ABA training - 自閉寶寶

Rank: 6 Rank: 6


	5685

2^#

發表於 15-9-23 09:08 |只看該作者

Autism Partnership 係香港最大最早的ABA training centre, 總部在US。全世界各地都有。香港其他ABA training centre 啲therapists大部分都喺果度出嚟。
除咗一間專搵菲律賓所謂therapists去人地屋企做。

Autism Partnership (AP) 每個小朋友個案有最少一個supervisor (senior therapist) 及下面幾個 therapist (junior) 跟。
根據supervisor的評估及與家長(及學校)溝通,制定度身訂造的訓練計劃，有短期如一星期、中期一個月的訓練方案。
比方是訓練小朋友與人的眼神接觸, 首先找出受訓者A喜歡的獎勵，如踏三輪車3分鐘，跟著與A商議好若A能在10分鐘內有五次良好的眼神接觸，便可踏三輪車3分鐘作獎勵，不能完成的話不能有獎勵，但絕不會罰。
therapist就扮演其他小孩或大人路人甲的角色，跟A交談、玩耍等。引導A作眼神接觸。
訓練特點邑tailor made program, 是 achievable 不會太難亦不太易,否則太boring 及浪費時間。
永遠是positive reinforcement, training 對孩子來說永遠是有reward, 正面開心。
Task 由淺入深，初時看起來很機械化。如教孩子怎樣跟其他小孩玩，初時教的是model answer 開場白，由大人作角色扮演，之後訓練孩子將model answer 跟據不同情況改變及多樣化，最後訓練孩子跟真正孩子play date 評估成效。

EEFF

複式洋房

Rank: 3 Rank: 3


	147

3^#

發表於 15-9-23 10:55 |只看該作者

引用：Autism+Partnership+係香港最大最早的ABA+t

原帖由 Activehealth 於 15-09-23 發表
Autism Partnership 係香港最大最早的ABA training centre, 總部在US。全世界各地都有。香港其他ABA traini ...

請問ABA課程是不是很貴? 要train幾耐才有成效?

Rank: 6 Rank: 6


	5685

4^#

發表於 15-9-23 11:57 |只看該作者

係好貴，連training加開會，一個月要預幾萬。

通常要試三個月至半年才可見成果，我個仔train咗年幾兩年才完。

EEFF

複式洋房

Rank: 3 Rank: 3


	147

5^#

發表於 15-9-23 22:28 |只看該作者

引用：係好貴，連training加開會，一個月要預幾萬

原帖由 Activehealth 於 15-09-23 發表
係好貴，連training加開會，一個月要預幾萬。

通常要試三個月至半年才可見成果，我個仔train咗年幾兩年才 ...

你仔幾多歲開始train? 和train完有什麼明顯改善?請問幾萬一個月即係幾多萬呀?

Rank: 6 Rank: 6


	5685

6^#

發表於 15-9-23 22:55 |只看該作者

兩歳幾開始，train到四歲幾。

之前撼頭、唔望人、十問九唔應、講星球話、發脾氣樣樣齊。加上成曰病、便秘、皮膚疹。

他同時接受ABA ，Biomedical treatment 同 Craniosacral Therapy 加 GFCF diet.
現在11歲，已進中學，暑假時私人做了全面評估包括IQ TEST, 被評為highly gifted 至 exceptionally gifted. 很多朋友及極愛表達自己的意見。但較固執及自我照顧能力較低。

祇ABA 每月三至五萬，八年前價錢，現在唔止。
加上其他治療，花了的錢要以百萬計。

奀珠

Rank: 4


	619

7^#

發表於 15-9-23 22:59 |只看該作者

引用：兩歳幾開始，train到四歲幾。之前撼頭、唔

原帖由 Activehealth 於 15-09-23 發表
兩歳幾開始，train到四歲幾。

之前撼頭、唔望人、十問九唔應、講星球話、發脾氣樣樣齊。加上成曰病、便秘 ...

之前問過AP home base要四萬幾，centre base好似兩萬幾。
想問吓你小朋友幾歲識講嘢？

Rank: 6 Rank: 6


	5685

8^#

發表於 15-9-23 23:12 |只看該作者

奀珠發表於 15-9-23 22:59
之前問過AP home base要四萬幾，centre base好似兩萬幾。
想問吓你小朋友幾歲識講嘢？

...

你個價可能浄係training,未包每月同supervisor開會價錢。
我個仔當年上午返kindergarten有AP therapist 做shadow teacher, 下午在centre 或家做training. 所以依家要相同服務，起碼加多一萬至二萬才可。

阿囝兩歳幾大多只講單字，最多二至三字。五歳開始變了關不掉的收音機，不停問問題what?how?why?when?who?

現在喜歡評論世界大事如政治、經濟、歷史等。

奀珠

Rank: 4


	619

9^#

發表於 15-9-23 23:54 |只看該作者

引用：Quote:奀珠+發表於+15-9-23+22:59+之前問過

原帖由 Activehealth 於 15-09-23 發表
你個價可能浄係training,未包每月同supervisor開會價錢。
我個仔當年上午返kindergarten有AP therapist 做s ...

多謝你嘅分享，實在加強咗我嘅信心。我用另一間ABA,我仔剛上K1, 不過因為學校唔俾shadow, 所以無得shadow。幸好老師都體諒，學校人手都ok。
佢上ABA剛好半年，進步得唔錯，不過只肯講簡單詞語，好少句子，而且好多指令都唔明，專注力差，biomedical又無咩進展，所以實在擔心。

Angel1202

Rank: 4


	819

10^#

發表於 15-9-29 21:28 |只看該作者

回覆 Activehealth 的帖子

麻煩你話我知個間ABA公司係邊丫我想去睇睇雖然幾萬一個月係好貴但如果有效都值得嘅麻煩你

Rank: 6 Rank: 6


	5685

11^#

發表於 15-9-29 22:13 |只看該作者

回覆 Angel1202 的帖子

Autism Partnership
喺北角

Angel1202

Rank: 4


	819

12^#

發表於 15-9-29 22:59 |只看該作者

Thx

lovesumsum

複式洋房

Rank: 3 Rank: 3


	119

13^#

發表於 15-10-4 22:39 |只看該作者

回覆：dearmm 的帖子

http://info.bacb.com/index.php?page=100155&by=country

agatechung

Rank: 4


	557

14^#

發表於 15-10-9 12:30 |只看該作者

回覆 dearmm 的帖子

ABA你可以睇書自學,好簡單,去圖書館借啦,自己做仲好過人地做.
仲有家長可以去學下人際XX介入法同親子遊X治療之後幫自己子女。比上訓練班仲好好多!
長遠黎講效果比ABA仲好好多~

Rank: 6 Rank: 6


	5685

15^#

發表於 15-10-9 13:19 |只看該作者

agatechung 發表於 15-10-9 12:30
回覆 dearmm 的帖子

ABA你可以睇書自學,好簡單,去圖書館借啦,自己做仲好過人地做.

你有同孩子做過人際xx介入法及親子遊x法嗎？
你孩子有做過ABA嗎? 自己做？

是你圖書館借書自學跟孩子做？

若有的話，請多多分享經驗。

實踐經驗最寶貴，不然的話沒意思。

agatechung

Rank: 4


	557

16^#

發表於 15-10-9 17:52 |只看該作者

回覆 Activehealth 的帖子

ABA有得借書睇，佢的原理係同遊戲X療相似，亦係其中一種指導式遊戲治療! 我個人覺得吾係太難,睇書係可以明白，佢有2本書我都借左起家~~~ABA岩一些真係聽吾明指令的小孩。

但睇完我覺得我小孩已吾需要ABA，因為我仔吾係吾明白指令,未去到咩都吾識的地步,二來我要的係吾需要聽指令先有反應，我希望係佢遇到問題時自動自覺解決(對有自閉的小孩好難)。

而親子遊x法我都有起圖書館借左幾本書,超好,睇吾明就去找些堂上,平平地7百幾蚊都見過有得上。介入法有得上YOUTUBE睇人點用,點教。("介入"係FOR家長學點用小孩日常相處之中點教小孩)

我2隻都有同仔玩,仔真係進步得好好!!仲令我好嘔血，因為進步左,叻左,聰明左,所以難教左.........
但佢的情緒會更穩定,服從性亦強左,理解力更好。

介入法,我當佢係暗示法。仔的自主性強左,多左自動自覺,自己照顧自己(自立左)!
其實係之前有些POST,有JM分享過點,之後自己試用下介入法去教,得出黎的效果好好!!

例如係: 囝睇電視，比爸爸關左，因為要囝訓,囝不停尖叫!喊!掉野!
我就話: {你好吾開心!好吾開心! 好不滿,好傷心! "因為"爸爸關左電視，你嬲爸爸，令你冇得睇電視, 你好鐘意睇電視,頭先電視有咩野睇? 有企鵝BB有企鵝BABA有.....真係好好睇，好得意, 媽咪都好鐘意睇,媽咪都好睇繼續睇} X5-8次 (令佢知道佢係咩感受中,再講些經驗分享{企鵝好得意}, 媽咪的感覺. 講5-8次係比時間佢明白咩事咩情況, 比時間佢了解我的說話同意思, 思考,令佢知道我的感受,我明白佢的心情)

"不過"!我地要訓啦!而家好夜啦!所以而家要訓覺! 你可以選擇自己入房，我就同你講故仔書，或者你可以選擇繼續扭要睇電視，我就會"的"你入房,直接關燈訓覺，到時冇故仔書睇! X2-3次 (明白還明白,了解佢還了解佢,但事實上係點(立限制), 事實上係一定要訓,再比選擇佢，不過講出口就一定要做得到)

佢全程冇望過我，當時我亦吾知佢明吾明,當時佢2歲2個月大左右。
最後佢收聲,望一望我就乖乖入房囉書。再有下次相似事發生時,佢尖叫的情況已愈來愈小,服從時間愈來愈快!

例如食飯，因為較早時接受治療時食左好多零食，所以吾肯食晚餐。爸爸叫極佢都冇反應,完全係好似聽吾到。
我:要食飯啦!我知道你吾想食飯,你覺得D飯吾好味,你吾鐘意,你好討厭食飯，而且你吾肚餓,你食左好多零食，媽咪都覺得食零食好味過食飯~~

不過飯係一定要食,每人每日都一定要食,
媽咪比多5分鐘時間你玩,5分鐘後一定要食飯，如果你到時選擇乖乖地自己走去坐低食,媽咪就比果汁你飲,如果到時你都係選擇吾食飯,媽咪就會生氣,到時吾會比果汁你飲!

依個過程,包括佢果5分鐘,冇望過冇理過我......我同我C6都諗,到地佢明吾明白,有冇聽我講野?
我有計時,5分鐘到啦,同佢講:時間到啦!夠鐘啦,佢先望我"汁汁呢?" 我"你去坐好我就去囉汁汁比你"

玩親X遊戲,以佢為主導玩玩具~你的時間,人都係佢AR, 佢想點就點,起當中要講佢的感受佢做緊什麼，當然當中有些野要注意!自己睇書啦........

遊戲X療係幫佢建立自己的內心,佢的情緒控制，有時訓練中,要佢聽指令,要佢點就要點, 但起遊戲X療中,佢就係話事人,平時禁止或不受歡迎的行為可以盡情做，佢內心得到滿足,情緒會穩定,再加上你明白佢的感受,會更易服從你，更親近你，而起玩中,佢的理解會變強,(因為你不停講關於佢的野同佢做緊咩)

另一方面，暗示法: 如流鼻涕，我見佢流,吾會幫佢,只話"哇~~~(大聲)你好Dirty呀!指我個鼻~因為我好誇張~佢會望望我! 佢一頭開吾明白,因為次次佢一流就有人幫佢抹! 所以吾明白流鼻涕要用紙巾抹。我話:"哇~~~!好DIRTY呀!點先可以乾淨返呀???" 之後又停一停....吾幫佢,其實流鼻涕會好吾舒服!再加上我的提示下,佢感覺鼻好痕/吾舒服/好DIRTY.......之後我指一指個紙巾盒,AR!!?果度有盒紙巾!! 之後佢就識去囉紙巾抹。(我先令佢發覺問題, 提示佢有所感覺, 提出令佢思考點解決, 再指出如何解決) 漸漸!我的提示會減少! 1個月後，佢一流鼻涕佢就找紙巾抹鼻。

例如洗手: 我放佢起CHAIR上叫佢洗手,但我又吾郁，佢望望我, 我話係啦!洗手仔啦,洗啦! 佢又望望我又望望水龍頭, 我話:邊度有水呀?佢就掂一掂水龍頭,我話:係啦!水龍頭點先有水出呀? 佢就開水, 我話:要用泡泡先乾淨.泡泡呢? 佢就囉泡泡,在我提示下佢每做一樣野我都會肯定佢,佢會更有信心,更主動試做。好快就識得何謂洗手!~

仲有瀨尿,大便都解決晒! 而家唯一的問題係吾望人,其他的野都解決晒.......

agatechung