- 在線時間
- 312 小時
- 最後登錄
- 25-9-12
- 國民生產力
- 3639
- 附加生產力
- 46057
- 貢獻生產力
- 0
- 註冊時間
- 07-11-25
- 閱讀權限
- 10
- 帖子
- 27808
- 主題
- 12607
- 精華
- 0
- 積分
- 77504
- UID
- 168291
 
|
依法治國，依法治港，又有新嘅真實例子，香港大學頒發榮譽博士學位，按傳統係由校務委員會榮譽學位委員會推薦，交由校務委員會通過，再交予大學校監──香港特別行政區行政長官確認，但校監有最後權力刪除佢認為唔適合攞榮譽博士學位之人。在港英管治時，港督有冇運用過呢項「否決權」，無人知道，但咁多年來，港大或其他大學從無傳出此類「秘聞」，或可假設歷任港督、第一第二位特首有此特權而不用，只係遵從大學自主決定。
今次呢，有傳聞，有記者質問噃，記者提問：「有否提出刪港大名譽博士名單？」梁振英答：「我不能夠評論任何我在公職裏的個案，但我可以講，我作為行政長官和校監，我完全根據有關的大學條例去履行我的職責。」
如此答案，即是不承認，也不否認，資深記者見得類似答案多，自然會認為梁振英確曾經「履行條例賦予大學校監的職權」，刪除過起碼一個獲推薦人選。至於有無佐證，除非港大榮譽博士學位委員會成員出嚟作證啦，你估有無人肯做深喉，好似教資會RAE2014報告咁，未發佈就已經登上「文匯報」呢？
新年團拜之時，恭喜恭喜過後，耳仔邊就收到東南西北風，隱約聽到有人講，時任大學校監唔係備權不用之人，而係熱切執行「依法治港」嘅信徒，香港法例過往賦予總督好大權力，特區政府全盤繼承，頭兩位特首遵照傳統，備特權不用，第三位特首就幾鍾意「根據有關條例履行職責」，故此刪走港大榮譽學位人選之說，有超過五成機會不是空穴來風。再者，佔中之後，校監「痛定思痛」，思前想後，會履行職責，修理大學校風，策略就係在任校長暫時由得佢地做住先啫，有權管理校長嘅校董會主席係由特首委任嘅噃，適逢今年港大校務委員會主席梁智鴻做滿六年，按例要退下（也可不退，如馮國經就做咗近九年），相信特首辦現在已經心中有數，高靜芝正在準備可替代人選名單咯。一位大學校董（與港大無關）見到如此境況，認為做大學校董未必再是清高榮譽職位，話明三年任期一夠就立即退休，不再戀棧，總之如果俾羅范椒芬視為「頂心杉」一類非梁粉，憑「社會人士」資格被委任為大學校董嘅，早走為宜，唔走都會俾人換掉。
左丁山
|
|
發表於 15-2-24 09:09
