISET, CAT4, IELTS我都唔會考, 我自己睇過果D CAT4卷, 其實都幾無聊, 所以唔會考, IELTS又講名適合AT LEAST 16YR的小朋友考, 我女都未夠秤, 所以又唔會考, 淨返UKISET, 我地根本都無準備過, 但操完之後考得好又點, 考得再高分都反映唔到我個女在ACADEMIC方面差既缺點, 入到去果D睇UKISET成績既學校咪盞人地一陣高估左我個女, 而我個女又追唔到其他人咁就仲慘, 所以我都知變相自己可以選的學校又少左

Rank: 5 Rank: 5


	2169

13^#

發表於 23-7-14 14:42 |只看該作者

yuyueng 發表於 23-7-14 13:27
1）如果系明年9月讀Y12，基本上你而家就要報名，10-12月已經出結果啦，12月至報隨時8成學校已經招滿學生， ...

1.我知呀, 所以我而家日睇夜睇UK的寄宿學校, 希望快D可以SORT OUT想考既學校出黎2. 其實英文果份都知無好結果, 但數學果份係咪都可以同人地D學生FIGHT下呢?
4.如果讀人地本身GCSE已經讀緊既科, 我地呢D本身無讀過又走去簡, 真係好輸蝕, 如果讀過既就亦只有PHY CHEM BIO ENG MATH, 就算連PE都唔係我地香港果D體育堂PE , 咁點簡啫? 阿女又講明唔想讀PHY CHEM BIO, 唉

Rank: 7 Rank: 7 Rank: 7


	11913

14^#

發表於 23-7-14 14:53 |只看該作者

9284 發表於 23-7-14 14:36
咁本身UK既SIXTH FORM學生在GCSE都已經讀緊果D科, 如果我在香港讀都未讀過果D科(DRAMA, PE, FILM STUDIES, ...

UKISET呢D唔使去考，無謂浪費時間金錢，早D報英國學校，有位既唔系想像中甘難，有D好求其下都有，無位就難考啫。

Rank: 7 Rank: 7 Rank: 7


	11913

15^#

發表於 23-7-14 14:58 |只看該作者

9284 發表於 23-7-14 14:42
1.我知呀, 所以我而家日睇夜睇UK的寄宿學校, 希望快D可以SORT OUT想考既學校出黎2. 其實英文果份都知無好結 ...

F Maths得唔得？都唔少人就甘讀Maths + F Maths + Physic，甘你可以試下2科數學+Econ。

又或者心理學呢D？我仔有個女同學佢GCSE無讀過心理學，但ALevel有讀。

Rank: 5 Rank: 5


	4217

16^#

發表於 23-7-14 15:07 |只看該作者

考英文同A Level 揀英文係兩件事。前者係學校想知你嘅英文能力，呢方面唔駛同local student 比；後者係真正選科，如果你apply 學校時話想揀呢科，學校其實都未別俾你讀。
其實，亦唔係間間都會按你想選嘅科考你。你可以搵agent 攞吓初步料。

Rank: 5 Rank: 5


	4217

17^#

發表於 23-7-14 15:11 |只看該作者

9284 發表於 23-7-14 14:36
咁本身UK既SIXTH FORM學生在GCSE都已經讀緊果D科, 如果我在香港讀都未讀過果D科(DRAMA, PE, FILM STUDIES, ...

本帖最後由 SIYip 於 23-7-14 15:14 編輯

其實hk 學校揀咩同A Level揀咩無關係。
但hk 學生比英國叻嘅係數理，英文無得同local student比，讀文科有d 蝕底，你要考慮清楚。
我仔中三地理好好，去英國讀GCSE Geography 係完全兩回事，反而數理都考得好好。

Rank: 5 Rank: 5


	2169

18^#

發表於 23-7-14 15:40 |只看該作者

本帖最後由 9284 於 23-7-14 15:45 編輯

SIYip 發表於 23-7-14 15:11
本帖最後由 SIYip 於 23-7-14 15:14 編輯

其實hk 學校揀咩同A Level揀咩無關係。

以我理解返各位網友既意思, 即係其實我女過去果邊讀ALEVEL即係UK學校會預我好似中三剛開始讀PHY CHEM BIO咁白紙一張咁重新簡科?咁我又唔明, 人地GCSE已經讀緊/讀過喇喎, 唔洗追返人地已有知識既咩? SORRY, 可能我蠢, 真係點極唔明, 我真係唔名咩叫 "其實hk 學校揀咩同A Level揀咩無關係"呢句, 因為在我既MINDSET認知, 唔係香港讀過, 有左起碼果科既基本知識(即GCSE)先可以入去讀人地再高一個層次(SIXTH FORM)既知識的嗎?

Rank: 5 Rank: 5


	2076

19^#

發表於 23-7-14 16:27 |只看該作者

SIYip 發表於 23-7-14 15:11
本帖最後由 SIYip 於 23-7-14 15:14 編輯

其實hk 學校揀咩同A Level揀咩無關係。

Geog 關唔關答題essay skill 事？因為香港中三geog 的答法比較簡單

Rank: 5 Rank: 5


	2076

20^#

發表於 23-7-14 16:34 |只看該作者

9284 發表於 23-7-14 15:40
以我理解返各位網友既意思, 即係其實我女過去果邊讀ALEVEL即係UK學校會預我好似中三剛開始讀PHY CHEM BIO ...

以我上年看過一些subject entrance paper, 就算是phy chem bio , 內容都已經係香港中四至五的東西，數學就係igcse 的內容，和香港課程有少少分別，有幾個chapter 香港中三和中四開初未cover 到，係要額外溫習的，你女是完成中三，中四上學期考入學試，即是要額外準備。

‹ 上一主題|下一主題 ›

發新帖

熱門主題

最高瀏覽主題